സ്വർണ്ണ വിലയിൽ വൻ വർധന

കൊച്ചി: സംസ്ഥാനത്ത് സ്വർണവിലയിൽ വൻ വർധന. പവന്റെ വില 600 രൂപ കൂടി. ഒരു പവൻ സ്വർണ്ണത്തിന്റെ വില 39,000 രൂപയായി. ഗ്രാമിന്റെ വില 75 രൂപയാണ് വർധിച്ചത്.

എം.സി.എക്സ് ഗോൾഡ് കോൺട്രാക്ട് നിരക്കുകളും ഉയർന്നു. 0.5 ശതമാനം വർധനയാണുണ്ടായത്. ഡോളർ റെക്കോർഡ് ഉയരത്തിലാണ് വ്യാപാരം നടത്തുന്നത്. 20 വർഷത്തിനിടയിലെ ഏറ്റവും ഉയർന്ന നിരക്കിലേക്ക് ഡോളർ എത്തിയിട്ടുണ്ട്. ഇത് വരും ദിവസങ്ങളിൽ സ്വർണ്ണവില ഉയരാൻ കാരണമായേക്കും.

അതേസമയം, ഇന്ത്യ ഓഹരി വിപണികളിൽ സെൻസെക്സ് നേരിയ നേട്ടത്തോടെയും നിഫ്റ്റി നഷ്ടത്തോടെയുമാണ് വ്യാപാരം തുടങ്ങിയത്. യുക്രൈയ്ൻ അയച്ച മിസൈൽ പോളണ്ടിൽ പതിച്ചുതുമായി ബന്ധപ്പെട്ട വിവാദങ്ങൾ വരും ദിവസങ്ങളിൽ ഓഹരി വിപണിയേയും സ്വർണ്ണ വിലയേയും സ്വാധീനിക്കും.