88,032.5 കോടിയുടെ ആ 500 രൂപ നോട്ടുകൾ എവിടെ? സ​മ്പ​ദ്‍വ്യ​വ​സ്ഥ​യി​ൽ എ​ത്തി​യി​ല്ലെ​ന്ന് വെളിപ്പെടുത്തൽ

മും​ബൈ: 88,032.5 കോ​ടി വി​ല​മ​തി​ക്കു​ന്ന 500 രൂ​പ നോ​ട്ടു​ക​ൾ ഇ​ന്ത്യ​ൻ സ​മ്പ​ദ്‍വ്യ​വ​സ്ഥ​യി​ൽ എ​ത്തി​യി​ല്ലെ​ന്ന വെ​ളി​പ്പെ​ടു​ത്ത​ലു​മാ​യി ആ​ക്ടി​വി​സ്റ്റ് മ​നോ​ര​ഞ്ജ​ൻ റോ​യ്. പു​തു​താ​യി രൂ​പ​ക​ൽ​പ​ന ചെ​യ്ത 500 രൂ​പ​യു​ടെ 8,810.65 ദ​ശ​ല​ക്ഷം നോ​ട്ടു​ക​ൾ അ​ച്ച​ടി​ച്ച​തി​ൽ റി​സ​ർ​വ് ബാ​ങ്കി​ന് ല​ഭി​ച്ച​ത് 7,260 ദ​ശ​ല​ക്ഷം മാ​ത്ര​മാ​ണെ​ന്നാ​ണ് വി​വ​രാ​വ​കാ​ശ പ്ര​കാ​രം ല​ഭി​ച്ച മ​റു​പ​ടി​യി​ലു​ള്ള​തെ​ന്ന് റോ​യ് പ​റ​യു​ന്നു. 1,760.65 ദ​ശ​ല​ക്ഷം നോ​ട്ടു​ക​ൾ എ​വി​ടെ പോ​യെ​ന്ന​തി​നാ​ണ് ഉ​ത്ത​ര​മി​ല്ലാ​ത്ത​ത്. 88,032.5 കോ​ടി രൂ​പ വ​രു​ന്ന​താ​ണ് കാ​ണാ​താ​യ നോ​ട്ടു​ക​ൾ.

ബം​ഗ​ളൂ​രു, നാ​സി​ക്, മ​ധ്യ​പ്ര​ദേ​ശി​ലെ ദെ​വാ​സ് എ​ന്നി​വി​ട​ങ്ങ​ളി​ലാ​ണ് രാ​ജ്യ​ത്ത് നോ​ട്ടു​ക​ൾ അ​ച്ച​ടി​ക്കു​ന്ന​ത്. ഇ​തി​ൽ നാ​സി​കി​ൽ​നി​ന്ന് 1,662 ദ​ശ​ല​ക്ഷം 500 ​രൂ​പ നോ​ട്ടു​ക​ൾ ആ​ർ.​ബി.​ഐ​ക്ക് കൈ​മാ​റി​യ​പ്പോ​ൾ ബം​ഗ​ളൂ​രു​വി​ൽ​നി​ന്ന് 5,195.65 ദ​ശ​ല​ക്ഷം നോ​ട്ടു​ക​ളും ന​ൽ​കി. ദെ​വാ​സ് അ​ച്ച​ടി​ശാ​ല​യി​ൽ​നി​ന്ന് 1,953 ദ​ശ​ല​ക്ഷം നോ​ട്ടു​ക​ൾ കൈ​മാ​റി​യ​തു​കൂ​ടി ക​ണ​ക്കാ​ക്കി​യാ​ൽ 8,810.65 ദ​ശ​ല​ക്ഷം നോ​ട്ടു​ക​ൾ റി​സ​ർ​വ് ബാ​ങ്കി​ന് ന​ൽ​കി​യി​ട്ടു​ണ്ട്. എ​ന്നാ​ൽ, റി​സ​ർ​വ് ബാ​ങ്ക് ന​ൽ​കു​ന്ന വി​വ​ര​പ്ര​കാ​രം 500 രൂ​പ​യു​ടെ 7260 ദ​ശ​ല​ക്ഷം നോ​ട്ടു​ക​ളാ​ണ് കൈ​പ്പ​റ്റി​യ​ത്.

ഓ​രോ വ​ർ​ഷ​ത്തെ ക​ണ​ക്കു​ക​ളി​ലു​മു​ണ്ട് അ​ന്ത​രം. 2015 ഏ​പ്രി​ലി​നും 2016 ഡി​സം​ബ​റി​നു​മി​ട​യി​ൽ നാ​സി​കി​ൽ അ​ച്ച​ടി​ച്ച​ത് 500 രൂ​പ​യു​ടെ 375.45 ദ​ശ​ല​ക്ഷം നോ​ട്ടു​ക​ളാ​ണ്. എ​ന്നാ​ൽ, ആ​ർ.​ബി.​ഐ കൈ​പ്പ​റ്റി​യ​ത് 345 ദ​ശ​ല​ക്ഷ​വും. സം​ഭ​വ​ത്തി​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് കേ​ന്ദ്ര സാ​മ്പ​ത്തി​ക ര​ഹ​സ്യാ​ന്വേ​ഷ​ണ വി​ഭാ​ഗം (സി.​ഇ.​ഐ.​ബി), എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് എ​ന്നി​വ​ക്ക് ക​ത്തെ​ഴു​തി​യ​താ​യി റോ​യ് പ​റ​യു​ന്നു. എ​ന്നാ​ൽ, വ​ലി​യ തു​ക എ​ത്തി​ക്കു​ന്ന​ത് വ​ലി​യ പ്ര​ക്രി​യ ആ​യ​തി​നാ​ലാ​ണ് ഈ ​അ​ന്ത​ര​മെ​ന്ന് റി​സ​ർ​വ് ബാ​ങ്ക് മു​തി​ർ​ന്ന ഉ​ദ്യോ​ഗ​സ്ഥ​ർ വി​ശ​ദീ​ക​രി​ക്കു​ന്ന​താ​യി ‘ഫ്രീ ​പ്ര​സ് ജേ​ണ​ൽ’ റി​പ്പോ​ർ​ട്ട് പ​റ​യു​ന്നു.

2022-23 സാ​മ്പ​ത്തി​ക വ​ർ​ഷ​ത്തി​ൽ 500 രൂ​പ വ്യാ​ജ നോ​ട്ടു​ക​ൾ എ​ണ്ണം 14.4 ശ​ത​മാ​നം വ​ർ​ധി​ച്ച​താ​യി റി​സ​ർ​വ് ബാ​ങ്ക് ദേ​ശീ​യ റി​പ്പോ​ർ​ട്ട് പു​റ​ത്തു​വി​ട്ടി​രു​ന്നു. അ​തേ കാ​ല​യ​ള​വി​ൽ 2,000 രൂ​പ​യു​ടെ വ്യാ​ജ നോ​ട്ടു​ക​ളു​ടെ എ​ണ്ണ​ത്തി​ൽ കു​റ​വു വ​രു​ക​യും ചെ​യ്തി​ട്ടു​ണ്ട്.