Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightFinancechevron_rightസ്വർണ, വാഹന ലേലം...

സ്വർണ, വാഹന ലേലം വർധിക്കും; കിട്ടാകടം തിരിച്ചു പിടിക്കാനുള്ള നടപടികൾ തുടങ്ങി ബാങ്കുകൾ

text_fields
bookmark_border
സ്വർണ, വാഹന ലേലം വർധിക്കും; കിട്ടാകടം തിരിച്ചു പിടിക്കാനുള്ള നടപടികൾ തുടങ്ങി ബാങ്കുകൾ
cancel

ന്യൂഡൽഹി: രാജ്യത്ത്​ വരും മാസങ്ങളിൽ സ്വർണം, വാഹനങ്ങൾ എന്നിവയുടെ ലേലം വർധിക്കുമെന്ന്​ സൂചന. ബാങ്കുകൾ കിട്ടാകടം തിരികെ പിടിക്കുന്നതിനുള്ള നടപടികൾക്ക്​ തുടക്കം കുറിക്കുന്നതാണ്​ ലേലം വർധിക്കാനുള്ള പ്രധാനകാരണം. കോവിഡ്​ രണ്ടാം തരംഗത്തെ തുടർന്ന്​ പല ബാങ്കുകളും ലേല നടപടികളിൽ നിന്ന്​ താൽക്കാലികമായി പിന്മാറിയിരുന്നു. എന്നാൽ, രാജ്യത്ത്​ കോവിഡ്​ രോഗികളുടെ എണ്ണം കുറയുന്നതോടെ ബാങ്കുകൾ വീണ്ടും ലേലനടപടികളിലേക്ക്​ കടക്കാനുള്ള ഒരുക്കത്തിലാണ്​.

സാധാരണയുള്ള ലേലനടപടികൾ താൽക്കാലികമായി നീട്ടിവെച്ചിരുന്നു. ഇത്​ പുനഃരാരംഭിക്കാനുള്ള ശ്രമങ്ങൾ ആരംഭിച്ചുവെന്ന്​ എച്ച്​.ഡി.ബി ഫിനാൻഷ്യൽ സർവീസ്​ എം.ഡി & സി.ഇ.ഒ രമേഷ്​ പറഞ്ഞു. എച്ച്​.ഡി.എഫ്​.സി ബാങ്കിലെ അനലിസ്റ്റ്​ കൂടിയാണ്​ അദ്ദേഹം. കോവിഡ്​ കാരണം ഏപ്രിൽ, മെയ്​, ജൂൺ മാസങ്ങളിൽ ലേല നോട്ടീസുകൾ കാര്യമായി നൽകിയിരുന്നില്ല. ഇനി അതിനുള്ള നടപടികൾ സ്വീകരിക്കുമെന്ന്​ ഐ.സി.ഐ.സി.ഐ ബാങ്ക്​ ഫിനാൻഷ്യൽ ഓഫീസർ രാകേഷ്​ ജായും പ്രതികരിച്ചിട്ടുണ്ട്​.

ആർ.ബി.ഐയുടെ കണക്കനുസരിച്ച്​ സ്വർണപണയ വായ്​പയായി മാത്രം ബാങ്കുകൾ 62,221 കോടി നൽകിയിട്ടുണ്ട്​. കഴിഞ്ഞ വർഷവുമായി താരതമ്യം ചെയ്യു​േമ്പാൾ വലിയ വർധനയാണ്​ സ്വർണപണയ വായ്​പയിലുണ്ടായത്​. സാമ്പത്തിക വർഷത്തിന്‍റെ ആദ്യപാദത്തിൽ വായ്​പകളിൽ 2.5 ശതമാനം വർധനയാണ​ുണ്ടായത്​​. വാഹനവായ്​പകളിൽ കഴിഞ്ഞ വർഷവുമായി താരതമ്യം ചെയ്യു​േമ്പാൾ 11 ശതമാനത്തിന്‍റെ വർധനയും ഉണ്ടായി​.

വാഹനവായ്​പകൾ തിരിച്ചടക്കാത്ത പ്രവണതയുണ്ടാവുന്നുണ്ടെന്ന്​ ബജാജ്​ ഫിൻസെർവും പ്രതികരിച്ചു. മുചക്രവാഹനങ്ങളുടെ വായ്​പ തിരിച്ചടവാണ്​ മുടങ്ങിയത്​. ഈയൊരു സാഹചര്യത്തിൽ വായ്​പകൾ തിരിച്ചു പിടിക്കാനുള്ള നടപടികളുമായി മുന്നോട്ട്​ പോകുമെന്ന്​ കമ്പനി അറിയിച്ചു​. ബാങ്കുകൾക്കൊപ്പം ബാങ്കിങ്ങിതര ധനകാര്യ സ്ഥാപനങ്ങളിലും ഇത്തരത്തിൽ കിട്ടാക്കടം വർധിക്കുന്നുവെന്നാണ്​ റിപ്പോർട്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:banksjewelleryauction
News Summary - Banks’ jewellery, auto auctions to rise
Next Story