'നീയൊക്കെ പി​ച്ച തെ​ണ്ടാ​ൻ പോ​യ്​​ക്കോ. കാ​ശ്​ ത​ന്നി​ല്ലെ​ങ്കി​ൽ വി​വ​ര​മ​റി​യും...': വായ്പ കെണി വിരിച്ച് ആപുകൾ; വീ​ഴു​ന്ന​വർക്ക് ഭീഷണി, മാനഹാനി

കോ​ഴി​ക്കോ​ട്​: 'നി​ന​ക്കൊ​ക്കെ വേ​​റെ പ​ണി​ക്ക്​ പോ​യി​ക്കൂ​ടെ? പി​ച്ച തെ​ണ്ടാ​ൻ പോ​യ്​​ക്കോ. കാ​ശ്​ ത​ന്നി​ല്ലെ​ങ്കി​ൽ വി​വ​ര​മ​റി​യും'- ഏ​തെ​ങ്കി​ലും ഗു​ണ്ട സം​ഘ​ത്തി​​ന്‍റെ ഭീ​ഷ​ണി​യ​ല്ല. ഉ​ട​ന​ടി വാ​യ്പ​ക​ൾ ന​ൽ​കു​ന്ന മൊ​ബൈ​ൽ ആ​പ്​ സം​ഘ​ങ്ങ​ളു​ടെ വി​ര​ട്ട​ലാ​ണി​ത്. ജി​ല്ല​യി​ലെ ന​ഗ​ര​പ്ര​ദേ​ശ​ത്തെ ഒ​രു യു​വ​തി​ക്കാ​ണ്​ ഈ ​അ​നു​ഭ​വം.

കൈ​വി​ര​ൽ തു​മ്പ​ത്ത്​ വാ​യ്പ ല​ഭി​ക്കു​ന്ന​തി​നാ​ൽ ആ​പു​ക​ളി​ൽ ത​ല​വെ​ക്കു​ന്ന​വ​രു​ടെ എ​ണ്ണം ജി​ല്ല​യി​ൽ വീ​ണ്ടും വ​ർ​ധി​ക്കു​ക​യാ​ണ്. ര​ണ്ട്​ വ​ർ​ഷം മു​മ്പ്​ നി​ര​വ​ധി പ​രാ​തി​ക​ൾ ല​ഭി​ക്കു​ക​യും സ​ർ​ക്കാ​ർ ത​ല​ത്തി​ൽ ചി​ല ഇ​ട​പെ​ട​ലു​ക​ൾ​ക്ക്​ ശ്ര​മം ന​ട​ത്തു​ക​യും ചെ​യ്തി​രു​ന്നു.

എ​ന്നാ​ൽ, വാ​യ്പ ത​ട്ടി​പ്പു​കാ​ർ പൂ​ർ​വാ​ധി​കം ശ​ക്​​തി​യോ​ടെ തി​രി​ച്ചു​വ​ന്നി​ട്ടു​ണ്ട്. കോ​വി​ഡി​നെ തു​ട​ർ​ന്നു​ള്ള സാ​മ്പ​ത്തി​ക പ്ര​തി​സ​ന്ധി ഇ​വ​ർ മു​ത​ലെ​ടു​ക്കു​ക​യാ​ണ്. ഗൂ​ഗ്​​ൾ പ്ലേ​സ്​​റ്റോ​റി​ൽ​നി​ന്ന്​ ഡൗ​ൺ​ലോ​ഡ്​ ചെ​യ്​​ത്​ വി​ലാ​സം ഉ​റ​പ്പി​ക്കു​ന്ന​ത​ട​ക്ക​മു​ള്ള കു​റ​ച്ച്​ രേ​ഖ​ക​ൾ മാ​ത്രം ന​ൽ​കി​യാ​ണ്​ വാ​യ്പ​ ആ​പു​ക​ളു​ടെ 'ആ​പ്പി'​ൽ പെ​ടു​ന്ന​ത്.

ഡൗ​ൺ​ലോ​ഡ്​ ചെ​യ്യു​മ്പോ​ൾ ഫോ​ണി​ലു​ള്ള മു​ഴു​വ​ൻ ഫോ​ൺ ന​മ്പ​റു​ക​ളും മ​റ്റും ആ​പ്​ നി​യ​ന്ത്രി​ക്കു​ന്ന​വ​ർ​ക്ക്​ കി​ട്ടും. വാ​യ്പ തി​രി​ച്ച​ട​വ്​ മു​ട​ങ്ങി​യാ​ൽ ഈ ​ഫോ​ൺ ന​മ്പ​റു​ക​ളി​ലേ​ക്ക്​ വാ​ട്സ്ആ​പ്പ്​ സ​ന്ദേ​ശ​ങ്ങ​ളും വി​ളി​ക​ളും വ​രും.

