കരുതലും സ്​നേഹവുമാണ്​ യു.എ.ഇ

2008ലെ സാമ്പത്തിക ഞെരുക്കവും കോവിഡ്​ മഹാമാരിയും മറികടന്ന യു.എ.ഇ ലോകത്തി​െൻറ സാമ്പത്തിക തലസ്​ഥാനമെന്ന ഖ്യാതി നിലനിർത്തും. പുതിയ ബിസിനസ്​ സംരഭങ്ങൾക്കും വളരാനുള്ള വെള്ളവും വളവും ഇവിടെനിന്ന്​ ലഭിക്കും. മനസു ശരീരവും സമർപ്പിച്ച്​ മുന്നോട്ടുപോയാൽ പുതുതായി കടന്നുവരുന്നവർക്കും നേട്ടങ്ങളിലേക്ക്​ കുതിക്കാനാവും എന്നതാണ്​ ഭാവി തലമുറക്ക്​ നൽകാനുള്ള അനുഭവ പാഠം

ബഷീർ എന്ന അറബി പദത്തിന്​ സന്തോഷവാർത്ത അറിയിക്കുന്നവൻ എന്നാണ്​ അർത്ഥം. മലയാളിക്ക്​ സന്തോഷം പകർന്ന അനേകം വിജയകഥകളുടെ ശിൽപിയാണ്​ കെ.പി ബഷീർ എന്ന പ്രവാസി വ്യവസായി. തൊട്ടതെല്ലാം പൊന്നാക്കിയ, മൂല്യങ്ങളിൽ വിട്ടുവീഴ്​ച ചെയ്യാതെ മുന്നേറിയ ഇദ്ദേഹത്തി​െൻറ ബിസിനസ്​ ജീവിതത്തിന്​ മൂന്നര പതിറ്റാണ്ടി​െൻറ മാറ്റുണ്ട്​. യു.എ.ഇ എന്ന ലോകത്തി​െൻറ സാമ്പത്തിക തലസ്​ഥാനം അതി​െൻറ കുതിച്ചുചാട്ടം വേഗത്തിലാക്കിയ 80കളുടെ അവസാനത്തിലാണ്​ കെ.പി ബഷീർ ഇമാറാത്തി​െൻറ മണ്ണിനെ പ്രണയിച്ചുതുടങ്ങിയത്​. ഇവിടുത്തെ അവസരങ്ങളുടെ വൈപുല്യവും ഭരണകർത്താക്കളുടെ ആകാശത്തോളം വിശാലമായ തുറന്ന മനസും ചേർന്നപ്പോൾ ചെറിയ ലക്ഷ്യങ്ങളുമായി പ്രവാസമാരംഭിച്ച ഇദ്ദേഹത്തിന്​ വളരാനുള്ള പടവുകൾ ഒരുക്കപ്പെടുകയായിരുന്നു.

കേരളത്തിലെ സാധാരണ അന്തരീക്ഷത്തിൽ നിന്നാണ്​ മരുഭൂമിയിലെ ചുട്ടുപൊള്ളുന്ന ജീവതയാഥാർത്ഥ്യങ്ങളിലേക്ക്​ യാത്രയാരംഭിക്കുന്നത്​. വടക്കൻ വീരഗാഥകളുടെ ചരിത്രമുറങ്ങുന്ന കടത്തനാടി​െൻറ ആസ്​ഥാനമായ വടകരക്കടുത്ത്​ കുരിക്കിലാടി​െൻറ ഗ്രാമീണതയിൽ നിന്ന്​ പകർന്നുലഭിച്ച നന്മകളായിരുന്നു കൂട്ടിന്​. കുന്നോളം സമ്പാദിക്കാനുള്ള മോഹത്തോടയല്ല പുറപ്പെട്ടത്​. ചെറിയ ലക്ഷ്യങ്ങളുമായി ആദ്യം പറന്നിറങ്ങിയത്​ ബഹ്​റൈനിലായിരുന്നു. ഗിഫ്​റ്റ്​ പാലസ്​ എന്നൊരു കടയുമായാണ്​ തുടക്കം. സാധനങ്ങൾ വാങ്ങാൻ അക്കാലം മുതൽ യു.എ.ഇയിലേക്ക്​ വരാറുണ്ട്​. സ്വാതന്ത്രത്തി​െൻറയും ആശ്വാസത്തി​െൻറയും ഗന്ധമാണ്​ ഇവിടുത്തെ മണ്ണിനെന്ന്​ മനസിലായത്​ അന്നാണ്​.

