Top
Begin typing your search above and press return to search.
exit_to_app
exit_to_app
Homechevron_rightBusinesschevron_rightFinancechevron_rightഎയർ ഇന്ത്യയെ ടാറ്റ...

എയർ ഇന്ത്യയെ ടാറ്റ ഗ്രൂപ്പ്​ സ്വന്തമാക്കും; ലേലത്തിൽ ടാറ്റക്ക്​ മുൻതൂക്കമെന്ന്​ സൂചന

text_fields
bookmark_border
Air India
cancel

ന്യൂഡൽഹി: പൊതുമേഖല വിമാന കമ്പനിയായ എയർ ഇന്ത്യയെ ടാറ്റ ഗ്രൂപ്പ്​ സ്വന്തമാക്കുമെന്ന്​ സൂചന. എയർ ഇന്ത്യയുടെ വിൽപനക്കായി കേന്ദ്രസർക്കാർ നടത്തുന്ന ലേലത്തിൽ ടാറ്റ ഗ്രൂപ്പിന്​ മുൻതൂക്കമുണ്ടെന്ന റിപ്പോർട്ടുകളാണ്​ പുറത്ത്​ വരുന്നത്​. സ്​പൈസ്​ജെറ്റി​െൻറ അജയ്​ സിങ്​ രേഖപ്പെടുത്തിയ തുകയേക്കാളും കൂടുതൽ നൽകാൻ ലേലത്തിൽ ടാറ്റ ഗ്രൂപ്പ്​ സന്നദ്ധത അറിയിച്ചുവെന്നാണ് ലൈവ്​ മിൻറ്​​ റിപ്പോർട്ട് ചെയ്യുന്നു​.

രത്തൻ ടാറ്റയുടെ ഉടമസ്ഥതയിലുള്ള ടാറ്റ ഗ്രൂപ്പും അജയ്​ സിങ്ങി​െൻറ സ്​പൈസ്​ജെറ്റും തമ്മിലാണ്​ എയർ ഇന്ത്യക്കായി പ്രധാനമായും പോരാട്ടം നടത്തുന്നത്​. വിസ്​താരയാണ്​ ടാറ്റയുടെ ഉടമസ്ഥതയിലുള്ള ഇന്ത്യയിലെ വിമാന കമ്പനി. എയർ ഇന്ത്യ കൂടി ഏറ്റെടുത്താൽ ഇന്ത്യയിലെ ഒന്നാം നമ്പർ വിമാന കമ്പനിയായി ടാറ്റ മാറും.

അതേസമയം, എയർ ഇന്ത്യയുടെ വിൽപന വൈകാനിടയുണ്ടെന്ന സൂചന കേന്ദ്രസർക്കാർ നൽകിയിട്ടുണ്ട്​. കോവിഡ്​ മൂലമാണ്​ വിൽപന വൈകുന്നത്​. എയർ ഇന്ത്യയുടെ റിയൽ എസ്​റ്റേറ്റ്​ സ്വത്തുക്കളുടെ കണക്കെടുപ്പ്​ കോവിഡ്​ കാരണം ലേലത്തിൽ പ​ങ്കെടുത്ത കമ്പനികൾക്ക്​ നടത്താനായിട്ടില്ല. എങ്കിലും ഈ വർഷം അവസാനത്തോടെ എയർ ഇന്ത്യയുടെ സ്വകാര്യവൽക്കരണം പൂർത്തിയാക്കാനാകുമെന്നാണ്​ കേന്ദ്രസർക്കാർ പ്രതീക്ഷ.

Show Full Article
TAGS:air india tata group 
News Summary - Tatas firmly in the driver’s seat to acquire Air India
Next Story