Top
Begin typing your search above and press return to search.
exit_to_app
exit_to_app
Homechevron_rightBusinesschevron_rightജെഎം പോർട്ടൽ റെഡി; ഇനി ...

ജെഎം പോർട്ടൽ റെഡി; ഇനി ഉൽപന്നങ്ങൾ സർക്കാറിനും വിൽക്കാം

text_fields
bookmark_border
ജെഎം പോർട്ടൽ റെഡി; ഇനി ഉൽപന്നങ്ങൾ സർക്കാറിനും വിൽക്കാം
cancel

കേന്ദ്ര-സംസ്ഥാന മന്ത്രാലയങ്ങൾ, വകുപ്പുകൾ, ബോർഡുകൾ, പൊതുമേഖല സ്ഥാപനങ്ങൾ എന്നിവയുടെ പ്രവർത്തനങ്ങൾക്കാവശ്യമായ ചരക്കുകളും സേവനങ്ങളും വാങ്ങുന്നതിനുള്ള ഓൺലൈൻ സംഭരണ മാർക്കറ്റാണ് ഗവൺമെൻറി​െൻറ ഇ-മാർക്കറ്റ് (GeM) അഥവ

. കേന്ദ്ര-സംസ്ഥാന സർക്കാറുകളുടെ മികച്ച സംഭരണ നടപടികളിലൊന്നാണ് 2016ൽ ആരംഭിച്ച ജെഎം പോർട്ടൽ. ചെറുകിട സംരംഭകർക്കും ഉൽപന്നങ്ങൾ സർക്കാറിന്​ വിൽക്കാം എന്നതാണ്​ ഇതി​െൻറ വലിയ പ്രത്യേകത.

കേന്ദ്ര ധനകാര്യ മന്ത്രാലയത്തി​െൻറ ജനറൽ ഫിനാഷ്യൽ റൂൾ ഭേദഗതിയനുസരിച്ച് സർക്കാർ മന്ത്രാലയങ്ങളും വകുപ്പുകളും അനുബന്ധ സ്ഥാപനങ്ങളും പ്രവർത്തനങ്ങൾക്ക് ആവശ്യമായ ചരക്കുകളും സേവനങ്ങളും ജെഎം പോർട്ടലിൽ രജിസ്​റ്റർ ചെയ്ത വിതരണക്കാരിൽനിന്നും വാങ്ങേണ്ടത് നിർബന്ധമാക്കിയിട്ടുണ്ട്. ഇരുപത്തയ്യായിരം രൂപ വരെയുള്ള സാധനങ്ങൾ പോർട്ടലിൽ രജിസ്​റ്റർ ചെയ്ത വിതരണക്കാരിൽനിന്നും വില, ഗുണമേന്മ, വിതരണം, മറ്റു സവിശേഷത എന്നിവയുടെ അടിസ്ഥാനത്തിൽ നേരിട്ട് വാങ്ങാം. അതിനു മുകളിലാണെങ്കിൽ ടെൻഡർ മുഖാന്തരമായിരിക്കും സംഭരണ നടപടി.


വിവിധ സർക്കാർ മന്ത്രാലയങ്ങളുടെയും വകുപ്പി​െൻറയും സർക്കാറിതര സ്ഥാപനങ്ങളുടേയും പ്രവർത്തന ആവശ്യങ്ങൾക്കായി നടത്തുന്ന സംഭരണ വിവരങ്ങൾ ഒറ്റ പോയൻറിൽ കൊണ്ടുവരുക എന്നതാണ് പോർട്ടലി​െൻറ ലക്ഷ്യം. ഇതിലൂടെ സുതാര്യവും കാര്യക്ഷമവുമായ പൊതു സംഭരണമാണ്​ ഉദ്ദേശിക്കുന്നത്​. അഞ്ചു​ ലക്ഷം കോടി രൂപയുടെ സംഭരണമാണ് ഓരോ വർഷവും സർക്കാർ നടത്തുന്നത്. സൂക്ഷമ-ചെറുകിട സംരംഭങ്ങൾക്കും രജിസ്​റ്റേർഡ് സ്​റ്റാർട്ടപ്പുകൾക്കും ജെ.എം പോർട്ടലിൽ രജിസ്​റ്റർ ചെയ്ത് ഉൽപനങ്ങളും സേവനങ്ങളും സർക്കാർ സ്ഥാപനങ്ങൾക്ക് വിൽക്കാൻ സാധിക്കും. ഓരോ വർഷവും സർക്കാരും ബന്ധപ്പെട്ട സ്ഥാപനങ്ങളും പ്രവർത്തനാവശ്യങ്ങൾക്കായി ഇങ്ങനെ സംഭരിക്കുന്ന ചരക്കുകളുടെയും സേവനങ്ങളുടേയും 25 ശതമാനം സൂക്ഷ്​മ ചെറുകിട സംരംഭകരിൽനിന്നും മാത്രമായിരിക്കണമെന്നാണ്​ 2012 ൽ പ്രാബല്യത്തിൽ വന്ന പൊതുസംഭരണ നയം നിഷ്​കർഷിക്കുന്നത്​.

