വിലക്കയറ്റം രൂക്ഷം; പണപ്പെരുപ്പത്തിൽ വൻ വർധന

ന്യൂഡൽഹി: രാജ്യത്തെ മൊത്തവില സൂചികയെ അടിസ്ഥാനമാക്കിയുള്ള പണപ്പെരുപ്പത്തിൽ വൻ വർധനവ്​. 12 വർഷത്തിനിടയിലെ ഏറ്റവും ഉയർന്ന നിരക്കിലാണ്​ പണപ്പെരുപ്പം. 14.23 ശതമാനമായാണ്​ പണപ്പെരുപ്പം വർധിച്ചത്​. കഴിഞ്ഞ എട്ട്​ മാസമായി ഇരട്ടയക്കത്തിലാണ്​ മൊത്തവിലയെ അടിസ്ഥാനമാക്കിയുള്ള പണപ്പെരുപ്പം.

മിനറൽ ഓയിൽ, ബേസിക്​ മെറ്റ്​, ക്രൂഡ്​ പെട്രോളിയം, പ്രകൃതിവാതകം, രാസവസ്​തുക്കൾ, ഭക്ഷ്യവസ്​തുക്കൾ എന്നിവയുടെ വില ഉയർന്നതാണ്​ പണപ്പെരുപ്പം വർധിക്കുന്നതിലേക്ക്​ നയിച്ചതെന്ന്​ വാണിജ്യമന്ത്രാലയം അറിയിച്ചു.

നവംബറിൽ റീടെയിൽ പണപ്പെരുപ്പവും ഉയർന്നിരുന്നു. 4.91 ശതമാനമായാണ്​ റീടെയിൽ പണപ്പെരുപ്പം വർധിച്ചത്​.