ഇന്ത്യൻ സമ്പദ്​വ്യവസ്ഥ പ്രതിസന്ധിയിൽ തന്നെയെന്ന്​ ഐ.എം.എഫ്​

ന്യൂഡൽഹി: ഇന്ത്യൻ സമ്പദ്​വ്യവസ്ഥയിൽ നിന്നും ആശങ്കയുടെ കാർമേഘങ്ങൾ ഇനിയും ഒഴിഞ്ഞ്​ പോയിട്ടില്ലെന്ന്​ ഐ.എം.എഫ്​. കോവിഡ്​ ആഘാതം സമ്പദ്​വ്യവസ്ഥയെ വി​ട്ടൊഴിഞ്ഞിട്ടില്ലെന്നാണ്​ ഐ.എം.എഫി​െൻറ ഏറ്റവും പുതിയ റിപ്പോർട്ടും വ്യക്​തമാക്കുന്നത്​. കോവിഡ്​ നിക്ഷേപത്തിലും മനുഷ്യവിഭവശേഷിയിലും ​നെഗറ്റീവ്​ വളർച്ചയുണ്ടാക്കിയെന്നും ഐ.എം.എഫ്​ പറയുന്നു.

അതിവേഗത്തിലുള്ള സ്വകാര്യവൽക്കരണം ഇന്ത്യക്ക്​ ആവശ്യമാണ്​. വരുമാനം വർധിപ്പിക്കാനുള്ള നടപടികളും വേണം. ചിലവുകൾ കാര്യക്ഷമമായി നടത്തികൊണ്ട്​ പോകണമെന്നും ഐ.എം.എഫ്​ കൂട്ടിചേർക്കുന്നു. തൊഴിൽ, ഭൂമി മേഖലകളിലെ പരിഷ്​കാരങ്ങൾ, അടിസ്ഥാന സൗകര്യ വികസനമേഖലയിലെ നിക്ഷേപം, ഭരണപുരോഗതി, ഉദാരവൽക്കരണം എന്നിവയെല്ലാം ഇന്ത്യയെ സംബന്ധിച്ചടുത്തോളം പ്രധാനപ്പെട്ടതാണ്​.

ഇത്തരം പരിഷ്​കാരങ്ങൾ കൊണ്ട്​ മാത്രമേ ഇന്ത്യക്ക്​ ദീർഘകാലത്തേക്ക്​ വളർച്ചയുണ്ടാക്കാനാവു. രാജ്യത്തെ പട്ടിണിയും അസമത്വവും ഇല്ലാതാക്കുന്നതിനുള്ള ഏക പോംവഴിയും ഇതാണെന്നും ഐ.എം.എഫ്​ അഭിപ്രായപ്പെടുന്നു. നേരത്തെ കോവിഡിനെ തുടർന്ന്​ ഇന്ത്യയുടെ വളർച്ചാനിരക്ക്​ ഐ.എം.എഫ്​ വലിയ രീതിയിൽ കുറച്ചിരുന്നു.