പിന്നീട്​ ഇവിടം വിട്ടുപോയില്ല. യു.എ.ഇയുടെ മണ്ണ്​ നൽകുന്ന പിന്തുണയും കരുതലും എല്ലായിടത്തും ലഭിക്കില്ലെന്ന്​ തിരിച്ചറിഞ്ഞു. അങ്ങനെ യു.എ.ഇയെ ഇടനെഞ്ചിലെ ജീവതാളത്തോടൊപ്പം ചേർത്ത്​ കെ.പി ബഷീർ പടവുകൾ കയറി. ഇന്നത്​ ലോകത്തി​െൻറ ഉത്തുംഗതയിലെത്തി എന്ന്​ പറഞ്ഞാൽ അദ്ദേഹമത്​ വിനയപൂർവ്വം നിരസിക്കുമെങ്കിലും, സത്യമതാണ്​. ഇന്ത്യക്കാരായ പശ്​ചിമേഷ്യയിലെ പ്രധാനപ്പെട്ട ബിസിനസ്​ രാജാക്കന്മാരുടെ ഫോബ്​സ്​ പട്ടികയിൽ ആദ്യപേരുകാരിൽ അദ്ദേഹമുണ്ട്​. ദിനംദിനം വികസിക്കുന്ന നെസ്​റ്റോ റീ​​ട്ടെയ്​ൽ ഹൈപ്പർ മാർക്കറ്റ്​ ശൃംഖലയും വൈവിധ്യമാർന്ന നിരവധി ബ്രാൻഡുകളുടെ വളർച്ചയും ഒരോ നിമിഷത്തിലും മുന്നേറുക തന്നെയാണ്​.

പ്രചോദനമായത്​ പ്രിയ പിതാവ്​​

നീണ്ട ജീവിതയാത്രയിൽ ഗുരുവായും രക്ഷിതാവായും പ്രചോദനം നൽകിയ ആരെങ്കിലുമുണ്ടെങ്കിൽ കെ.പി ബഷീറിന്​ അത്​ സ്വന്തം പിതാവ്​ മൂസ ഹാജിയാണ്​. പിതാവി​െൻറ കടയിൽ ചെറുപ്പകാലത്ത്​ പ്രവർത്തിച്ചതിലൂടെയാണ്​ ബിസിനസിലെ ആദ്യപാഠങ്ങൾ അറിഞ്ഞത്​. പ്രവാസത്തി​െൻറ തുടക്കകാലത്ത്​ എപ്പോഴും ബാധ്യതകൾ ബാക്കിയാക്കരുതെന്നും കടങ്ങൾ വരുത്തിവെക്കരുതെന്നും ഉപദേശിക്കുമായിരുന്നു.

മൂല്യവത്തായ കച്ചവട ജീവിതത്തിലേക്ക് അറിവും നിർദേശങ്ങളും നൽകുക മാത്രമല്ല, മകൻ അത്​ പാലിക്കുന്നുണ്ടോയെന്ന്​ മറ്റുള്ളവരിലൂടെ അറിയാൻ ശ്രമിക്കുകയും ചെയ്യുമായിരുന്നു. പിതാവി​െൻറ മരണശേഷവും ബിസിനസ്​ ജീവിതത്തിൽ ആ ഉപദേശങ്ങളിൽ അടിയുറച്ച്​ തന്നെയാണ്​ പ്രവർത്തിച്ചിട്ടുള്ളത്​. മാതാവ്​ കുഞ്ഞാമിയും സഹോദരങ്ങളുമെല്ലാം പലരൂപത്തിൽ സ്നേഹമായും സഹായികളായും കൂടെ നിന്നിട്ടുണ്ട്​.

