ദുരിതകാലം​ മറികടക്കാൻ കേന്ദ്രസർക്കാർ ജനങ്ങൾക്ക്​ പണം നൽകണമെന്ന്​ രഘുറാം രാജൻ

ന്യൂഡൽഹി: കോവിഡിനെ തുടർന്ന്​ ജനങ്ങൾ അനുഭവിക്കുന്ന ഗുരുതര സാമ്പത്തിക പ്രതിസന്ധി മറികടക്കാൻ ജനങ്ങളുടെ കൈകളിലേക്ക്​ പണമെത്തിക്കണമെന്ന്​ ആർ.ബി.ഐ മുൻ ഗവർണർ രഘുറാം രാജൻ. ഗരീബ്​ കല്യാൺ യോജന വഴി ജനങ്ങൾക്ക്​ ഭക്ഷ്യധാന്യങ്ങൾ നൽകുന്നത്​ തുടരണമെന്നും അദ്ദേഹം ആവശ്യപ്പെട്ടു.

വാക്​സിൻ കൂടി എത്തിയതോടെ ഇന്ത്യയിൽ കോവിഡിന്‍റെ രണ്ടാം വ്യാപനമുണ്ടാവാനുള്ള സാധ്യതകൾ വിരളമാണ്​. ജനങ്ങൾക്ക്​ പണമെത്തിക്കുന്നതിനൊപ്പം അടിസ്ഥാനസൗകര്യ വികസനമേഖലക്കായും പണം മുടക്കണം. സംസ്ഥാനങ്ങളും അടിസ്ഥാന സൗകര്യ വികസന മേഖലയിൽ പണം ചെലവഴിക്കുന്നത്​ വർധിപ്പിക്കണമെന്ന്​ രഘുറാം രാജൻ ആവശ്യപ്പെട്ടു.

കോവിഡ്​ കുറയുന്ന സാഹചര്യത്തിൽ രാജ്യത്തെ സ്​കൂളുകൾ തുറക്കണമെന്നും അ​േദ്ദഹം ആവശ്യപ്പെട്ടു. അല്ലെങ്കിൽ സ്​കൂൾ വിദ്യാർഥികൾക്ക്​ ഒരു വർഷം നഷ്​ടമുണ്ടാകുന്ന സാഹചര്യമുണ്ടാകുമെന്നും അദ്ദേഹം വ്യക്​തമാക്കി.

Latest Video: