കാളക്കൂറ്റന്​ ഊർജമായി ബജറ്റ്​; ഓഹരി വിപണികൾ റെക്കോർഡ്​ നേട്ടത്തിൽ ക്ലോസ്​ ചെയ്​തു

മുംബൈ: കേന്ദ്രബജറ്റിന്‍റെ കരുത്തിൽ കുതിച്ച്​ ഇന്ത്യൻ ഓഹരി വിപണികൾ. ​െറക്കോർഡ്​ നേട്ടത്തിലാണ്​ ബോംബെ, ദേശീയ സൂചികകൾ വ്യാപാരം അവസാനിപ്പിച്ചത്​. 2315 പോയിന്‍റ്​ നേട്ടത്തോടെയാണ്​ സെൻസെക്​സ്​ വ്യാപാരം അവസാനിപ്പിച്ചത്​. അഞ്ച്​ ശതമാനം നേട്ടത്തോടെ സെൻസെക്​സ്​ 48,600 പോയിന്‍റിലേക്ക്​ മുന്നേറി.

ദേശീയ സൂചിക നിഫ്​റ്റി 647 പോയിന്‍റ്​ മുന്നേറി 14,281ൽ ക്ലോസ്​ ചെയ്​തു. ഐ.സി.ഐ.സി.ഐ ബാങ്ക്​, എച്ച്​.ഡി.എഫ്​.സി, റിലയൻസ്​ ഇൻഡസ്​ട്രീസ്​, ലാർസൻ&ടുബ്രോ എന്നിവയാണ്​ സെൻസെക്​സിൽവലിയ നേട്ടമുണ്ടാക്കിയത്​. നിഫ്​റ്റി ബാങ്ക്​ ഇൻഡക്​സ്​ ആറ്​ ശതമാനം ഉയർന്നു.

നിഫ്​റ്റിയിൽ ഫാർമ ഒഴികെയുള്ള മറ്റ്​ സെക്​ടറുകളെല്ലാം നേട്ടത്തോടെയാണ്​ വ്യാപാരം അവസാനിപ്പിച്ചത്​. സർക്കാറിന്‍റെ ചെലവ്​ വർധിപ്പിക്കുമെന്ന പ്രഖ്യാപനവും സ്വകാര്യവൽക്കരണവുമാണ്​ ഓഹരി വിപണിയെ കാര്യമായി സ്വാധീനിച്ചത്​. ഇൻഷൂറൻസ്​ മേഖലയിലെ വിദേശനിക്ഷേപ പരിധി ഉയർത്തിയതും വിപണിയുടെ നേട്ടത്തിന്​ കാരണമായി.