വാ​യ്പ​യെ​ടു​ത്ത​യാ​ളെ മോ​ശ​മാ​യി ചി​ത്രീ​ക​രി​ക്കും. വാ​ട്​​സ്ആ​പ്പ്​ ഗ്രൂ​പ്പു​ണ്ടാ​ക്കി അ​പ​കീ​ർ​ത്തി​ക​ര​മാ​യ ഫോ​ട്ടോ​ക​ൾ പ്ര​ച​രി​പ്പി​ക്കു​ന്ന​തും വീ​ണ്ടും തു​ട​ങ്ങി​യി​ട്ടു​ണ്ട്.

വാ​യ്പ​യെ​ടു​ത്ത​യാ​ൾ മ​രി​ച്ചു​പോ​യെ​ന്ന്​ ചി​ത്രം സ​ഹി​തം വാ​ട്​​സ്ആ​പ്പ്​ സ​ന്ദേ​ശ​ങ്ങ​ളും പ​തി​വാ​ണ്. വാ​യ്പ​​യെ​ടു​ത്ത​വ​രു​ടെ മോ​ർ​ഫ്​ ചെ​യ്ത ചി​ത്ര​ങ്ങ​ളും പ്ര​ച​രി​പ്പി​ക്കു​ന്നു​ണ്ട്. പീ​ഡ​ന​ക്കേ​സി​ലെ പ്ര​തി​യാ​ണെ​ന്ന പ്ര​ചാ​ര​ണം വ​രെ പ​തി​വാ​യി ന​ട​ക്കു​ന്നു​ണ്ട്.

5000 രൂ​പ മു​ത​ൽ 10,000 രൂ​പ വ​രെ ആ​വ​ശ്യ​മു​ള്ള​വ​രെ​യാ​ണ്​ വാ​യ്പ ആ​പു​ക​ൾ കെ​ണി​യി​ലാ​ക്കു​ന്ന​ത്. എ​ളു​പ്പ​ത്തി​ൽ തി​രി​ച്ച​ട​ക്കാ​മെ​ന്ന്​ ക​രു​തു​മെ​ങ്കി​ലും ഒ​ടു​വി​ൽ വ​ൻ​തു​ക​യു​ടെ ക​ട​ക്കാ​ര​നാ​കും.

ഒ​രു ല​ക്ഷം രൂ​പ ചോ​ദി​ച്ചാ​ൽ 5000 രൂ​പ ആ​വ​ശ്യ​ക്കാ​ര​ന്​ കി​ട്ടും. 5000 രൂ​പ വാ​യ്പ​യെ​ടു​ത്താ​ൽ പ്രൊ​സ​സി​ങ്​ ചാ​ർ​ജും പ​ലി​ശ​യും ക​ഴി​ച്ച്​ 3200 രൂ​പ​യാ​ണ്​ പ​ര​മാ​വ​ധി കൈ​യി​ൽ കി​ട്ടു​ന്ന​ത്. ചെ​റി​യ തു​ക​ക​ൾ​ക്ക്​ ഒ​രാ​ഴ്ച​യാ​ണ്​ തി​രി​ച്ച​ട​വ്​ സ​മ​യം.

വാ​യ്പ​യെ​ടു​ത്ത്​ ആ​റാം ദി​വ​സം ത​ന്നെ തെ​റി​വി​ളി​ക​ൾ തു​ട​ങ്ങും. മ​റ്റ്​ ആ​പു​ക​ൾ ഡൗ​ൺ​ലോ​ഡ്​ ചെ​യ്യാ​നും വാ​യ്പ എ​ടു​ക്കാ​നും പ്ര​ലോ​ഭ​ന​മു​ണ്ടാ​കും.

പു​തു​താ​യി ല​ഭി​ക്കു​ന്ന വാ​യ്പ പ​ഴ​യ​തി​​ന്‍റെ ക​ടം​വീ​ട്ടാ​ൻ ഒ​ടു​വി​ൽ ഇ​വ​ർ​ക്ക്​ മു​ന്നി​ൽ കീ​ഴ​ട​ങ്ങേ​ണ്ട അ​വ​സ്ഥ​യാ​ണ്.

