ത്രീ​വീ​ല​ർ വി​പ​ണി​യി​ൽ ഇ​ല​ക്​​ട്രി​ക്​ ത​രം​ഗം

പല​ത​രം ഇ​ല​ക്​​ട്രി​ക്​ വാ​ഹ​ന​ങ്ങ​ൾ നി​ര​ത്തു​ക​ളി​ൽ സാ​ധാ​ര​ണ​മാ​യി​ട്ടും ന​മ്മു​ടെ ഓ​ട്ടോ ഡ്രൈ​വ​ർ​മാ​ർ അ​തെ​ല്ലാം ക​ണ്ടു​നി​ൽ​ക്കു​ക​യാ​യി​രു​ന്നു. ആ​ദ്യം ഇ​ല​ക്​​ട്രി​ക്​ ഓ​ട്ടോ​ക​ൾ വാ​ങ്ങി​യ​വ​ർ​ക്ക്​ പ​റ​യാ​നു​ള്ള​ത്​ അ​ത്ര​ന​ല്ല കാ​ര്യ​ങ്ങ​ളാ​യി​രു​ന്നി​ല്ല. അ​തു​കേ​ട്ട്​ മ​റ്റു​ള്ള​വ​ർ ആ ​വ​ഴി​ക്ക്​ ഇ​റ​ങ്ങി​ത്തി​രി​ക്കാ​ൻ മ​ടി​ക്കു​ക​യാ​യി​രു​ന്നു. പ​ല​ത​രം സം​ശ​യ​ങ്ങ​ളാ​യി​രു​ന്നു അ​വ​ർ​ക്ക്. ഒ​റ്റ ചാ​ർ​ജി​ങ്ങി​ൽ എ​ത്ര കി​ലോ​മീ​റ്റ​ർ ഓ​ടും, ക​മ്പ​നി​ക​ൾ പ​റ​യു​ന്ന​ത്ര ദൂ​രം ഓ​ടി​ല്ല, ദീ​ർ​ഘ​ദൂ​ര ഓ​ട്ട​ങ്ങ​ൾ പോ​കാ​നാ​വി​ല്ല, വി​ല​ക്കൂ​ടു​ത​ൽ.... അ​ങ്ങ​നെ ഓ​രോ​ന്ന്​ പ​റ​ഞ്ഞാ​ണ്​ മി​ക്ക​വ​രും മ​ടി​ച്ചു​നി​ന്ന​ത്.

ഇ​ല​ക്​​ട്രി​ക്​ ടൂ​വീ​ല​ർ, ഫോ​ർ വീ​ല​ർ വി​ൽ​പ​ന കു​തി​ച്ചു​യ​ർ​ന്ന​പ്പോ​ഴും ത്രീ​വീ​ല​ർ വി​ൽ​പ​ന നാ​മ​മാ​ത്ര​മാ​യി​രു​ന്നു. അ​തെ​ല്ലാം പ​ഴ​ങ്ക​ഥ​യാ​യി. ഇ​പ്പോ​ൾ ത്രീ​വീ​ല​ർ വി​പ​ണി​യി​ൽ ഇ​ല​ക്​​ട്രി​ക്​ ത​രം​ഗ​മാ​ണ്.

ഇ.​വി ത്രീ​വീ​ല​ർ വി​പ​ണി​യി​ലു​ണ്ടാ​യ കു​തി​ച്ചു ചാ​ട്ടം

രാ​ജ്യ​ത്തെ ഇ​ല​ക്ട്രി​ക് ത്രീ​വീ​ല​ർ വി​പ​ണി ക​ഴി​ഞ്ഞ അ​ഞ്ച് സാ​മ്പ​ത്തി​ക വ​ർ​ഷ​ങ്ങ​ളി​ൽ വ​ൻ വ​ള​ർ​ച്ച രേ​ഖ​പ്പെ​ടു​ത്തി. 2025-26 സാ​മ്പ​ത്തി​ക വ​ർ​ഷം ഇ​ന്ത്യ​യി​ൽ വി​റ്റ ആ​കെ 13.63 ല​ക്ഷം ത്രീ​വീ​ല​റു​ക​ളി​ൽ 8,30,819 എ​ണ്ണം ഇ​ല​ക്ട്രി​ക് ആ​യി​രു​ന്നു. അ​താ​യ​ത്, ത്രീ​വീ​ല​ർ വി​പ​ണി​യു​ടെ 60.9 ശ​ത​മാ​ന​വും ഇ​ല​ക്ട്രി​ക് വാ​ഹ​ന​ങ്ങ​ളാ​ണ്. ഇ​ല​ക്ട്രി​ക് ഓ​ട്ടോ വാ​ങ്ങാ​ൻ മ​ടി​ച്ചി​രു​ന്ന ഓ​ട്ടോ തൊ​ഴി​ലാ​ളി​ക​ൾ ഇ​പ്പോ​ൾ ഇ​ല​ക്ട്രി​ക്കി​ലേ​ക്ക് മാ​റു​ന്ന നി​ല​യി​ലാ​യി.

