Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightFinancechevron_rightജി.എസ്​.ടി:...

ജി.എസ്​.ടി: സംസ്ഥാനങ്ങളുമായുള്ള തർക്കം പരിഹരിക്കാൻ പുതിയ ഫോർമുലയുമായി കേന്ദ്രം

text_fields
bookmark_border
ജി.എസ്​.ടി: സംസ്ഥാനങ്ങളുമായുള്ള തർക്കം പരിഹരിക്കാൻ പുതിയ ഫോർമുലയുമായി കേന്ദ്രം
cancel

ന്യൂഡൽഹി: സംസ്ഥാനങ്ങളുമായുള്ള ജി.എസ്​.ടി തർക്കം പരിഹരിക്കാൻ പുതിയ ഫോർമുലയുമായി കേന്ദ്രം. ജി.എസ്​.ടി കോംപൻസേഷനുമായി ബന്ധപ്പെട്ട തർക്കം പരിഹരിക്കാനാണ്​ പുതിയ നീക്കം. കോംപൻസേഷൻ തുക നൽകാനാവില്ലെന്ന്​ കേന്ദ്രം സംസ്ഥാനങ്ങളോട്​ അറിയിച്ചിരുന്നു. ഇത്​ പരിഹരിക്കാൻ സംസ്ഥാനങ്ങളുടെ കടമെടുക്കൽ പരിധി ഉയർത്തുകയാണ്​ കേന്ദ്രം ചെയ്​തത്​. ഇതല്ലാതെ മറ്റൊരു വഴി കൂടി കേന്ദ്രസർക്കാർ പരിഗണിക്കുന്നുവെന്നാണ്​ പുറത്ത്​ വരുന്ന റിപ്പോർട്ടുകൾ. കടമെടുപ്പി​െൻറ ഭാരം മുഴുവൻ സംസ്ഥാനങ്ങളുടെ തലയിൽ കെട്ടിവെക്കാതെ കേന്ദ്രവും അതിൽ പങ്കാളിയാവുകയെന്നതാണ്​ പുതിയ ഫോർമുല.

പ്രശ്​നം രമ്യമായി ചർച്ച ചെയ്​ത്​ പരിഹരിക്കാൻ മന്ത്രിതല സമിതിയെ രൂപീകരിക്കുകയാവും ആദ്യം ചെയ്യുക. ഈ സമിതിയിൽ പ്രശ്​നത്തിനുളള പോംവഴി ചർച്ച ചെയ്യും. കേരള ധനകാര്യ മന്ത്രി തോമസ്​ ഐസക്​ ഉൾപ്പടെയുള്ളവർ ഈ രീതിയിൽ പ്രശ്​നം പരിഹരിക്കണമെന്നാണ്​ ആവശ്യപ്പെടുന്നത്​. പഞ്ചാബും ഇതിനെ അനുകൂലിക്കുന്നുണ്ടെന്നാണ്​ റിപ്പോർട്ടുകൾ.

ഒക്​ടോബർ 12ന്​ ജി.എസ്​.ടിയുടെ മന്ത്രിതല സമിതി യോഗം ചേരുമെന്നാണ്​ സൂചന. കോംപൻസേഷൻ തുക നൽകാത്തത്​ മൂലമുണ്ടാകുന്ന നഷ്​ടം നികത്തുന്നതിൽ രണ്ട്​ മാർഗങ്ങളാണ്​ കേന്ദ്രസർക്കാർ സംസ്ഥാനങ്ങളുടെ മുമ്പാ​െക മുന്നോട്ട്​ വെച്ചത്​. പ്രതിപക്ഷ പാർട്ടികൾ ഭരിക്കുന്ന സംസ്ഥാനങ്ങൾക്ക്​ ഇത്​ രണ്ടും സ്വീകാര്യമായിരുന്നില്ല.

Show Full Article
TAGS:GST GST Counsil meet 
Web Title - GST Council may set up GoM on compensation shortfall
Next Story