Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightFinancechevron_rightക്രൂഡോയിൽ കുത്തനെ...

ക്രൂഡോയിൽ കുത്തനെ താഴോട്ട്​; മാറ്റമില്ലാതെ ഇന്ത്യയിലെ വില

text_fields
bookmark_border
ക്രൂഡോയിൽ കുത്തനെ താഴോട്ട്​; മാറ്റമില്ലാതെ ഇന്ത്യയിലെ വില
cancel

ന്യൂഡൽഹി: അന്താരാഷ്​ട്ര വിപണിയിൽ എണ്ണവിലയിൽ വൻ കുറവ്​. യുറോപ്പിൽ വീണ്ടും കോവിഡ്​ സംബന്ധിച്ച ആശങ്ക ഉയർന്നതോടെയാണ്​ എണ്ണവില കുറഞ്ഞത്​. ബ്രെന്‍റ്​ ക്രൂഡിന്‍റെ വില 6.95 ശതമാനം ഇടിഞ്ഞ്​ ബാരലിന്​ 78.89 ഡോളറിലെത്തി. 84.78 ഡോളറിൽ നിന്നാണ്​ വില10 ദിവസത്തിനുള്ളിൽ ഇത്രയും ഇടിഞ്ഞത്​. എന്നാൽ, കഴിഞ്ഞ 18 ദിവസമായി ഇന്ത്യയിൽ എണ്ണവിലയിൽ മാറ്റം വന്നിട്ടില്ല.

ഒക്​ടോബർ ഒന്നിന്​ ശേഷം ഇതാദ്യമായാണ്​ ബ്രെന്‍റ്​ ക്രൂഡോയിലിന്‍റെ വില 80 ഡോളറിന്​ താഴെയെത്തുന്നത്​. അന്താരാഷ്​ട്ര വിപണിയിൽ വില കുറഞ്ഞത്​ ഇന്ത്യയിലും പ്രതിഫലിക്കുമോയെന്നാണ്​ എല്ലാവരും ഉറ്റുനോക്കുന്നത്​.

നവംബർ നാലിന്​ ശേഷം ഇന്ത്യയിൽ എണ്ണവിലയിൽ മാറ്റം വന്നിട്ടില്ല. അന്ന്​​ കേന്ദ്രസർക്കാർ പെട്രോളി​േന്‍റയും ഡീസലി​േന്‍റയും നികുതി യഥാക്രമം അഞ്ച്​ രൂപയും 10 രൂപയും കുറച്ചിരുന്നു. രാജ്യ തലസ്ഥാനമായ ഡൽഹിയിൽ കഴിഞ്ഞ 18 ദിവസമായി പെട്രോൾ വില 103.97 രൂപയിലും ഡീസൽ 86.67 രൂപയിലും തുടരുകയാണ്​.

അതേസമയം, നേരത്തെ ഉൽപാദനം വെട്ടികുറച്ചതാണ്​ അന്താരാഷ്​ട്ര വിപണിയിൽ ​ എണ്ണവില ഉയരുന്നതിനിടയാക്കിയിരുന്നു​. എന്നാൽ, യുറോപ്പിലെ കോവിഡ്​ നിയന്ത്രണങ്ങൾ മൂലം ഇന്ധന ആവശ്യകതയിൽ കുറവുണ്ടായാൽ വരും ദിവസങ്ങളിലും വില കുറയാൻ തന്നെയാണ്​ സാധ്യത.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:crude oil
News Summary - Oil firms may cut fuel prices on low demand
Next Story