സ്വർണ വിലയിൽ ചാഞ്ചാട്ടം തുടരുന്നു; ഇന്ന്​ വീണ്ടും ഉയർന്നു

കൊച്ചി: സംസ്ഥാനത്ത്​ സ്വർണവിലയിലെ ചാഞ്ചാട്ടം തുടരുന്നു. സ്വർണവില പവന്​ 320 രൂപയാണ്​ ശനിയാഴ്​ച വർധിച്ചത്​. 36,720 രൂപയായാണ്​ പവൻ വില വർധിച്ചത്​. ഒരു ഗ്രാം സ്വർണത്തി​െൻറ വില 40 രൂപ വർധിച്ച്​ 4590 രൂപയായി.

ജൂൺ മൂന്നിന്​ സ്വർണവില 36,960 രൂപയായിരുന്നു. ജൂൺ നാലിന്​ ഇത്​ 36,400 രൂപയായി കുറയുകയായിരുന്നു. എന്നാൽ, ഇന്ന്​ വീണ്ടും വില വർധിച്ചു.

വിനിമയ നിരക്കിലെ വ്യതിയാനങ്ങളും പണപ്പെരുപ്പവും കോവിഡ്​ വ്യാപനവുമാണ്​ സ്വർണവിലയെ സ്വാധീനിക്കുന്നത്​. ആഗോള വിപണിയിലെ വില വർധനവ്​ ഇന്ത്യൻ വിപണിയിലും പ്രതിഫലിക്കുകയാണ്​. ബോണ്ട്​ ആദായത്തിലെ ചാഞ്ചാട്ടവും സ്വർണവിലയെ സ്വാധീനിക്കുന്നുണ്ട്​.