കേന്ദ്ര സർക്കാറിന്‍റെ സൗജന്യ ഭക്ഷണ പദ്ധതി ഒരു വർഷം കൂടി നീട്ടും

ന്യൂഡൽഹി: കേന്ദ്ര സർക്കാറിന്‍റെ സൗജന്യ ഭക്ഷണ പദ്ധതിയായ പ്രധാനമന്ത്രി ഗരീബ് കല്യാൺ അന്ന യോജന ഒരു വർഷം കൂടി നീട്ടുമെന്ന് ബജറ്റ് പ്രഖ്യാപനം. 81 കോടി ജനങ്ങൾക്ക് പ്രതിമാസം അഞ്ച് കിലോ ഭക്ഷ്യധാന്യം സൗജന്യമായി ലഭിക്കുന്നതാണ് കേന്ദ്ര പദ്ധതി.

മുഴുവൻ അന്ത്യോദയ ഗുണഭോക്താക്കൾക്കും ഈ പദ്ധതിയുടെ ഗുണം ലഭിക്കും. രണ്ട് ലക്ഷം കോടി രൂപയാണ് പദ്ധതിക്ക് പ്രതീക്ഷിക്കുന്ന ചെലവെന്നും ഇത് കേന്ദ്ര സർക്കാർ വഹിക്കുമെന്നും ധനമന്ത്രി നിർമല സീതാരാമൻ ബജറ്റ് പ്രസംഗത്തിൽ വ്യക്തമാക്കി.