കോവിഡിന് ശേഷം ആദ്യമായി ഫാക്ടറികളുടെ പ്രവർത്തനം സാധാരണനിലയിലാക്കാനൊരുങ്ങി ഉത്തരകൊറിയ

സിയോൾ: കോവിഡ് മഹാമാരിക്ക് ശേഷം ഫാക്ടറികളുടെ പ്രവർത്തനം സാധാരണനിലയിലാക്കാനൊരുങ്ങി ഉത്തരകൊറിയ. ഈ വർഷത്തെ സമ്പദ്‍വ്യവസ്ഥയുടെ ലക്ഷ്യങ്ങൾ പൂർത്തികരിക്കുന്നതിനാണ് കേന്ദ്രസർക്കാർ നടപടി.

ഉത്തരകൊറിയയുടെ പാർലമെന്റായ പീപ്പിൾസ് അസംബ്ലിയിലാണ് ഇതുസംബന്ധിച്ച തീരുമാനമുണ്ടായത്. കടുത്ത സാമ്പത്തിക പ്രതിസന്ധിക്കിടെയാണ് ഉത്തരകൊറിയയുടെ നീക്കം. 2021ൽ തുടർച്ചയായ രണ്ടാം വർഷവും ഉത്തരകൊറിയയുടെ സമ്പദ്‍വ്യവസ്ഥക്ക് തിരിച്ചടിയേറ്റിരുന്നു.

പീപ്പിൾസ് അസംബ്ലിയുടെ യോഗത്തിൽ ഉത്തരകൊറിയൻ ഏകാധിപതി കിം ജോങ് ഉൻ പ​ങ്കെടുത്തില്ല. പകരം കിം ടോക് ഹുൻ യോഗത്തിൽ പ​ങ്കെടുത്തിരുന്നു. മെറ്റൽ ഫാക്ടറികൾ, ​ഇരുമ്പുരുക്കുശാലകൾ എന്നിവയുടെ പ്രവർത്തനം സാധാരണഗതിയിലാക്കാനാണ് ഉത്തരകൊറിയൻ സർക്കാറിന്റെ പദ്ധതി.