Begin typing your search above and press return to search.
exit_to_app
exit_to_app
Homechevron_rightBusinesschevron_rightMarketchevron_rightഅറ്റകൈക്ക്​ ഇന്ത്യ;...

അറ്റകൈക്ക്​ ഇന്ത്യ; എണ്ണവില കുറക്കാൻ കരുതൽ നിക്ഷേപം പുറത്തെടുക്കുന്നു

text_fields
bookmark_border
അറ്റകൈക്ക്​ ഇന്ത്യ; എണ്ണവില കുറക്കാൻ കരുതൽ നിക്ഷേപം പുറത്തെടുക്കുന്നു
cancel

ന്യൂഡൽഹി: എണ്ണവില കുറക്കുന്നതിനായി കരുതൽ എണ്ണനിക്ഷേപം പുറത്തെടുക്കാനൊരുങ്ങി ഇന്ത്യ. യു.എസിന്‍റെ പദ്ധതിയനുസരിച്ച്​ മറ്റു രാജ്യങ്ങളുമായി ചേർന്ന്​ കരുതൽ എണ്ണനിക്ഷേപം പുറത്തെടുക്കാനാണ്​ ഇന്ത്യയുടെ നീക്കം. എണ്ണ ഉൽപാദക രാജ്യങ്ങൾക്ക്​ ശക്​തമായ സന്ദേശം നൽകുന്നതിനായാണ്​ കരുതൽ എണ്ണനിക്ഷേപം പുറത്തെടുക്കാൻ യു.എസ്​ തീരുമാനിച്ചത്​. വിതരത്തിൽ നിയന്ത്രണം ഏർപ്പെടുത്തി എണ്ണ ഉൽപാദക രാജ്യങ്ങൾ വില ഉയർത്തുന്നുവെന്നാണ്​ അമേരിക്കൻ ആരോപണം.

ബൈഡൻ ഭരണകൂടത്തിന്‍റെ നിർദേശം നടപ്പാക്കാൻ പെട്രോളിയം-വിദേശകാര്യ മന്ത്രാലയങ്ങൾ ഒരുമിച്ച്​ പ്രവർത്തനം തുടങ്ങിയെന്നാണ്​ റിപ്പോർട്ട്​. വൈകാതെ ഇക്കാര്യത്തിൽ ഔദ്യോഗിക അറിയിപ്പുണ്ടാകുമെന്നാണ്​ സൂചന. യു.എസിന്‍റെ നിർദേശത്തിന്​ പിന്നാലെ ചൈന ഇതിനുള്ള നടപടികൾ ആരംഭിച്ചു. ജപ്പാൻ നിർദേശം പരിഗണിക്കുന്നുവെന്നാണ്​ വിവരം​. യു.എസ്​, ചൈന, ജപ്പാൻ, ഇന്ത്യ, ദക്ഷിണകൊറിയ രാജ്യങ്ങൾ ഒരുമിച്ച്​ നീങ്ങിയാൽ അത്​ എണ്ണ വ്യവസായത്തിൽ പുതിയ ചരിത്രമാവും കുറിക്കുക.

കരുതൽ ശേഖരത്തിൽ നിന്നും പുറത്തെടുക്കുന്ന എണ്ണയു​ടെ അളവ്​ താരതമ്യേന കുറവായിരിക്കുമെന്നാണ്​ റിപ്പോർട്ട്​. എങ്കിലും ശക്​തമായ മുന്നറിയിപ്പ്​ ഒപെക്​ രാജ്യങ്ങൾക്ക്​ നൽകുകയാണ്​ ഇന്ത്യയുൾപ്പടെയുള്ള രാജ്യങ്ങളുടെ ലക്ഷ്യം.

അതേസമയം, അന്താരാഷ്​ട്ര വിപണിയിൽ എണ്ണവില വീണ്ടും കുറഞ്ഞു. ബ്രെന്‍റ്​ ക്രൂഡിന്‍റെ വില 79.04 ഡോളറായാണ്​ കുറഞ്ഞത്​. യു.എസ്​ ഉപയോഗിക്കുന വെസ്റ്റ്​ ടെക്​സാസ്​ ഇന്‍റർമീഡിയേറ്റ്​ ക്രൂഡോയിലിന്‍റെ വില 75.90 ഡോളറായും കുറഞ്ഞിരുന്നു.

Show Full Article
TAGS:petrolium 
News Summary - India working on release of oil reserves after US request
Next Story