പുതുയുഗ ഗെയിം സവിശേഷതയുമായി ഇൻഫിനിക്സി​െൻറ പുതിയ HOT 30 സ്മാർട്ട് ഫോൺ

റിയാദ്​: മുൻനിര ഇല​ക​്​ട്രോണിക്​ ബ്രാൻഡായ ഇൻഫിനിക്സ്, മൊ​ബൈൽ ഗെയിം പ്രേമികൾ ഏറെ പ്രതീക്ഷയോടെ കാത്തിരുന്ന പുതിയ HOT 30 സ്മാർട്ട് ഫോൺ പുറത്തിറക്കി. പബ്​ജി മൊബൈൽ ഗെയിമുമായി സഹകരിച്ച്, പ്രോസസർ, സ്‌ക്രീൻ, ഫാസ്​റ്റ്​ ചാർജിങ്​, വീഡിയോ സവിശേഷതകൾ എന്നിവയിൽ കാര്യമായ അപ്‌ഗ്രേഡ്​ ഫീച്ചറുകൾ ഉൾപ്പെടുത്തിയ സ്​മാർട്ട്​ ഫോണാണ്​ അവതരിപ്പിച്ചിരിക്കുന്നത്​. മികച്ച സ്‌ക്രീൻ നിലവാരവും ശക്തമായ പ്രകടനവും മിന്നൽ വേഗത്തിലുള്ള ചാർജിങ്​ ശേഷിയുമുള്ള HOT 30 ആ സെഗ്‌മെൻറിലെ മുൻനിര ഗെയിമിങ്​ ഫോണാണ്.

തങ്ങളുടെ യുവ ഉപഭോക്താക്കളുടെ ആവശ്യങ്ങൾ മനസിലാക്കാനും മൊബൈൽ ഫോൺ വികസനത്തിൽ നൂതന സാങ്കേതികവിദ്യകൾ ഉൾപ്പെടുത്താനുമാണ്​ ശ്രമിക്കുന്നതെന്ന്​​ ഇൻഫിനിക്സ്​ പശ്ചിമേഷ്യൻ-ഉത്തരാഫ്രിക്കൻ മേഖല ബിസിനസ് ഹെഡ് ക്രിസ് വാർത്താക്കുറിപ്പിൽ പറഞ്ഞു. HOT 30 സീരീസ് സൗദി അറേബ്യയിൽ ഗെയിമിങ്​ കൂടുതൽ ജനകീയമാക്കും. ശക്തമായ പ്രോസസ്സറുകളും മതിയായ മെമ്മറിയും ഏറ്റവും ഉജ്ജ്വലമായ ഹൈ-ഡെഫനിഷൻ സ്‌ക്രീനുകളും മിന്നൽ വേഗത്തിലുള്ള ചാർജിങ്​ ശേഷിയും ഉള്ള ഫോണാണ്​ ഇത്​.

ഈ ഫീച്ചറുകൾ മൊബൈൽ ഗെയിമിങ്​ അനുഭവത്തെ പുതിയ ഉയരങ്ങളിലെത്തിക്കുമെന്ന്​ തന്നെയാണ്​ തങ്ങൾ കരുതുന്നത്​. ഉയർന്ന നിലവാരമുള്ള മൊബൈൽ ഉപകരണങ്ങൾ തേടുന്ന ഓരോ യുവ ഉപയോക്താവിനെയും ആകർഷിക്കുന്ന മത്സരാധിഷ്ഠിത വിലനിലവാരത്തിൽ HOT 30 വിപണിയിലെത്തിക്കുന്നതിൽ തങ്ങൾ അഭിമാനിക്കുന്നതായും അദ്ദേഹം കൂട്ടിച്ചേർത്തു.

മൊബൈൽ ഗെയിമിങ്ങിനായി പ്രത്യേകമായി തന്നെ നിർമിച്ച ഈ ഫോൺ, സാധാരണഗതിയിൽ യുവ ഗെയിമർമാർ നേരിടുന്ന ഇമേജ് നിലവാരമില്ലായ്​മ, ഉപകരണത്തിന്​ ചൂട് പിടിക്കൽ, അസ്ഥിരമായ നെറ്റ്‌വർക്ക് വേഗത എന്നിവയുൾപ്പെടെ പൊതുവായ പ്രശ്‌നങ്ങളെ ഇല്ലാതാക്കുന്നു. ശക്തവും ശേഷി സന്തുലിതവുമായ ഹീലിയോ ജി88 പ്രൊസസറും 16ജിബി വരെ വികസിപ്പിക്കാവുന്ന മെമ്മറിയും ഉള്ളതിനാൽ, HOT 30 ഫലത്തിൽ എട്ട്​ ജി മെമ്മറിയുടെ പ്രകടനമാണ്​ കാഴ്​ചവെക്കുന്നത്​.

