Begin typing your search above and press return to search.
exit_to_app
exit_to_app
Homechevron_rightBusinesschevron_rightFinancechevron_rightകോവിഡിൽ നിന്നുള്ള...

കോവിഡിൽ നിന്നുള്ള തിരിച്ചു വരവിന്‍റെ മുഴുവൻ ക്രെഡിറ്റും കേന്ദ്രസർക്കാറിന്​; പൊതുമേഖല സ്ഥാപനങ്ങൾ വിറ്റതും ഗുണകരമെന്ന്​ ശക്​തികാന്തദാസ്​​

text_fields
bookmark_border
shakthikantha-das
cancel

ന്യൂഡൽഹി: കോവിഡിന്​ ശേഷം സമ്പദ്​വ്യവസ്ഥയുടെ തിരിച്ചു വരവിന്‍റെ മുഴുവൻ ക്രെഡിറ്റും കേന്ദ്രസർക്കാറിനാണെന്ന്​ആർ.ബി.ഐ ഗവർണർ ശക്​തികാന്ത ദാസ്​. കേന്ദ്രസർക്കാറിനെ പിന്തുണക്കുക മാത്രമാണ്​ ആർ.ബി.ഐ ചെയ്​തത്​. ഈ സാമ്പത്തിക വർഷം ജി.ഡി.പിയിൽ 9.5 ശതമാനം വളർച്ചയുണ്ടാവുമെന്നാണ്​ പ്രതീക്ഷയെന്നും അദ്ദേഹം പറഞ്ഞു.

ഇന്ധനികുതി കുറവ്​, ടെലികോം സെക്​ടറിലെ നികുതി മാറ്റങ്ങൾ, എയർ ഇന്ത്യയുടെയും ചില പൊതു മേഖല ബാങ്കുകളുടേയും വിൽപന തുടങ്ങിയ കേന്ദ്രസർക്കാറിന്‍റെ തീരുമാനങ്ങളെല്ലാം സമ്പദ്​വ്യവസ്ഥക്ക്​ ഗുണകരമായെന്ന്​ ശക്​തികാന്ത ദാസ്​ പറഞ്ഞു. വലിയ പരിഷ്​കാരങ്ങളെല്ലാം വളർച്ചയെ സഹായിക്കുന്നതായിരുന്നു. എന്നാൽ, ആഗോളതലത്തിൽ എണ്ണവില ഉയരുന്നതും ചില രാഷ്​ട്രീയ അസ്ഥിരതകളും ഇന്ത്യക്കും വെല്ലുവിളി ഉയർത്തുന്നുണ്ട്​. എങ്കിലും ഇന്ത്യയുടെ വളർച്ച നിരക്ക്​ ഇപ്പോഴും പോസിറ്റീവായി തന്നെ തുടരുകയാണെന്നും അദ്ദേഹം കൂട്ടിച്ചേർത്തു.

എന്നാൽ, കോവിഡ്​ പ്രതിസന്ധിയിൽ നിന്നും മോചനം നേടിയ ചില വികസിത രാജ്യങ്ങളിലെ സ്ഥിതി സസൂക്ഷ്​മം നിരീക്ഷിക്കണമെന്നും അദ്ദേഹം നിർദേശിച്ചു. കോവിഡ്​ പ്രതിസന്ധിയിൽ നിന്നും കരകയറിയ രാജ്യങ്ങൾ ആദ്യം നല്ല വളർച്ചയുണ്ടാക്കുകയും പിന്നീട്​ ഇതിന്‍റെ തോതിൽ ഇടിവ്​ വരികയും ചെയ്​തിരുന്നു. ആഗോള സമ്പദ്​വ്യവസ്ഥയുടെ വളർച്ച 5.9 ശതമാനം മാത്രമായിരിക്കുമെന്നതും ശ്രദ്ധിക്കണമെന്ന്​ അദ്ദേഹം പറഞ്ഞു.

ചില ബാങ്കുകളിൽ നിന്നുള്ള വിവരമനുസരിച്ച്​ നിക്ഷേപവും വായ്​പകളും വർധിച്ചിട്ടുണ്ട്​. അടുത്ത സാമ്പത്തിക വർഷത്തോടെ ഇതിൽ കാര്യമായ പുരോഗതിയുണ്ടാകുമെന്നാണ്​ പ്രതീക്ഷിക്കുന്നത്​. ബാങ്കുകളുടെ മേധാവിമാരുമായി കൂടിക്കാഴ്ച നടത്തിയിരുന്നു. കോർപ്പറേറ്റ്​ വായ്​പകളെ ഗാർഹിക വായ്​പകൾ മറികടന്നുവെന്ന്​ അവർ അറിയിച്ചതായും ആർ.ബി.ഐ ഗവർണർ പറഞ്ഞു.

Show Full Article
TAGS:Shaktikanta Das 
News Summary - Shaktikanta Das says GDP to clip at 9.5% as growth impulses strong
Next Story