സമ്പദ്​വ്യവസ്ഥയുടെ പുരോഗതിക്ക്​ സ്വകാര്യമേഖലയെ പിന്തുണക്കണമെന്ന്​ മോദി

ന്യൂഡൽഹി: സമ്പദ്​വ്യവസ്ഥയുടെ പുരോഗതിക്ക്​ സ്വകാര്യമേഖലയെ പിന്തുണക്കണമെന്ന്​ പ്രധാനമന്ത്രി നരേന്ദ്ര മോദി. നീതി ആയോഗിന്‍റെ ആറാമത്​ യോഗത്തിൽ പ​ങ്കെടുത്ത്​ സംസാരിക്കുകയായിരുന്നു മോദി. കോവിഡിനെ തുടർന്നുണ്ടായ പ്രതിസന്ധി മറികടക്കാൻ കേന്ദ്രസർക്കാറും സംസ്ഥാനങ്ങളും ഒരുമിച്ച്​ നിൽക്കണം. കേന്ദ്രവും സംസ്ഥാന സർക്കാറുകളും ഒരുപോലെ സ്വകാര്യ മേഖലയെ പിന്തുണക്കണമെന്നും മോദി ആവശ്യപ്പെട്ടു.

ആത്​മനിർഭർ ഭാരത്​ പദ്ധതിയുടെ ഭാഗമാകാൻ സ്വകാര്യമേഖലക്ക്​ സർക്കാർ അവസരം നൽകണം. കോവിഡ്​ കാലയളവിൽ കേന്ദ്രവും സംസ്ഥാനങ്ങളും ഒരുമിച്ച്​ പ്രവർത്തിച്ചു. ഇത്​ ആഗോളതലത്തിൽ ഇന്ത്യയുടെ പ്രതിഛായ ഉയരുന്നതിന്​ കാരണമായെന്നും മോദി പറഞ്ഞു.

അതേസമയം, നീതി ആയോഗ്​ യോഗത്തിൽ പഞ്ചാബ്​ മുഖ്യമന്ത്രി അമരീന്ദർ സിങ്ങി​േന്‍റയും പശ്​ചിമബംഗാൾ മുഖ്യമന്ത്രി മമത ബാനർജിയുടേയും അസാന്നിധ്യം ശ്രദ്ധേയമായി​. നീതി ആയോഗ്​ സംസ്ഥാന സർക്കാറുകളുടെ പദ്ധതികളെ പിന്തുണക്കുന്നില്ലെന്ന്​ ആരോപിച്ചാണ്​ മമത വിട്ടുനിന്നത്​.