ഇതിൽ നാലു ശതമാനം പട്ടികജാതി, പട്ടിക വർഗവിഭാഗത്തിലും മൂന്നു ശതമാനം വനിത വിഭാഗത്തിലും വരുന്ന സംരംഭകരിൽനിന്നുമായിരിക്കണം. ഇതുവഴി സൂക്ഷ്​മ ചെറുകിട സംരംഭങ്ങൾക്ക് വൻകിട കമ്പനികളോട് മത്സരിച്ച് ആഭ്യന്തര വിപണി വികസിപ്പിക്കുന്നതിനും സുതാര്യമായ പുതിയ വിപണി പ്രാപ്യമാക്കുന്നതിനും സാധ്യമാകും. ചെറുകിട സംരംഭകരുൾ​െപ്പടെ പെതുജനങ്ങളിൽനിന്നും സർക്കാർ നേടുന്ന നികുതി പണം പൊതു സംഭരണ പ്രക്രിയയിലൂടെ അവരിലേക്ക് തന്നെ തിരിച്ചു ലഭ്യമാക്കുന്നു എന്നതാണ്​ ഇതി​െൻറ സവിശേഷത.



രജിസ്ട്രേഷൻ എങ്ങനെ

ആധാർ നമ്പർ, പാൻ കാർഡ്, എം.എസ്.എം.ഇ രജിസ്ട്രേഷൻ നമ്പർ, മൊബൈൽ നമ്പർ, ഇ-മെയിൽ ഐഡി, സ്ഥാപന രജിസ്ട്രേഷൻ, ആധായ നികുതി റിട്ടേൺ, വിലാസം, ബാങ്ക് അക്കൗണ്ട് തുടങ്ങിയ വിവരങ്ങൾ രജിസ്ട്രേഷനു നൽകണം. www.gem.gov.in പോർട്ടലിൽ സെല്ലർ എന്ന ലിങ്ക് വഴി രജിസ്ട്രേഷൻ വിവരങ്ങൾ നൽകി യൂസർ ഐഡിയും പാസ്​വേർഡും നിർമിച്ചാണ്​ അക്കൗണ്ട് തുറക്കേണ്ടത്​. തുടർന്ന് സ്ഥാപനത്തി​െൻറ വിവരങ്ങൾ നൽകണം. ശേഷം നൽകുന്ന ഉൽപന്നങ്ങളുടെയും സേവനങ്ങളുടേയും ഗുണഗണങ്ങളും ചിത്രങ്ങളും വിലവിവരപ്പട്ടികയും ഉൾ​െപ്പടെ വിശദവിവരങ്ങൾ പോർട്ടലിൽ പ്രസിദ്ധപ്പെടുത്തണം. നേരിട്ടുള്ള വിൽപന കൂടാതെ ലേലത്തിന് താൽപര്യമുണ്ടെങ്കിൽ അതും രേഖപ്പെടുത്തണം. സംരംഭകൻ നൽകുന്ന ഉൽപന്നങ്ങളും സേവനങ്ങളും സർക്കാർ സ്ഥാപനങ്ങൾ വിലയിരുത്തി അവശ്യാനുസരണം ഓർഡർ നൽകും. ലഭിച്ച ഓർഡറുകളുടെ വിവരങ്ങൾ സംരംഭക​െൻറ ജെഎം പോർട്ടൽ അക്കൗണ്ടിലും ഇ-മെയിലിലും മൊബൈലിലും ലഭ്യമാകും.


ചെറുകിട സംരംഭങ്ങൾക്ക് ഗുണകരം

  • സർക്കാർ സ്ഥാപനങ്ങളുമായി നേരിട്ട് വിപണനം നടത്താൻ ചെറുകിടസംരംഭങ്ങൾക്ക് പോർട്ടൽ വഴി കഴിയും.
  • നിരതദ്രവ്യ മൂല്യം, ടെൻഡർ ഫീസ് എന്നിവ ചെറുകിട സംരംഭകരിൽ നിന്നും ഒഴിവാക്കിയിട്ടുണ്ട്​.
  • ചെറുകിട സംരംഭങ്ങൾക്ക് വൻകിട എതിരാളികൾക്കിടയിൽ പ്രത്യേകയിടം നൽകി വളർച്ചക്ക് സഹായിക്കുന്നു.
  • പൊതു സംഭരണ സാധ്യതകൾ മനസ്സിലാക്കി ലഭ്യമാകേണ്ട ഉൽപന്നങ്ങളെയും സേവനങ്ങളേയും വിലയിരുത്താനും ആവശ്യമനുസരിച്ച് ക്രമികരിക്കാനും ചെറുകിട സംരംഭങ്ങൾക്ക് സാധിക്കും.
  • വേഗതയിലുള്ള പണമിടപാട് വഴി ചെറുകിട സംരംഭംങ്ങൾക്ക് പ്രവർത്തന മൂലധനം എളുപ്പത്തിൽ നേടാൻ കഴിയും.
  • 358 ഇനങ്ങൾ സൂക്ഷ്​മ ചെറുകിട സംരംഭങ്ങൾക്ക് മാത്രമായി നീക്കി​െവച്ചിട്ടുണ്ട്​.
  • ടെൻഡറിൽ ചെറുകിട സംരംഭകൻ നൽകിയ തുക ഓർഡർ ലഭിച്ച കമ്പനിയേക്കാൾ 15 ശതമാനം കൂടുതലാണെങ്കിലും ടെൻഡർവ്യവസ്ഥകളോടെ ചെറുകിട സംരംഭകന് നൽകും.

Show Full Article
TAGS:GeM Portal 
News Summary - JeM Portal Ready; Now the products can be sold to the government
Next Story