സ്വാതന്ത്ര്യാനന്തരം ഇന്ത്യ ​നേരിടുന്ന ഏറ്റവും വലിയ പ്രതിസന്ധിയാണ്​ കോവിഡെന്ന്​ രഘുറാം രാജൻ

ന്യൂഡൽഹി: സ്വതാന്ത്ര്യാനന്തരം ഇന്ത്യ നേരിടുന്ന വലിയ പ്രതിസന്ധികളിലൊന്നായിരിക്കാം കോവിഡെന്ന്​ റിസർവ്​ ബാങ്ക്​ മുൻ ഗവർണർ രഘുറാം രാജൻ. യുനിവേഴ്​സിറ്റി ഓഫ്​ ചിക്കാഗോ സംഘടിപ്പിച്ച ഓൺലൈൻ പരിപാടിയിൽ സംസാരിക്കുകയായിരുന്നു അദ്ദേഹം. എം.എസ്​.എം.ഇ സെക്​ടറിന്​ പ്രത്യേക ശ്രദ്ധ കൊടുക്കണമെന്നും അദ്ദേഹം പറഞ്ഞു.

കോവിഡി​െൻറ ഒന്നാം തരംഗമുണ്ടായപ്പോൾ പ്രതിസന്ധി പ്രധാനമായും സമ്പദ്​വ്യവസ്ഥയിലായിരുന്നു. ഇപ്പോൾ സാമ്പത്തികമായ പ്രതിസന്ധിക്കൊപ്പം സാമൂഹികമായ പ്രശ്​നങ്ങളുമുണ്ട്​. പല കാരണങ്ങൾ കൊണ്ടും കോവിഡ്​ പ്രതിരോധത്തിൽ സർക്കാറി​െൻറ കൃത്യമായ ഇടപെടൽ ഉണ്ടാകുന്നില്ലെന്നും അദ്ദേഹം പറഞ്ഞു.

കോവിഡ്​ കാലം കടന്നു പോകും. പക്ഷേ സർക്കാർ പരാജയപ്പെട്ട സന്ദർഭങ്ങൾ മനസിലാക്കാൻ നമുക്ക്​ കഴിഞ്ഞു. മനുഷ്യരെല്ലാവരും പരസ്​പരം ബന്ധപ്പെട്ട്​ കിടക്കുന്നുവെന്ന്​ മനസിലാക്കാൻ കോവിഡ്​ കാലം സഹായിച്ചിട്ടുണ്ടെന്നും രഘുറാം രാജൻ കൂട്ടിച്ചേർത്തു.