വാക്​സിനെടുത്തവരുടെ നിക്ഷേപങ്ങൾക്ക്​ അധിക പലിശ; വാക്​സിനേഷൻ പ്രോൽസാഹിപ്പിക്കാൻ ബാങ്കുകൾ

ന്യൂഡൽഹി: രാജ്യത്തെ വാക്​സിനേഷൻ പ്രോൽസാഹിപ്പിക്കാൻ പദ്ധതിയുമായി പൊതുമേഖല ബാങ്കുകൾ. വാക്​സിൻ എടുത്തവരുടെ സ്ഥിരനിക്ഷേപകങ്ങൾക്ക്​ അധിക പലിശ നൽകുന്നതാണ്​ പദ്ധതി. യൂക്കോ ബാങ്ക്​, സെൻട്രൽ ബാങ്ക്​ എന്നിവയാണ്​ അധിക പലിശ നൽകുക.

വാക്​സി​െൻറ ഒരു ഡോസെങ്കിലും എടുത്തവർക്ക്​ 0.30 ശതമാനം അധിക പലിശയാണ്​ യൂക്കോ ബാങ്ക്​ നൽകുക. 999 ദിവസക്കാലയളവിലെ നിക്ഷേപകങ്ങൾക്കാണ്​ നിരക്ക്​ ബാധകം. സെൻട്രൽ ബാങ്ക്​ കാൽ ശതമാനം പലിശയാണ്​ അധികമായി നൽകുക.

ഇമ്യൂൺ ഇ​ന്ത്യ ഡെപ്പോസിറ്റ്​ സ്​കീം എന്ന പേരിലാണ്​ സെ​ൻട്രൽ ബാങ്ക്​ പദ്ധതി അവതരിപ്പിച്ചിരിക്കുന്നത്​. 1,111 ദിവസമാണ്​ നിക്ഷേപത്തി​െൻറ കാലാവധി. പുതിയ നിക്ഷേപകർക്കാണ്​ ആനുകൂല്യം ലഭിക്കുക. വരും ദിവസങ്ങളിൽ കൂടുതൽ ബാങ്കുകൾ ഇത്തരം നിക്ഷേപപദ്ധതികളുമായി രംഗത്തെത്തുമെന്നാണ്​ പ്രതീക്ഷ.