കരുത്തായത്​ ഇമാറാത്ത്

പ്രിയപ്പെട്ടവർ പകർന്നുനൽകിയ നന്മക്കൊപ്പം യു.എ.ഇ എന്ന നാട്​ നൽകിയ സ്വാതന്ത്രവും ആത്മവിശ്വാസം ചേർന്ന​പ്പോഴാണ്​ വിജയത്തി​െൻറ ഉന്നതശൈലങ്ങൾ കീഴടക്കാൻ സാധിച്ചത്​. 1986 മുതലാണ്​ ദുബൈയിൽ സ്​ഥിരമായി വന്നുതുടങ്ങിയത്​. ബഹ്​റൈനിലെ ബിസിനസിനായി ഉൽപന്നങ്ങൾ വാങ്ങാനായിരുന്നു അന്നത്തെ യാത്രകൾ. ലോകത്തെ വിവിധ ഭാഗങ്ങളിൽ നിന്നെത്തുന്ന കച്ചവടക്കാർ ഒരുമിച്ചു ചേരുന്ന സ്​ഥലമെന്ന ഖ്യാതിയും ബിസിനസിലെ എളുപ്പങ്ങളും യു.എ.ഇയിലേക്ക്​ ആകർഷിക്കുന്ന ഘടകങ്ങളായിരുന്നു. ഇമാറാത്തി​െൻറ ശിൽപികളായ ശൈഖ്​ സായിദും ശൈഖ്​ റാശിദും അടക്കമുള്ള ഉജ്വലരായ നേതാക്കൾ വമ്പിച്ച രീതിയിൽ ബിസിനസ്​ വളർച്ചക്ക്​ അനുയോജ്യമായ അന്തരീക്ഷം സൃഷ്​ടിച്ചിരുന്നു. ലൈസൻസ്​ അടക്കമുള്ള രേഖകൾ ലഭിക്കാനു മറ്റും വളരെ എളുപ്പം നടപടിക്രമങ്ങളാണ്​ ഇവിടെയുള്ളത്​. ​ 1997ലാണ്​ കെ.പി ബഷീർ ത​െൻറ ഏറ്റവും ആദ്യത്തെ ബ്രാൻഡായ 'ജീപാസി'ന്​ ദുബൈയിൽ തുടക്കമിടുന്നത്​.

പുതിയ തുടക്കത്തിന്​ ഇമാറാത്തി​െൻറ മണ്ണ്​ തിരഞ്ഞെടുത്ത്​ ഇവിടെ ലഭിക്കുന്ന സ്വാതന്ത്രവും കരുതലും മനസിലാക്കി തന്നെയാണ്​. സ്വദേശിയെന്നോ വിദേശിയെന്നോ വ്യത്യസമില്ലാതെ ആർക്കും വളരാനുള്ള അവസരം ഈ നാട്​ തുറന്നിടുന്നുണ്ട്​. വിവിധ രാജ്യങ്ങളിലേക്ക്​ കയറ്റുമതി ചെയ്യാനും ഇറക്കുമതി സൗകര്യപ്രദമായതുമെല്ലാം ഇവിടുത്തെ സൗകര്യങ്ങളാണ്​. ജീപാസി​െൻറ പിറവിയുടെ കാലത്ത്​ ധാരാളം ബ്രാൻഡുകൾ വിപണിയിൽ സജീവമായിരുന്നു. കടുത്ത മൽസരമുള്ള വിപണിയിൽ സ്വന്തം മേൽവിലാസം നേടിയത്​ കഠിനമായ പരിശ്രമത്തിലൂടെയും ദൈവസഹായത്താലുമാണെന്ന്​ അദ്ദേഹം പറയുന്നു. നല്ല ഉൽപന്നം, കുറഞ്ഞ വിലയിൽ, മികച്ച സർവീസ്​ ഉറപ്പു നൽകിക്കൊണ്ട്​ വിപണിയിലെത്തിക്കുക എന്നതായിരുന്നു ബിസിനസ്​ മന്ത്രം. ഉപഭോക്​താവ്​ വാങ്ങുന്ന ഉൽപന്നത്തിൽ സംതൃപ്​തനാകണം എന്നത്​ പോലെ കച്ചവടം ചെയ്യുന്നയാൾക്കും മെച്ചമുണ്ടാകണമെന്ന നിർബന്ധം അന്നുമുതൽ കാത്തുസൂക്ഷിച്ചു. പത്തുവർഷം കൊണ്ട്​ എത്തിച്ചേരുമെന്ന്​ കരുതിയ നേട്ടങ്ങൾ ചുരുങ്ങിയ വർഷത്തിൽ നേടാൻ അതിലൂടെ സാധിച്ചു.