2024ൽ ​ഇ​ന്ത്യ​യി​ലെ ഇ​ല​ക്ട്രി​ക് ത്രീ​വീ​ല​ർ വി​ൽ​പ​ന 57 ശ​ത​മാ​ന​മാ​യി ഉ​യ​ർ​ന്നി​രു​ന്നു. 2026 ജൂ​ലൈ​യി​ൽ മാ​ത്രം 40,198 ഇ​ല​ക്ട്രി​ക് പാ​സ​ഞ്ച​ർ ത്രീ​വീ​ല​റു​ക​ൾ വി​റ്റു. ജൂ​ണി​ൽ ഇ​ത് 34,593 യൂ​നി​റ്റു​ക​ളാ​യി​രു​ന്നു.

അ​തേ​സ​മ​യം, 2025-26 സാ​മ്പ​ത്തി​ക വ​ർ​ഷ​ത്തെ ക​ണ​ക്കു​പ്ര​കാ​രം രാ​ജ്യ​ത്തെ ഇ​രു​ച​ക്ര വാ​ഹ​ന വി​പ​ണി​യി​ൽ ഇ​ല​ക്ട്രി​ക് വാ​ഹ​ന​ങ്ങ​ളു​ടെ വി​ഹി​തം 6.5 ശ​ത​മാ​ന​വും കാ​റു​ക​ളി​ൽ 7.92 ശ​ത​മാ​ന​വു​മാ​ണ്. 2022ൽ ​ഇ​ല​ക്ട്രി​ക് കാ​റു​ക​ളു​ടെ വി​പ​ണി വി​ഹി​തം 1.2 ശ​ത​മാ​ന​വും ഇ​രു​ച​ക്ര വാ​ഹ​ന​ങ്ങ​ളു​ടേ​ത് നാ​ലു ശ​ത​മാ​ന​വു​മാ​യി​രു​ന്നു. 2025 സാ​മ്പ​ത്തി​ക വ​ർ​ഷ​ത്തി​ൽ വി​റ്റ 12,20,979 ത്രീ​വീ​ല​റു​ക​ളി​ൽ 57 ശ​ത​മാ​ന​വും ഇ​ല​ക്ട്രി​ക് ആ​യി​രു​ന്നു.

പെ​ട്രോ​ൾ, ഡീ​സ​ൽ ത്രീ​വീ​ല​റു​ക​ളു​ടെ വി​ൽ​പ​ന കു​റ​ഞ്ഞു

ഫോ​സി​ൽ ഇ​ന്ധ​ന​ങ്ങ​ളു​ടെ വി​ല​ക്ക​യ​റ്റ​വും എ​ഥ​നോ​ൾ ക​ല​ർ​ന്ന പെ​ട്രോ​ൾ സൃ​ഷ്ടി​ക്കു​ന്ന ബു​ദ്ധി​മു​ട്ടു​ക​ളു​മെ​ല്ലാ​മാ​ണ്​ ഇ​ല​ക്​​ട്രി​ക്​ ത്രീ​വീ​ല​ർ വി​പ​ണി​യെ വ​ൻ കു​തി​പ്പി​ലേ​ക്ക്​ ന​യി​ക്കു​ന്ന​ത്. ഇ​ല​ക്​​ട്രി​ക്​ ത്രീ​വീ​ല​റു​ക​ൾ​ക്ക്​ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ ന​ൽ​കു​ന്ന സ​ബ്​​സി​ഡി​യും മ​റ്റ്​ ആ​നു​കൂ​ല്യ​ങ്ങ​ളും ചേ​ർ​ന്ന്​ ത്രീ​വീ​ല​ർ വി​പ​ണി സ​മ്പൂ​ർ​ണ ഇ​ല​ക്​​ട്രി​ക്​​വ​ത്​​​ക​ര​ണ​ത്തി​ലേ​ക്കാ​ണ്​ നീ​ങ്ങു​ന്ന​ത്​. പെ​ട്രോ​ൾ, ഡീ​സ​ൽ ത്രീ​വീ​ല​റു​ക​ളു​ടെ വി​ൽ​പ​ന ഗ​ണ്യ​മാ​യി കു​റ​ഞ്ഞു.

സി.​എ​ൻ.​ജി​യി​ൽ ഓ​ടു​ന്ന​വ​യാ​ണ്​ കു​റെ​യെ​ങ്കി​ലും വി​റ്റു​പോ​കു​ന്ന​ത്. മ​ഹീ​ന്ദ്ര ലാ​സ്റ്റ് മൈ​ൽ മൊ​ബി​ലി​റ്റി, ബ​ജാ​ജ് ഓ​ട്ടോ, ടി.​വി.​എ​സ് മോ​ട്ടോ​ർ തു​ട​ങ്ങി​യ പ്ര​മു​ഖ ക​മ്പ​നി​ക​ളാ​ണ് ഈ ​വി​പ​ണി​യി​ൽ മു​ന്നി​ൽ​നി​ൽ​ക്കു​ന്ന​ത്.