​കോവിഡ്​ രണ്ടാം തരംഗം: ചൈനയിൽ നിന്നുള്ള ഇറക്കുമതിയിൽ വൻ വർധന

ന്യൂഡൽഹി: കോവിഡ്​ രണ്ടാം തരംഗമുണ്ടായതോടെ ചൈനയിൽ നിന്നും ഇന്ത്യയിലേക്കുള്ള ഇറക്കുമതിയിൽ വൻ വർധനയുണ്ടായ​തായി റിപ്പോർട്ട്​. മെഡിക്കൽ ഉപകരണങ്ങളുടേയും മരുന്നുകളുടെയും ഇറക്കുമതിയാണ്​ കൂടിയത്​. ചൈനീസ്​ കമ്പനികൾക്ക്​ ഇന്ത്യൻ കമ്പനികൾ വലിയ ഓർഡുകൾ നൽകിയതി​​െൻറ വിവരങ്ങളും പുറത്ത്​ വന്നു.

40000 ​ഓക്​സിജൻ കോൺസൻട്രേറ്ററുകളുടെ ഓർഡറാണ്​ ഇന്ത്യയിൽ നിന്നും ചൈനീസ്​ കമ്പനികൾക്ക്​ ലഭിച്ചത്​. അതിൽ 21,000 കോൺസൻട്രേറ്ററുകൾ വിതരണം ചെയ്​തു. ബാക്കി വൈകാതെ തന്നെ വിതരണം ചെയ്യുമെന്നാണ്​ ചൈനീസ്​ കമ്പനികൾ അറിയിക്കുന്നത്​.

ഇതിന്​ പുറമേ 5000 വെൻറിലേറ്റുകൾക്കും 21 മില്യൺ ഫേസ്​മാസ്​കുകൾക്കും ഓർഡർ ലഭിച്ചിട്ടുണ്ട്​. 3800 ടൺ മരുന്നുകളാണ്​ ചൈനയിൽ നിന്നും ഇറക്കുമതി ചെയ്യുക. ഇന്ത്യയിൽ നിന്നുള്ള ഓർഡറുകൾ വർധിച്ചതോടെ വൻ വരുമാന വർധനയാണ്​ ചൈനയിലെ പല കമ്പനികൾക്കും ഉണ്ടാകുന്നത്​.