ഇതെന്ത് തേങ്ങയാ...! ഒ​രു വ​ർ​ഷ​ത്തി​നി​ടെ വെ​ളി​ച്ചെ​ണ്ണ വി​ല ഇ​ര​ട്ടി​യാ​യി

ക​ണ്ണൂ​ർ: ക​ഴി​ഞ്ഞ ദി​വ​സ​വും ലി​റ്റ​റി​ന് ആ​റു​രൂ​പ കൂ​ടി​യ​തോ​ടെ അ​ടു​ക്ക​ള​യി​ൽ വെ​ളി​ച്ചെ​ണ്ണ പൊ​ള്ളു​ക​യാ​ണ്. ക​ഴി​ഞ്ഞ​വ​ർ​ഷം ജൂ​ണി​ൽ ഒ​രു ലി​റ്റ​ർ ​വെ​ളി​ച്ചെ​ണ്ണ​യു​ടെ വി​ല 155 രൂ​പ, തേ​ങ്ങ​ക്ക് കി​ലോ​ക്ക് 35 രൂ​പ. വ​ർ​ഷ​മൊ​ന്ന് ക​ഴി​യു​മ്പോ​ൾ തേ​ങ്ങ​യു​ടെ​യും വെ​ളി​ച്ചെ​ണ്ണ​യു​ടെ​യും വി​ല ഇ​ര​ട്ടി​യാ​യി.

350 രൂ​പ​യാ​ണ് നി​ല​വി​ൽ ഒ​രു ലി​റ്റ​ർ വെ​ളി​ച്ചെ​ണ്ണ​യു​ടെ ചി​ല്ല​റ വി​ല. തേ​ങ്ങ ക​ട​യി​ൽ വി​ൽ​ക്കു​മ്പോ​ൾ 68-70 രൂ​പ ല​ഭി​ക്കും. ചി​ല്ല​റ വി​ല വ​ർ​ധി​ച്ച് 76 രൂ​പ​യാ​യ​തോ​ടെ പ​ണം കൊ​ടു​ത്ത് തേ​ങ്ങ വാ​ങ്ങു​ന്ന​വ​രു​ടെ കൈ ​പൊ​ള്ളും.ക​ഴി​ഞ്ഞ ഡി​സം​ബ​റി​ലാ​ണ് തേ​ങ്ങ വി​ല 50 ക​ട​ന്ന​ത്. മാ​ർ​ച്ച് അ​വ​സാ​നം അ​റു​പ​തും ജൂ​ണി​ൽ എ​ഴു​പ​തു​മാ​യി. വെ​ളി​ച്ചെ​ണ്ണ വി​ല ഈ ​വ​ർ​ഷം ആ​ദ്യം 250 രൂ​പ​യാ​യി​രു​ന്നു. മേ​യ് അ​വ​സാ​ന​ത്തോ​ടെ മു​ന്നൂ​റി​ലെ​ത്തി.

കൊ​പ്ര​ക്ക് ഈ ​വ​ർ​ഷം ആ​ദ്യം 150 രൂ​പ​യു​ണ്ടാ​യി​രു​ന്ന​ത് 210 ആ​യി വ​ർ​ധി​ച്ചു. പി​ണ്ണാ​ക്കി​ന് 32ൽ​നി​ന്ന് 37 ആ​യി. വി​ല വ​ർ​ധി​ച്ചി​ട്ടും നാ​ളി​കേ​ര ക​ർ​ഷ​ക​ർ​ക്ക് ഗു​ണ​മൊ​ന്നു​മി​ല്ല. തേ​ങ്ങ ഉ​ൽ​പാ​ദ​നം ഗ​ണ്യ​മാ​യി കു​റ​ഞ്ഞ​താ​ണ് കാ​ര​ണം. മ​ണ്ട ചീ​യ​ൽ, മ​ണ്ഡ​രി ബാ​ധ അ​ട​ക്ക​മു​ള്ള രോ​ഗം കാ​ര​ണം തെ​ങ്ങു​ക​ൾ പാ​തി​യും ന​ശി​ച്ച​താ​ണ് വി​ള​വ് കു​റ​യാ​ൻ പ്ര​ധാ​ന കാ​ര​ണം. തീ​ര​പ്ര​ദേ​ശ​ങ്ങ​ളി​ൽ തെ​ങ്ങോ​ല​പ്പു​ഴു​വി​ന്റെ ശ​ല്യ​വും വ്യാ​പ​ക​മാ​യി​രു​ന്നു.