സംതൃപ്​തമായ ഔന്നിത്യം

ചെറുതായ തുടക്കങ്ങൾ വൻ വിജയമായപ്പോൾ ഉന്നതമായ നേട്ടങ്ങളിലേക്ക്​ സംതൃപ്​തമായ സനസോടെ സഞ്ചരിക്കാനത്​ പ്രചോദനമായി. ഏഴ്​ ജീവനക്കാരുമായി തുടങ്ങിയ ജീപാസ്​ നാലായിരത്തിലേറെ പേർക്ക്​ അന്നം നൽകുന്ന സ്​ഥാപനമായി രണട്​ പതിറ്റാണ്ടിടയിൽ വളർന്നു. അതിനിടെ, ​റീ​ട്ടെയ്​ൽ വ്യാപാര രംഗത്ത്​ വിപ്ലവകരമായ കുതിച്ച​ുചാട്ടത്തിന്​ തുടക്കമിട്ട്​ 'നെസ്​റ്റോ ഹൈപ്പർമാർക്കറ്റ്​' ശൃംഖലക്ക്​തുടക്കമിട്ടു. 2004ലായിരുന്നു ഇത്​. യു.എ.ഇ തന്നെയായിരുന്നു ആ തുടക്കത്തിനും തിരഞ്ഞെടുത്ത മണ്ണ്​. ഒന്നര പതിറ്റാണ്ട്​ പിന്നിടു​േമ്പാൾ സ്വപ്​നതുല്യമായ സാന്നിധ്യമാകാൻ ഈ രംഗത്ത്​ സാധിച്ചിട്ടുണ്ട്​. ഔട്​ലെറ്റുകളുടെ എണ്ണത്തിൽ സെഞ്ചുറിയിലേക്ക്​ എത്തുകയാണ്​ വ്യത്യസ്​ത രാജ്യങ്ങളിൽ പടർന്നു പന്തലിച്ച നെസ്​റ്റോ.

റീ​ട്ടെയ്​ൽ വ്യാപരത്തിൽ തനത്​ ശൈലിയിലൂടെ ഉപഭോക്​താക്കളുടെ മനസിലിടം നേടിയാണ്​ ഈ നേട്ടം കൈവരിച്ചത്​. ജീപാസിന്​ പുറമെ റോയൽഫോഡ്​, പാരജോൺ, ഓൽസെൻമാർക്​, യങ്​ലൈഫ്​, ക്ലർക്​ ഫോർഡ്​, പാരാജോൺ, ക്രിപ്​റ്റൺ, ബേബിപ്ലസ്​, ഡെൽകാസ, എക്ക, എപ്​സിലോൺ, ഫ്ലവേഴ്​സ്​, മൻസോനി, ടൈബർ, റോസ്​, ഔട്​ലുക്ക്​, കെൻ ജാർഡീൻ, നോൺസ്​റ്റോപ്​ തുടങ്ങിയ ബ്രാൻഡുകൾ കെ.പി ബഷീറി​െൻറ വെസ്​റ്റേൺ ഇൻറർനാഷണൽ ഗ്രൂപ്പി​െൻറ കീഴിൽ ഇന്നുണ്ട്​.

