സ്വർണവിലയിൽ വീണ്ടും വർധന

കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. പവന് 320 രൂപ കൂടി 41,600 രൂപയായി. ഗ്രാമിന് 40 രൂപ വർധിച്ച് 5200 രൂപയായി. ഈ മാസത്തെ ഏറ്റവും ഉയർന്ന നിരക്കാണ് ഇന്ന് രേഖപ്പെടുത്തിയത്.

യു.എസിലെ കൺസ്യൂമർ ഇൻഡക്സ് ഡാറ്റയും ഡോളർ ഇൻഡക്സും താഴുന്നതാണ് സ്വർണവിലയെ സ്വാധീനിക്കുന്നത്. ഇതുമൂലം എം.സി.എക്സ് എക്സ്ചേഞ്ചിൽ സ്വർണവില ഉയർന്നു. 10 ഗ്രാം സ്വർണത്തിന്റെ വില 56,191ൽ നിന്നും 56,245 ആയാണ് ഉയർന്നത്.

അന്താരാഷ്ട്ര വിപണിയിൽ സ്വർണവിലയിൽ 2.95 ശതമാനത്തിന്റെ വർധനവുണ്ടായി. ഔൺസിന് 1,920 ഡോളറിലാണ് സ്വർണം വ്യാപാരം അവസാനിപ്പിച്ചത്. യു.എസ് കേന്ദ്രബാങ്കായ ഫെഡ് റിസർവ് പലിശനിരക്കുകൾ വർധിപ്പിക്കുന്നതിന്റെ തോത് കുറക്കുമെന്ന റിപ്പോർട്ടുകൾ പുറത്ത് വന്നതാണ് സ്വർണത്തിന് കരുത്തായത്.