ശമ്പളവും പെൻഷനും ഇ.എം.ഐ അടക്കലും ആഗസ്റ്റ്​ ഒന്നുമുതൽ 'മാറും'; റിസർവ്​ ബാങ്ക്​ പുതിയ നിയമങ്ങൾ അറിയാം

മുംബൈ: ശമ്പളവും പെൻഷനും ലഭിക്കാൻ അടുത്ത പ്രവൃത്തിദിനം വരെ കാത്തിരിക്കേണ്ടിവരുന്ന പ്രയാസം ഒഴിവാകുന്നു. ആഴ്ചയിൽ ഏഴു ദിവസവും പ്രധാന ഇടപാടുകൾക്ക്​ അവസരമൊരുക്കി റിസർവ്​ ബാങ്ക്​ വരുത്തിയ മാറ്റങ്ങൾ ആഗസ്റ്റ്​ ഒന്നു മുതൽ നടപ്പാകുകയാണ്​. ദേശീയ ഓ​േട്ട​ാമേറ്റഡ്​ ക്ലിയറിങ്​ ഹൗസ്​ നിയമങ്ങളിലാണ്​ ഇതിനാവശ്യമായ മാറ്റങ്ങൾ വരുത്തിയിരിക്കുന്നത്​. അതുവഴി ഏതു ദിവസവും ശമ്പള, പെൻഷൻ ഇനത്തിൽ തുക ബാങ്കിലിടാൻ അവസരമൊരുങ്ങും. നേരത്തെ ബാങ്കുകൾ പ്രവർത്തിച്ച തിങ്കൾ മുതൽ വെള്ളി വരെ ദിവസങ്ങളിൽ മാത്രമായിരുന്നു ഇത്​ സൗകര്യപ്പെട്ടിരുന്നത്​. ദേശീയ പെയ്​മന്‍റ്​സ്​ കോർപറേഷനു കീഴിലെ മൊത്തം പണംനൽകൽ സംവിധാനമാണ്​ ദേശീയ ഓ​േട്ട​ാമേറ്റഡ്​ ക്ലിയറിങ്​ ഹൗസ്​. ലാഭവിഹിതം, പലിശ, ശമ്പളം, പെൻഷൻ തുടങ്ങി പണം ലഭ്യമാകുന്നവക്ക്​ പുറമെ പണമടക്കാനുള്ള വൈദ്യുതി ബില്ല്​, ഗ്യാസ്​, ടെലിഫോൺ, ജലം, അടവുകൾ എന്നിവക്കുള്ള തുകയും മറ്റും നൽകാൻ അവസരമൊരുക്കുന്നതും ദേശീയ ഓ​േട്ട​ാമേറ്റഡ്​ ക്ലിയറിങ്​ ഹൗസ്​ ആണ്​.

ഇതിൽ മാറ്റം വരുന്ന ആഗസ്റ്റ്​ ഒന്നുമുതൽ ഏതുദിവസവും ശമ്പളം നൽകൽ സൗകര്യപ്പെടും.

ഇതിനാവശ്യമായ നിർദേശങ്ങൾ വരുംദിവസങ്ങളിൽ ബന്ധപ്പെട്ട സ്​ഥാപനങ്ങൾക്ക്​ കൈമാറുമെന്ന്​ റിസർവ്​ ബാങ്ക്​ അറിയിച്ചു.