സാ​ധാ​ര​ണ ധാ​രാ​ളം തേ​ങ്ങ​യു​ണ്ടാ​വു​ന്ന ഏ​പ്രി​ൽ, മേ​യ് മാ​സ​ങ്ങ​ളി​ൽ ഇ​ത്ത​വ​ണ കാ​ര്യ​മാ​യൊ​ന്നു​മു​ണ്ടാ​യി​ല്ല. തേ​ങ്ങ വി​ല വി​ശ്വ​സി​ക്കാ​നാ​വാ​ത്ത​തി​നാ​ൽ വി​ല​യു​ള്ള​പ്പോ​ൾ പ​ച്ച​ത്തേ​ങ്ങ വി​റ്റ​ഴി​ക്കു​ക​യാ​ണ് ക​ർ​ഷ​ക​ർ. ഓ​യി​ൽ മി​ല്ലു​ക​ളി​ലും തേ​ങ്ങ കി​ട്ടാ​നി​ല്ല. കോ​ഴി​ക്കോ​ട് ജി​ല്ല​യി​ലെ കു​റ്റ്യാ​ടി ഭാ​ഗ​ത്തു​നി​ന്നാ​ണ് കാ​ര്യ​മാ​യി തേ​ങ്ങ വ​ന്നി​രു​ന്ന​ത്. ത​മി​ഴ്നാ​ട്ടി​ൽ​നി​ന്നും ക​ർ​ണാ​ട​ക​യി​ൽ​നി​ന്നും തേ​ങ്ങ​യെ​ടു​ക്കാ​ൻ നി​ർ​ബ​ന്ധി​ത​രാ​യി​രി​ക്കു​ക​യാ​ണ് വ്യാ​പാ​രി​ക​ൾ.

തേ​ങ്ങ​ക്ക് ഒ​പ്പം ചി​ര​ട്ട​ക്കും ന​ല്ല​കാ​ല​മാ​ണ്. ജി​ല്ല​ക്ക് അ​ക​ത്തും പു​റ​ത്തു​മു​ള്ള ഏ​ജ​ന്റു​മാ​ർ വാ​ഹ​ന​വു​മാ​യി വീ​ടു​വീ​ടാ​ന്ത​രം ക​യ​റി ചി​ര​ട്ട ശേ​ഖ​രി​ക്കാ​ൻ തു​ട​ങ്ങി. ജ​ല​ശു​ദ്ധീ​ക​ര​ണ​ത്തി​നു​ള്ള പ്ര​കൃ​തി​ദ​ത്ത വ​സ്തു​വാ​യി ചി​ര​ട്ട​ക്ക​രി ഉ​പ​യോ​ഗി​ക്കു​ന്ന​താ​ണ് വി​ല വ​ർ​ധി​ക്കാ​ൻ കാ​ര​ണം. ഒ​രു കി​ലോ ചി​ര​ട്ട​ക്ക് 30 മു​ത​ൽ 35 രൂ​പ​വ​രെ​യാ​ണ് വി​ല.

കൊ​പ്ര ആ​ക്കു​ന്ന​വ​ർ​ക്കും വെ​ളി​ച്ചെ​ണ്ണ എ​ടു​ക്കു​ന്ന​വ​ർ​ക്കും ഇ​തോ​ടെ അ​ധി​ക വ​രു​മാ​ന​മാ​യി. ത​മി​ഴ്നാ​ട്ടി​ലേ​ക്കും ക​ർ​ണാ​ട​ക​യി​ലേ​ക്കു​മാ​ണ് ചി​ര​ട്ട കൂ​ടു​ത​ലാ​യി ക​യ​റ്റു​മ​തി ചെ​യ്യു​ന്ന​ത്.