ഭാവിയിലേക്ക്​ പ്രതീക്ഷയോടെ

ഇമാറാത്തി​െൻറ മണ്ണിൽ കാലൂന്നിനിന്ന്​ ഇനിയും മുന്നോട്ടുപേകാനാണ്​ കെ.പി ബഷീർ ആഗ്രഹിക്കുന്നത്​. ലോകത്ത്​ ബിസിനസ്​ രംഗത്ത്​ രൂപപ്പെടുന്ന പുതുകാല ട്രെൻഡുകളെ തിരിച്ചറിഞ്ഞ്​ ഓൺലൈൻ രംഗത്ത്​ സജീവമായ ഇടപെടലുകൾ ആരംഭിച്ചിട്ടുണ്ട്​. പുതിയ സാ​ങ്കേതികവിദ്യകളുടെ സഹായത്തിൽ അതിവേഗം മുന്നോട്ട്​ ഈ മേഖലയിൽ സഞ്ചരിക്കാൻ കഴിയുമെന്നാണ്​ പ്രതീക്ഷ. ഇക്കാര്യത്തിൽ കൂട്ടായി മക്കളടക്കമുള്ള പുതുതലമുറ ത​െൻറ കൂടെയുണ്ട് എന്നതാണ്​ ധൈര്യം പകരുന്നത്​. നെസ്​റ്റോയുടെ വളർച്ചയും ഭാവി പദ്ധതികളിൽ മുന്നിട്ടുനിൽക്കുന്നു. വരാനിരിക്കുന്ന കാലത്തെ കുറിച്ച്​ ചിന്തിക്കു​േമ്പാൾ തികച്ചും ആശാവഹമെന്നാണ്​ കെ.പി ബഷീറി​െൻറ പക്ഷം.

2008ലെ സാമ്പത്തിക ഞെരുക്കവും കോവിഡ്​ മഹാമാരിയും മറികടന്ന യു.എ.ഇ ലോകത്തി​െൻറ സാമ്പത്തിക തലസ്​ഥാനമെന്ന ഖ്യാതി നിലനിർത്തും. പുതിയ ബിസിനസ്​ സംരഭങ്ങൾക്കും വളരാനുള്ള വെള്ളവും വളവും ഇവിടെനിന്ന്​ ലഭിക്കും. മനസു ശരീരവും സമർപ്പിച്ച്​ മുന്നോട്ടുപോയാൽ പുതുതായി കടന്നുവരുന്നവർക്കും നേട്ടങ്ങളിലേക്ക്​ കുതിക്കാനാവും എന്നതാണ്​ ഭാവി തലമുറക്ക്​ നൽകാനുള്ള അനുഭവ പാഠം.

സഫലമീ യാത്ര

നാലു പതിറ്റാണ്ടോടടുക്കുന്ന പ്രവാസത്തി​ൽ സംതൃപ്​തനാണ്​ കെ.പി ബഷീർ. ഭാര്യ ഹാജറയും നാലുമക്കളും അടങ്ങുന്ന കുടുംബം എപ്പോഴും ഇപ്പോഴും ചേർന്ന്​ നിന്ന്​ പിന്തുണക്കുന്നു. മികച്ച തൊഴിലാളികളും സഹപ്രവർത്തകരും സംരഭങ്ങളിൽ പൂർണവിശ്വാസമർപ്പിച്ച്​ കൂടെനിന്നു. വിശ്വസിച്ച മൂല്യങ്ങളിൽ വിട്ടുവിഴ്​ച ചെയ്യാതെ എനിയുമേറെ മുന്നോട്ടു പോകാനുള്ള കരുത്ത്​ ഇപ്പോഴുമുണ്ട്​. നിഞ ചിരിയുമായി, ചെറിയ തുടക്കങ്ങളെ വലിയ വിജയത്തിലെത്തിച്ച ദൈവത്തിന്​ സ്​തുതി പറഞ്ഞുകൊണ്ട്​, ഈ യാത്ര സഫലമാണെന്ന്​ പറയാൻ കെ.പി ബഷീറിന്​ മടിയില്ല..

●