10,000 രൂ​പ വാ​യ്​​പ​യെ​ടു​ത്താ​ൽ ഒ​രു​ ല​ക്ഷം വ​രെ ക​ട​ക്കാ​ര​നാ​കു​ന്ന പ്ര​​ത്യേ​ക 'സം​വി​ധാ​ന'​മാ​ണ്​ ഓ​ൺ​ലൈ​ൻ വാ​യ്പ ന​ട​ത്തി​പ്പു​കാ​രു​ടേ​ത്. 20 മു​ത​ൽ 40 ശ​ത​മാ​നം വ​രെ​യാ​ണ്​ വാ​ർ​ഷി​ക പ​ലി​ശ​നി​ര​ക്ക്.

ആ​ർ​ക്കും പ​രാ​തി​യി​ല്ല; ആ​രും അ​ന്വേ​ഷി​ക്കു​ന്നു​മി​ല്ല​

കോ​ഴി​ക്കോ​ട്​: വാ​യ്പ ആ​പു​ക​ളു​ടെ ​കെ​ണി​യി​ൽ കു​ടു​ങ്ങു​ന്ന​വ​ർ പ​രാ​തി ന​ൽ​കു​ന്ന​ത്​ അ​പൂ​ർ​വ​മാ​ണെ​ന്ന്​ ​സൈ​ബ​ർ പൊ​ലീ​സ്​ സ്​​റ്റേ​ഷ​ൻ അ​ധി​കൃ​ത​ർ പ​റ​ഞ്ഞു.

ത​ട്ടി​പ്പു​കാ​രെ കൃ​ത്യ​മാ​യി ക​ണ്ടെ​ത്താ​നും ബു​ദ്ധി​മു​ട്ടാ​ണ്. വാ​യ്പ മു​ട​ങ്ങി​യ​വ​രെ ഭീ​ഷ​ണി​പ്പെ​ടു​ത്തു​ന്ന​തും അ​പ​കീ​ർ​ത്തി​പ്പെ​ടു​ത്തു​ന്ന​തും ഉ​ത്ത​രേ​ന്ത്യ കേ​ന്ദ്രീ​ക​രി​ച്ചു​ള്ള സം​ഘ​മാ​ണ്.

വ്യാ​ജ മേ​ൽ​വി​ലാ​സം ന​ൽ​കി​യാ​ണ്​ ഇ​ക്കൂ​ട്ട​ർ ഫോ​ൺ ന​മ്പ​റു​ക​ൾ സം​ഘ​ടി​പ്പി​ക്കു​ന്ന​ത്. നോ​യ്​​ഡ​യാ​ണ്​ പ്ര​ധാ​ന ത​ട്ടി​പ്പു​ കേ​ന്ദ്രം. അ​ന്വേ​ഷ​ണം ഏ​റെ ബു​ദ്ധി​മു​ട്ടാ​ണെ​ന്നും ഇ​ത്ത​ര​ക്കാ​രു​ടെ വ​ല​യി​ൽ വീ​ഴാ​തി​രി​ക്കു​ന്ന​താ​ണ്​ ആ​ദ്യം ചെ​യ്യേ​ണ്ട​തെ​ന്നും പൊ​ലീ​സ്​ പ​റ​യു​ന്നു.

അ​തേ​സ​മ​യം, വാ​യ്പ ആ​പ്​ ത​ട്ടി​പ്പ്​ കേ​സി​ലെ പ​രാ​തി​ക​ൾ ക്രൈം​ബ്രാ​ഞ്ച്​ അ​ന്വേ​ഷി​ക്കു​മെ​ന്നാ​യി​രു​ന്നു മു​ൻ ഡി.​ജി.​പി​യു​ടെ ഉ​ത്ത​ര​വ്. കാ​ര്യ​മാ​യ അ​ന്വേ​ഷ​ണം ന​ട​ക്കു​ന്നി​ല്ല.​

വ​യ​നാ​ട്​ പ​ടി​ഞ്ഞാ​റ​ത്ത​റ സ്വ​ദേ​ശി​യു​ടെ പ​രാ​തി​യി​ൽ യു.​പി സ്വ​ദേ​ശി​യെ അ​റ​സ്റ്റ്​ ചെ​യ്ത​താ​ണ്​ സം​സ്ഥാ​ന ​പൊ​ലീ​സി​​ന്‍റെ ഏ​ക ഇ​ട​പെ​ട​ൽ.