Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightFinancechevron_rightട്രാവൽ വൗച്ചറുകളും...

ട്രാവൽ വൗച്ചറുകളും ഉത്സവകാല അഡ്വാൻസും; സർക്കാർ ജീവനക്കാർക്ക്​ ആനുകൂല്യങ്ങളുമായി നിർമല

text_fields
bookmark_border
ട്രാവൽ വൗച്ചറുകളും ഉത്സവകാല അഡ്വാൻസും; സർക്കാർ ജീവനക്കാർക്ക്​ ആനുകൂല്യങ്ങളുമായി നിർമല
cancel

ന്യൂഡൽഹി: രാജ്യത്ത്​ കോവിഡ്​ മൂലമുണ്ടായ സാമ്പത്തിക പ്രതിസന്ധി മറികടക്കാൻ സർക്കാർ ജീവനക്കാർക്ക്​ ആനുകൂല്യങ്ങളുമായി ധനമന്ത്രി നിർമല സീതാരാമൻ. സർക്കാർ ജീവനക്കാർക്ക്​ ട്രാവൽ വൗച്ചറുകളും ഉത്സവകാല അഡ്വാൻസും നൽകുമെന്ന്​ ധനമന്ത്രി പ്രഖ്യാപിച്ചു.

ട്രാവൽ വൗച്ചറുകൾ നൽകാനായി 5,675 കോടി നീക്കിവെച്ചതായി ധനമന്ത്രി അറിയിച്ചു. പൊതുമേഖല ബാങ്കുകളിലെ ജീവനക്കാർക്ക്​ പദ്ധതി നടപ്പാക്കുന്നതിനായി 1,900 കോടിയും മാറ്റിവെച്ചിട്ടുണ്ട്​. ഇതിലൂടെ സമ്പദ്​വ്യവസ്ഥയിൽ 19,000 കോടിയുടെ ഇടപാടുകൾ നടക്കുമെന്നാണ്​ ധനമന്ത്രാലയത്തി​െൻറ പ്രതീക്ഷ.

കേന്ദ്രസർക്കാർ ജീവനക്കാർക്ക്​ 10 തവണകളായി തിരിച്ചടക്കാവുന്ന രീതിയിൽ പരമാവധി 10,000 രൂപയാണ്​ അഡ്വാൻസായി​ നൽകുക. ഇതിനായി പണമുള്ള റുപേ കാർഡുകൾ ജീവനക്കാർക്ക്​ നൽകും. ഇത്​ ഉപയോഗിച്ച്​ ജീവനക്കാർക്ക്​ ഇടപാടുകൾ നടത്താം. ഇതി​െൻറ ബാങ്ക്​ ഇടപാട്​ ചാർജ്​ കേന്ദ്രസർക്കാർ വഹിക്കുമെന്നും നിർമല സീതാരാമൻ പറഞ്ഞു. ഈ നടപടിയിലൂടെ പരമാവധി 8,000 കോടി വിപണിയിലെത്തുമെന്നാണ്​ പ്രതീക്ഷിക്കുന്നതെന്നും അവർ കൂട്ടിച്ചേർത്തു.

കോവിഡ്​ മൂലം രാജ്യത്തെ ഉപഭോഗത്തിൽ വൻ കുറവ്​ രേഖപ്പെടുത്തിയിരുന്നു. ഇത്​ ഉയർത്താൻ ലക്ഷ്യമിട്ടാണ്​ കേന്ദ്രസർക്കാറി​െൻറ നടപടികൾ.

Show Full Article
TAGS:Nirmala Sitharaman Union government 
Next Story