സുരക്ഷയും സമ്പാദ്യവും ഉറപ്പ്; ധൻ സഞ്ചയ് പദ്ധതിയുമായി എൽ.ഐ.സി

മുംബൈ: സുരക്ഷയും സമ്പാദ്യവും ഉറപ്പു നൽകുന്ന വ്യക്തിഗത ഇൻഷുറൻസ് പദ്ധതി 'ധൻ സഞ്ചയ്' എൽ.ഐ.സി അവതരിപ്പിച്ചു. പുതിയ പദ്ധതി ഓഹരി​​വിപണി ബന്ധിതമോ ലാഭ​​ നഷ്ടങ്ങളിൽ പങ്കെടുക്കുന്നതോ അല്ല. ഉറപ്പായ വരുമാന ആനുകൂല്യങ്ങളും, ഉറപ്പായ ടെർമിനൽ ആനുകൂല്യങ്ങളും ലഭിക്കും.

പദ്ധതിയുടെ ചുരുങ്ങിയ കാലാവധി അഞ്ചു വർഷവും പരമാവധി 15 വർഷവുമാണ്. പോളിസി ഉടമ മരിച്ചാൽ കുടുംബത്തിന് സാമ്പത്തിക പിന്തുണ ലഭിക്കും. മരണാനുകൂല്യം ഒറ്റത്തവണയായോ അഞ്ചു​ വർഷത്തിനകം തവണകളായോ പിൻവലിക്കാം.

പ്ലാൻ എ, ബി വിഭാഗങ്ങളിൽ 3,30,000 രൂപയും സിയിൽ 2,50,000 രൂപയും ഡി യിൽ 22,00,000 രൂപയുമാണ് ഉറപ്പായും ലഭിക്കുന്ന കുറഞ്ഞ തുക. ഉയർന്ന പ്രീമിയം തുകക്ക് പരിധിയില്ല. കൂടുതൽ വിവരങ്ങൾക്ക് www.licindia.com സന്ദർശിക്കുക.