ബജറ്റിൽ ഇറക്കുമതി ചുങ്കം കുറച്ചു; സ്വർണവില കുറഞ്ഞു

തിരുവനന്തപുരം: ബജറ്റിൽ സ്വർണത്തിന്‍റെ ഇറക്കുമതി ചുങ്കം കുറച്ചുള്ള ധനമന്ത്രിയുടെ പ്രഖ്യാപനം പുറത്ത്​ വന്നതിന്​ പിന്നാലെ സംസ്ഥാനത്ത്​ സ്വർണ വില കുറഞ്ഞു. ഗ്രാമിന്​ 50 രൂപയും പവന്​ 400 രൂപയുമാണ്​ കുറഞ്ഞത്​. ഇതോടെ ഒരു പവൻ സ്വർണത്തിന്‍റെ വില 36,400 രൂപയായി.

അതേസമയം, സ്വർണത്തിന്‍റെ ഇറക്കുമതിച്ചുങ്കം കുറച്ചതിനെ സ്വാഗതം ചെയ്യുന്നതായി ആൾ ഇന്ത്യ ജം ആന്‍റ്​ ജുവല്ലറി ഡൊമസ്റ്റിക്​ കൗൺസിൽ ദേശീയ ഡറക്​ടർ അഡ്വ.എസ്​ അബ്​ദുൽ നാസർ പറഞ്ഞു. സ്വർണ വ്യാപാര മേഖലക്ക്​ ഇത്​ പുത്തൻ ഉണർവ്​ ഉണ്ടാക്കും. മേഖലയിൽ പുതിയ തൊഴിലവസരങ്ങൾ സൃഷ്​ടിക്ക​െപ്പടും.ആഭരണ നിർമ്മാണ മേഖല ശക്തമായി തിരികെയെത്തുന്നതിനും ഇത്​ കാരണമാകുമെന്നും അദ്ദേഹം പ്രത്യാശ പ്രകടിപ്പിച്ചു.

സ്വർണത്തിന്‍റെ ഇറക്കുമതിച്ചുങ്കം 12.5 ശതമാനത്തിൽ 5 ശതമാനം കുറക്കാനാണ്​ തീരുമാനിച്ചത്​. എങ്കിലും 2.5 ശതാനം കാർഷിക സെസായി ഏർപ്പെടുത്തിയതോടെ ഫലത്തിൽ 2.5 ശതമാനം നികുതി മാത്രമാണ്​ കുറയുക.

Latest Video: