Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightFinancechevron_rightഇന്ത്യൻ...

ഇന്ത്യൻ സമ്പദ്​വ്യവസ്ഥയുടെ കഷ്​ടകാലം കഴിഞ്ഞുവെന്ന്​ വ്യവസായ പ്രമുഖർ

text_fields
bookmark_border
ഇന്ത്യൻ സമ്പദ്​വ്യവസ്ഥയുടെ കഷ്​ടകാലം കഴിഞ്ഞുവെന്ന്​ വ്യവസായ പ്രമുഖർ
cancel

മുംബൈ: ഇന്ത്യൻ സമ്പദ്​വ്യവസ്ഥയുടെ കഷ്​ടകാലം കഴിഞ്ഞുവെന്ന അഭിപ്രായവുമായി വ്യവസായ പ്രമുഖർ. പ്രധാന സെക്​ടറുകളിലെല്ലാം മാറ്റം പ്രകടമാണ്​. സ്ഥൂല സാമ്പത്തിക ശാസ്​ത്രത്തിലെ കണക്കുകൾ ഇതിന്​ ഊർജം പകരുന്നതാണ്​. ഗ്രാമീണ-നഗര മേഖലകൾ വളർച്ചയുടെ പാതയിലാണെന്നും വ്യവസായ പ്രമുഖർ വ്യക്​ തമാക്കി.

രാജ്യത്തെ സ്ഥൂലസാമ്പത്തിക രംഗവുമായി ബന്ധപ്പെട്ട കണക്കുകൾ ആത്​മവിശ്വാസം പകരുന്നതാണ്​. കഴിഞ്ഞ മാസം സ്ഥിതി ഒരുപാട്​ മെച്ചപ്പെട്ടു. ഉത്സവസീസൺ വരുന്നതോടെ ഇനിയും വളർച്ചയുണ്ടാകുമെന്ന്​ ആക്​സിസ്​ ബാങ്ക്​ എം.ഡി അമിതാഭ്​ ചൗധരി പറഞ്ഞു. ഉത്സവസീസണിൽ വലിയ മുന്നേറ്റമുണ്ടാക്കാൻ സമ്പദ്​വ്യവസ്ഥക്ക്​ കഴിയുമെന്ന്​ എസ്​.ബി.ഐ ചെയർമാൻ രജനീഷ്​ കുമാറും പ്രത്യാശ പ്രകടിപ്പിച്ചു.

ചില മേഖലകളിൽ ഇരുചക്രവാഹനങ്ങളുടെ ഡിമാൻഡ്​ വർധിച്ചിട്ടുണ്ടെന്ന്​ ഹീറോ മോ​ട്ടോ കോർപ്പ്​ ചെയർമാൻ പവൻ മുഞ്ചാൽ പറഞ്ഞു. ഗ്രാമീണ മേഖലയിലും ഇടത്തരം നഗരങ്ങളിലുമാണ്​ വിൽപന കൂടിയത്​. വാഹനങ്ങളിൽ തുടങ്ങി എഫ്​.എം.സി.ജി വരെയുള്ളവയുടെ വിൽപന കൂടിയെന്ന്​ ടി.വി.എസ്​ ചെയർമാൻ വേണു ശ്രിനിവാസൻ പറഞ്ഞു. ഗ്രാമീണ മേഖലയുടെ വളർച്ചയുടെ കരുത്തിൽ നഗരമേഖലയുടെ നഷ്​ടം നികത്തുമെന്ന്​ ഗോദ്​റേജ്​ ഗ്രൂപ്പ്​ ചെയർമാൻ അദി ഗോദറേജ്​ പറഞ്ഞു. ആഗസ്​റ്റുമായി താരതമ്യം ചെയ്യു​േമ്പാൾ സെപ്​റ്റംബറിൽ സാമ്പത്തിക സ്ഥിതി മെച്ചപ്പെട്ടിട്ടുണ്ട്​. ഉൽപാദനം പഴയ സ്ഥിതിയിലേക്ക്​ എത്തിയിട്ടുണ്ടെന്നും ടാറ്റ സ്​റ്റീൽ സി.ഇ.ഒ ടി.വി നരേന്ദ്രൻ പറഞ്ഞു.

സമ്പദ്​വ്യവസ്ഥയുടെ രണ്ടാം പാദത്തിൽ ജി.ഡി.പി ഉയരുമെന്നാണ്​ പ്രതീക്ഷയെന്ന്​ ഫിക്കി പ്രസിഡൻറ്​ സംഗീത റെഡ്​ഡി പറഞ്ഞു. ഡിമാൻഡ്​ കുറയുന്നതാണ്​ നിലവിലെ ​പ്രശ്​നങ്ങൾക്ക്​ കാരണമെന്നും അവർ വ്യക്​തമാക്കി.

Show Full Article
TAGS:indian economy narendra modi 
Web Title - A vote of confidence from India Inc: Industry captains say worst is over for the economy
Next Story