Begin typing your search above and press return to search.
exit_to_app
exit_to_app
Homechevron_rightBusinesschevron_rightFinancechevron_rightപഞ്ചസാരയിൽ ഇന്ത്യക്ക്​ ...

പഞ്ചസാരയിൽ ഇന്ത്യക്ക്​ തിരിച്ചടി; നിയമങ്ങൾ പാലിക്കണമെന്ന കർശന നിർദേശവുമായി ലോകവ്യാപാര സംഘടന

text_fields
bookmark_border
പഞ്ചസാരയിൽ ഇന്ത്യക്ക്​ തിരിച്ചടി; നിയമങ്ങൾ പാലിക്കണമെന്ന കർശന നിർദേശവുമായി ലോകവ്യാപാര സംഘടന
cancel

ജനീവ: കയറ്റുമതിക്കുള്ള പഞ്ചസാര സബ്​സിഡിയുമായി ബന്ധപ്പെട്ട്​ നിയമങ്ങൾ പാലിക്കാൻ ഇന്ത്യ തയാറാവണമെന്ന്​ ലോകവ്യാപാര സംഘടന. ബ്രസീൽ, ആസ്​ട്രേലിയ, ഗ്വാട്ടിമല തുടങ്ങിയ രാജ്യങ്ങൾക്ക്​ അനുകൂലമായാണ്​ ലോകവ്യാപാര സംഘടനയുടെ ഉത്തരവ്​. സബ്​സിഡിയുമായി ബന്ധപ്പെട്ട്​ ആഗോള നിയമങ്ങൾ പാലിക്കാൻ ഇന്ത്യ തയാറാവണമെന്നും സംഘടന ആവശ്യപ്പെട്ടു.

2019ലാണ്​ ഇതുമായി ബന്ധപ്പെട്ട്​ ലോകാരോഗ്യ സംഘടനയെ വിവിധ രാജ്യങ്ങൾ സമീപിച്ചത്​. കരിമ്പിനും പഞ്ചസാരക്കും ഇന്ത്യ അമിതമായി കയറ്റുമതി സബ്​സിഡി നൽകുന്നുവെന്നായിരുന്നു ഉയർന്ന പ്രധാന പരാതി. തുടർന്ന്​ ലോകവ്യാപാര സംഘടന വിഷയത്തിലിടപ്പെടുകയും കാർഷിക സബ്​സിഡയുമായി ബന്ധപ്പെട്ട്​ നിലവിലുളള കരാർ കർശനമായി പാലിക്കാൻ ഇന്ത്യയോട്​ നിർദേശിക്കുകയുമായിരുന്നു. ലോകത്തിലെ രണ്ടാമത്തെ വലിയ പഞ്ചസാര ഉൽപാദകരാണ്​ ഇന്ത്യ. ബ്രസീൽ കഴിഞ്ഞാൽ ഇന്ത്യക്കാണ്​ പഞ്ചസാര ഉൽപാദനത്തിൽ രണ്ടാം സ്ഥാനം.

അതേസമയം, ലോകവ്യാപാര സംഘടനയുടെ തീരുമാനത്തിനെതിരെ അപ്പീൽ നൽകുമെന്ന്​ ഇന്ത്യ പ്രതികരിച്ചു. എന്നാൽ, ലോകവ്യാപാര സംഘടനയുടെ അപ്​ലറ്റ്​ അതോറിറ്റിയിൽ ആവശ്യത്തിന്​ ജഡ്​ജിമാരില്ലാത്തതിനാൽ ഇന്ത്യക്ക്​ അപ്പീൽ നൽകാൻ സാധിച്ചിട്ടില്ല.

2014-15 മുതൽ 2018-19 വരെയുള്ള സീസണുകളിൽ കരിമ്പ്​ ഉൽപാദകർക്ക്​ ഇന്ത്യ അധികമായി കയറ്റുമതി സബ്​സിഡി നൽകിയിരുന്നുവെന്നാണ്​ ലോകവ്യാപാര സംഘടനയുടെ കണ്ടെത്തൽ. 10 ശതമാനമെന്ന ലോകവ്യാപാര സംഘടനയുടെ പരിധിയിൽ കൂടുതൽ സബ്​സിഡി നൽകിയെന്നായിരുന്നു കണ്ടെത്തൽ. അതേസമയം ലോകാവ്യാപാര സംഘടനയുടെ തീരുമാനം അംഗീകരിക്കാനാവില്ലെന്ന്​ ഇന്ത്യ പ്രതികരിച്ചു. ഇത്​ നിലവിലുള്ള പഞ്ചസാര നയത്തിൽ ഒരു മാറ്റവും ഉണ്ടാക്കില്ലെന്നും വാണിജ്യമന്ത്രാലയം വ്യക്​തമാക്കി.

Show Full Article
TAGS:wto Sugarcane 
Next Story