സ്വർണ വില വീണ്ടും കൂടി

കൊച്ചി: സംസ്ഥാനത്ത്​ സ്വർണ വില വീണ്ടും വർധിച്ചു. പവന്​ 240 രൂപയാണ്​ കൂടിയത്​. 35,200 രൂപയാണ്​ സ്വർണത്തിന്‍റെ ഇന്നത്തെ വില.

ഗ്രാമിന്​ 30 രൂപ വർധിച്ച്​ 4400 രൂപയായി. കഴിഞ്ഞ ദിവസം സ്വർണവില കുറഞ്ഞിരുന്നു. കോവിഡിനെ തുടർന്ന്​ സമ്പദ്​വ്യവസ്ഥ കടുത്ത പ്രതിസന്ധിയിലാണ്​. ഈയൊരു സാഹചര്യത്തിൽ എല്ലാവരും സുരക്ഷിത നിക്ഷേപമായി പരിഗണിക്കുന്നത്​ സ്വർണത്തെയാണ്.​ ഇതാണ്​ വില കൂടാനുള്ള പ്രധാന കാരണങ്ങളിലൊന്ന്​.

ഇതിനൊപ്പം ഡോളർ-രൂപ വിനിമയ നിരക്കിലെ മാറ്റങ്ങളും സ്വർണവിലയെ സ്വാധീനിക്കുന്നുണ്ട്​. വരും ദിവസങ്ങളിലും സ്വർണവില ഉയരാൻ തന്നെയാണ്​ സാധ്യത.