സ്വർണവില ഉയർന്നു

ന്യൂഡൽഹി: സംസ്ഥാനത്ത് സ്വർണവില ഉയർന്നു. ഗ്രാമിന് 40 രൂപയാണ് വർധിച്ചത്. പവന് 320 രൂപയും വർധിച്ചു. ഇതോടെ ഒരു ഗ്രാം സ്വർണത്തിന്റെ വില 4640 രൂപയായും പവന്റേത് 37120 രൂപയായും വർധിച്ചു. കഴിഞ്ഞ ദിവസം സ്വർണവില കുറഞ്ഞിരുന്നു.

അതേസമയം, അന്താരാഷ്ട്ര വിപണിയിൽ സ്വർണവില ഇടിയുകയാണ്. സ്​പോട്ട് ഗോൾഡിന്റെ വില 0.2 ശതമാനം കുറഞ്ഞ് 1,714.72 ഡോളറായി. കഴിഞ്ഞ ദിവസം അന്താരാഷ്ട്ര വിപണിയിൽ ഒരു വർഷത്തിനിടയിലെ കുറഞ്ഞ നിരക്കിലേക്ക് സ്വർണവില എത്തിയിരുന്നു. 1,680.25 ഡോളറായാണ് വില കുറഞ്ഞത്. 1.3 ശതമാനം ഇടിവാണ് രേഖപ്പെടുത്തിയത്.

യു.എസ് ഗോൾഡ് ഫ്യൂച്ചർ ഉയർന്നിട്ടുണ്ട്. 0.1 ശതമാനം ഉയർന്ന് 1,714.90 ഡോളറിലെത്തി.സ്വർണവില കുറയുകയാണെന്നാണ് സാമ്പത്തിക വിദഗ്ധരുടേയും അഭിപ്രായം. വിവിധ ബാങ്കുകൾ വരും ദിവസങ്ങളിൽ പലിശനിരക്ക് ഉയർത്തുന്നതും സ്വർണവിലയെ സ്വാധീനിക്കും.