കൂടാതെ 18 ആപ്ലിക്കേഷനുകൾ വരെ ഒരേസമയം തുറന്നുവെക്കാനും ഈ ഫോണിൽ കഴിയും. ഒപ്റ്റിമൈസ് ചെയ്ത ഡാർ-ലിങ്ക് 3.0 ഗെയിമിങ്​ എൻജിനും ഫീച്ചർ ചെയ്യുന്നുണ്ട്​. ത്രീഡി ഗെയിം സ്ഥിരത ഉറപ്പുനൽകുന്നതിനായി ലോഡ് സാഹചര്യങ്ങളുടെ ഇൻറലിജൻറ്​ സെൻസിങ്​, കൂളിങ്​ എന്നിവ പ്രദാനം ചെയ്യുന്നു. ബാറ്ററിയുടെ ആയുസി​െൻറ കാര്യത്തിൽ ഉന്നതമായ പ്രകടനമാണ്​ ഈ ഫോൺ കാഴ്​ചവെക്കുന്നത്​. ദിവസം മുഴുവൻ നീണ്ടുനിൽക്കുന്ന 5000mAh ബാറ്ററിയും വെറും 30 മിനിറ്റിനുള്ളിൽ 55 ശതമാനം വരെ ചാർജ് ചെയ്യുന്ന 33 വാട്​സ്​ ഫാസ്​റ്റ്​ ചാർജിങ്​ സാങ്കേതികവിദ്യയുമാണുള്ളത്​. ഉയർന്ന 1080 പിക്​സൽ റെസല്യൂഷനോടുകൂടിയ 6.78 ഇഞ്ച് സ്‌ക്രീൻ, 90ഗിഗാ ഹെട്​സിൽ റിഫ്രഷ്​മെൻറ് നിരക്ക്​​, 270 ഗിഗാ ഹെട്​സ്​ ടച്ച് സാംപ്ലിങ്​ നിരക്ക് എന്നിവ ഉപയോഗിച്ച്, HOT 30 ഏറ്റവും മികച്ച ഗെയിമിങ്​ അനുഭവം പകർന്നുനൽകും. ഫോട്ടോകളും വീഡിയോകളും ഉന്നതമായ ദൃശ്യമിഴിവിൽ കാണാനാവും. അതിനായി 600 നിറ്റ്​സ്​ തെളിച്ചവും 96 ശതമാനം ഡി.സി​.ഐ.-പി ത്രീ കളർ ഗാമറ്റും ഉള്ള ഔട്ട്‌ഡോർ ഡിസ്‌പ്ലേയും സ്വയം വികസിപ്പിച്ചെടുത്ത ഡാർക്ക് ഏരിയ ഡിസ്‌പ്ലേ മെച്ചപ്പെടുത്തൽ സാങ്കേതികവിദ്യയും ഇതിൽ ഉൾപ്പെടുന്നു.

HOT 30-​െൻറ മറ്റ് സവിശേഷതകളിൽ 50-മെഗാപിക്സൽ പ്രധാന കാമറ ലെൻസ് ഉൾപ്പെടുന്നു. വലിയ എഫ്​1.6 അപ്പർച്ചർ ഫീച്ചർ ചെയ്യുന്നു. ഫോട്ടോഗ്രാഫി പ്രേമികൾക്ക്, രാത്രിയിലെ തിരക്കേറിയ നഗര തെരുവുകളിലെ നിമിഷങ്ങളോ, അതിശയകരമായ ലാൻഡ്‌സ്‌കേപ്പ് സീനുകളോ പകർത്താൻ ഇതിലൂടെ കഴിയും. ഡ്യുവൽ സ്പീക്കർ ഡിസൈൻ, ഡി.ടി.എസ്​ സാങ്കേതികവിദ്യ, സ്ലിമായ ബോഡി, സൗകര്യപ്രദമായ ഫോൺ അൺലോക്കിങ്ങിനായി സൈഡ് ഫിംഗർപ്രിൻറ്​ സംവിധാനം തുടങ്ങി നിരവധി സവിശേഷതകളാണ്​ ഈ ഫോണിനുള്ളത്​.