കേന്ദ്രസർക്കാർ ജീവനക്കാർക്ക്​ സന്തോഷ വാർത്ത; നിർണായക തീരുമാനം ഇന്നുണ്ടായേക്കും

ന്യൂഡൽഹി: കേന്ദ്രസർക്കാർ ജീവനക്കാരുടെ ഡി.എ, ഡി.ആർ എന്നിവ വർധിപ്പിച്ച തീരുമാനത്തിന്​ കേന്ദ്രമന്ത്രിസഭ ഇന്ന്​ അംഗീകാരം നൽകുമെന്ന്​ സൂചന. മുൻകാല പ്രാബല്യത്തോടെയാണ്​ തീരുമാനം നടപ്പിലാക്കുക.

സെപ്​തംബർ മുതൽ വർധിച്ച ഡി.എ, ഡി.ആർ എന്നിവ നൽകി തുടങ്ങുമെന്നാണ്​ റിപ്പോർട്ടുകൾ. ഇന്ന്​ ചേരുന്ന കേന്ദ്ര മന്ത്രിസഭ യോഗം ഇക്കാര്യത്തിൽ അന്തിമ തീരുമാനമെടുക്കും. മന്ത്രിസഭ പുനഃസംഘടനക്ക്​ പിന്നാലെ നടക്കുന്ന ആദ്യ യോഗമാണിത്​.

ജൂൺ 26ന്​ ധനകാര്യമന്ത്രാലയം തീരുമാനത്തിന്​ അംഗീകാരം നൽകിയിരുന്നു. ഇതിന്​ പിന്നാലെയാണ്​ കേന്ദ്രസർക്കാറി​േന്‍റയും പരിഗണനക്ക്​ ഇക്കാര്യമെത്തുന്നത്​. 2020 ജനുവരി ഒന്ന്​ മുതൽ 2020 ജൂലൈ ഒന്ന്​ വരെയും 2021 ഒന്ന്​ ജനുവരി ഒന്ന്​ മുതൽ 2021 ജൂലൈ ഒന്ന്​ വരെയുള്ള കുടിശ്ശികയാണ്​ ബാക്കിയുള്ളത്​. ഇത്​ ഉൾപ്പടെയാവും കേന്ദ്രസർക്കാർ ജീവനക്കാർക്ക്​ നൽകുക.