കോവിഡി​െൻറ അതിതീവ്രവ്യാപനത്തിനിടയിലും കാര്യമായ തകർച്ചയില്ലാതെ ഓഹരി വിപണി

മുംബൈ: ഇന്ത്യയിൽ കോവിഡ്​ രണ്ടാം തരംഗം അതിതീവ്രമായി തുടരുകയാണ്​. ദിവസങ്ങളായി പ്രതിദിനം മൂന്ന്​ ലക്ഷത്തിലധികം പേർക്കാണ്​ രോഗം ബാധിക്കുന്നത്​. മരണസംഖ്യയും 3000 കടന്ന്​ കുതിക്കുകയാണ്​. രാജ്യമാകെ ആശങ്കയുടെ നിഴൽ പടരു​േമ്പാഴും ഇന്ത്യൻ ഓഹരി വിപണികൾക്ക്​ കുലുക്കമില്ല. കഴിഞ്ഞ കുറേ ദിവസങ്ങളായി ചെറിയ നഷ്​ടം മാത്രമാണ്​ വിപണികൾക്ക്​ ഉണ്ടാവുന്നത്​. വിപണിയുടെ വ്യാപാരത്തിനിടെയുണ്ടാവുന്ന സ്വാഭാവിക നഷ്​ടത്തിനുമപ്പുറം കോവിഡി​െൻറ ഒന്നാം തരംഗത്തിനിടെയുണ്ടായ കടുത്ത തിരിച്ചടി ഓഹരി വിപണിക്ക്​ ഉണ്ടാവുന്നില്ല.

ഓഹരി വിപണി കോവിഡിനിടയിലും പിടിച്ചു നിൽക്കുന്നതി​െൻറ പ്രധാന കാരണം കഴിഞ്ഞ വർഷത്തിൽ നിന്ന്​ വിഭിന്നമായി ഇക്കുറി സർക്കാർ ലോക്​ഡൗൺ പ്രഖ്യാപിച്ചിട്ടില്ലെന്നതാണ്​. ചില സംസ്ഥാനങ്ങൾ നിയന്ത്രണങ്ങൾ പ്രഖ്യാപിച്ചിട്ടുണ്ടെങ്കിലും രാജ്യവ്യാപക ലോക്​ഡൗൺ ഇല്ലാത്തത്​​ വിപണിയിലുണ്ടാക്കിയ ചലനം ചെറുതല്ല.

കോവിഡ്​ തകർച്ചക്കിടയിലും സാമ്പത്തിക വർഷവസാനം കാര്യമായ നഷ്​ടമില്ലാതെ പിടിച്ച്​ നിൽക്കാൻ പല കമ്പനികൾക്കും സാധിച്ചിട്ടുണ്ട്​. ജീവനക്കാരെ പിരിച്ച്​ വിട്ടും ചെലവ്​ കുറച്ചുമെല്ലാം കമ്പനികൾ കോവിഡ്​ പ്രതിസന്ധിയെ മറികടക്കുകയായിരുന്നു. രണ്ടാം തരംഗത്തിലും കമ്പനികൾ മുൻ മാതൃക പിന്തുടർന്ന്​ വലിയ നഷ്​ടമില്ലാതെ മുന്നോട്ട്​ പോകുമെന്നാണ്​ വിപണിയുടെ പ്രതീക്ഷ.

കഴിഞ്ഞ തവണത്തെ പോലെ ലോക്​ഡൗൺ ഉണ്ടാവുകയാണെങ്കിലും കേന്ദ്രസർക്കാറും ആർ.ബി.ഐയും സമ്പദ്​വ്യവസ്ഥയിൽ ഇടപെടുമെന്ന്​ വിപണി പ്രതീക്ഷിക്കുന്നു. ഉത്തേജക പാക്കേജുകളിലൂടെയും ഇളവുകളിലൂടെയും സമ്പദ്​വ്യവസ്ഥയെ സർക്കാറും ആർ.ബി.ഐയും തകർച്ചയിൽ നിന്ന്​ മോചിപ്പിക്കുമെന്നാണ്​​ വിപണിയിലെ ഒരു വിഭാഗംറ കരുതുന്നത്​. ഇത്​ കനത്ത തകർച്ചയിൽ നിന്നും ഓഹരി വിപണിയെ രക്ഷപ്പെടുത്തുന്നു.

2020ൽ നിന്നും വ്യത്യസ്​തമായി കോവിഡിനെ പ്രതിരോധിക്കാൻ വാക്​സിൻ എന്നൊരു ആയുധമുള്ളതും വിപണിക്ക്​ കൂടുതൽ കരുത്ത്​ പകരുന്നു. അതേസമയം, ഓഹരി വിപണി തകരാത്തത്​ മാത്രം വിലയിരുത്തി കാര്യങ്ങൾ അത്ര ലഘുവായി കാണേണ്ടെന്നാണ്​ സാമ്പത്തിക ശാസ്​ത്രജ്ഞർ പറയുന്നത്​. മുൻ വർഷങ്ങളിൽ നിന്ന്​ വ്യത്യസ്​തമായി കോവിഡി​െൻറ അതി തീവ്രവ്യാപനമാണ്​ നടക്കുന്നത്​. ഗ്രാമപ്രദേശങ്ങളിലും കോവിഡ്​ വ്യാപനം വർധിക്കുകയാണ്​. ഈയൊരു സാഹചര്യത്തിൽ സമ്പദ്​വ്യവസ്ഥയെ ഇത്​ എങ്ങനെ ബാധിക്കുമെന്ന്​ ഇപ്പോൾ പറയാനാകില്ലെന്ന്​ ഇവർ പറയുന്നു. പല റേറ്റിങ്​ ഏജൻസികൾ ഇന്ത്യയുടെ അടുത്ത സാമ്പത്തിക വർഷത്തേക്കുളള ജി.ഡി.പി വളർച്ച നിരക്ക്​ സംബന്ധിച്ച പ്രവചനത്തിൽ മാറ്റം വരുത്തിയതും ഇതി​െൻറ ഭാഗമാണെന്നാണ്​ സാമ്പത്തിക വിദഗ്​ധർ ചൂണ്ടിക്കാട്ടുന്നത്​.