Begin typing your search above and press return to search.
exit_to_app
exit_to_app
Homechevron_rightBusinesschevron_rightFinancechevron_right...

ബി.എസ്​.എൻ.എല്ലി​േന്‍റയും എം.ടി.എൻ.എല്ലി​േന്‍റയും 1100 കോടിയുടെ ആസ്​തികൾ വിൽപനക്കുവെച്ച്​ കേന്ദ്രസർക്കാർ

text_fields
bookmark_border
ബി.എസ്​.എൻ.എല്ലി​േന്‍റയും എം.ടി.എൻ.എല്ലി​േന്‍റയും 1100 കോടിയുടെ ആസ്​തികൾ വിൽപനക്കുവെച്ച്​ കേന്ദ്രസർക്കാർ
cancel

ന്യൂഡൽഹി: ബി.എസ്​.എൽ.എല്ലി​േന്‍റയും എം.ടി.എൻ.എല്ലി​േന്‍റയും റിയൽഎസ്​റ്റേറ്റ്​ ആസ്​തികൾ വിൽപനക്കുവെച്ച്​ കേന്ദ്രം. 1100 കോടി രൂപയാണ്​ ഇതിന്​ തറവില നിശ്​ചയിച്ചിരിക്കുന്നത്​. ഡിപ്പാർട്ട്​മെന്‍റ്​ ഓഫ്​ ഇൻവെസ്റ്റ്​മെന്‍റ്​ ആൻഡ്​ പബ്ലിക്​ അസറ്റ്​ മാനേജ്​മെന്‍റ്​ ​വെബ്​സൈറ്റിൽ അപ്​ലോഡ്​ ചെയ്​ത രേഖകളിലാണ്​ വിൽപനയെ കുറിച്ചുള്ള വിവരങ്ങളുള്ളത്​.

ബി.എസ്​.എൻ.എല്ലിന്‍റെ ഹൈദരാബാദ്​, ചണ്ഡിഗഢ്​, ഭാവ്​നഗർ, കൊൽക്കത്ത തുടങ്ങിയ സ്ഥലങ്ങളിലെ 800 കോടി വിലമതിക്കുന്ന റിയൽ എസ്​റ്റേറ്റ്​ ആസ്​തിയാണ്​ വിൽപനക്ക്​ വെച്ചത്​. എം.ടി.എൻ.എല്ലി​ന്‍റെ മുംബൈയിലെ സ്ഥലവും ഒഷിവാരയിലെ 20 ഫ്ലാറ്റുകളും വിൽപനക്ക്​ വെച്ചു.

52.26 ലക്ഷം മുതൽ 1.59 കോടി വരെയാണ്​ ഫ്ലാറ്റുകൾക്ക്​ വില നി​ശ്​ചയിച്ചിരിക്കുന്നത്​. ഒരു ബെഡ്​ റൂം യൂണിറ്റുകൾ മുതൽ രണ്ട്​ ബെഡ്​റൂം ഫ്ലാറ്റുകൾ വരെ ഇക്കൂട്ടത്തിലുണ്ട്​. എം.ടി.എൻ.എൽ ആസ്​തികളുടെ വിൽപനക്കായുള്ള ഇ-ലേലം ഡിസംബർ 14ന്​ നടക്കും.

2019ൽ ബി.എസ്​.എൻ.എല്ലി​േന്‍റയും എം.ടി.എൻ.എല്ലി​േന്‍റയും പുനഃരുദ്ധാരണത്തിനായി കേന്ദ്രസർക്കാർ 69,000 കോടിയുടെ പദ്ധതിക്ക്​ അംഗീകാരം നൽകിയിരുന്നു. 2022നകം ഇരു കമ്പനികളുടേയും 37,500 കോടിയുടെ ആസ്​തികൾ വിൽപനക്ക്​ വെക്കാനാണ്​ സർക്കാർ പദ്ധതി.

Show Full Article
TAGS:bsnl MTNL 
News Summary - Government puts on sale MTNL, BSNL assets worth about Rs 1,100 crore
Next Story