ക്രൂഡ്​ ഓയിൽ വില 43 ഡോളർ കടക്കില്ല; നിർത്തിക്കൂടേ ഈ ഇന്ധനകൊള്ള

കോവിഡിനിടയിൽ രാജ്യത്ത്​ ഇന്ധനക്കൊള്ള നിർബാധം തുടരുകയാണ്​ നരേന്ദ്രമോദിയുടെ ​നേതൃത്വത്തിലുള്ള ബി.ജെ.പി സർക്കാർ. തുടർച്ചയായ 20ാം ദിവസവും എണ്ണകമ്പനികൾ വില വർധിപ്പിച്ചിട്ടും ഇക്കാര്യത്തിൽ ഇടപെടാൻ സർക്കാർ തയാറായിട്ടില്ല. അന്താരാഷ്​ട്ര വിപണിയിൽ എണ്ണവില അനുദിനം ഇടിയു​​േമ്പാഴാണ്​ ഇന്ത്യയിൽ വില ഉയരുന്നത്​.

കോവിഡ്​ മൂലം പ്രതിസന്ധിയിലായ ഇന്ത്യയിലെ ജനങ്ങൾക്ക്​ ഇരട്ട പ്രഹരമേൽപ്പിക്കുന്നതാണ്​ രാജ്യത്തെ എണ്ണവിലയിലുണ്ടാവുന്ന വർധന. ​​എന്നാൽ, പൊതുമേഖല എണ്ണ കമ്പനികൾ വില കൂട്ടുന്നത്​ തുടരു​േമ്പാഴും അന്താരാഷ്​ട്ര വിപണിയിൽ വരും ദിവസങ്ങളിലും എണ്ണവില കുറയാൻ തന്നെയാണ്​ സാധ്യത. ഇന്ത്യ ഉപയോഗിക്കുന്ന ബ്ര​​െൻറ്​ ക്രൂഡിൻെറ വില 2020ൽ പരമാവധി 43 ഡോളർ വരെ മാത്രമായിരിക്കുമെന്നാണ്​ ബാങ്ക്​ ഓഫ്​ അമേരിക്കയിലെ ഗവേഷകർ വ്യക്​തമാക്കുന്നത്​. 2021-22ൽ പരമാവധി 55 ഡോളർ വരെയായിരിക്കും എണ്ണവില ഉയരുക.

ഏഷ്യ, യുറോപ്പ്​, യു.എസ്​ വിപണികളുടെ സമ്പദ്​വ്യവസ്ഥകൾ കരകയറുന്നതിൻെറ ലക്ഷണമില്ലെന്നാണ്​ ബാങ്ക്​ ഓഫ്​ അമേരിക്ക വ്യക്​തമാക്കുന്നത്​.

യുറോപ്പ്യൻ രാജ്യങ്ങളുടെ സമ്പദ്​വ്യവസ്ഥയുടെ കരുത്ത്​ ഓ​ട്ടോമൊബൈൽ, എയർലൈൻ, ടൂറിസം, നിർമ്മാണ വ്യവസായങ്ങളാണ്​. സമീപഭാവിയിൽ ഈ മേഖലയിലൊന്നും കുതിച്ച്​ ചാട്ടമുണ്ടാകാനിടയില്ല. ഇത്​മൂലം ഇന്ധന ഉപഭോഗത്തിൽ ഗണ്യമായ കുറവുണ്ടാകുമെന്നാണ്​ പ്രതീക്ഷിക്കുന്നത്​.

ഒപെക്​ രാജ്യങ്ങൾ ജൂലൈ വരെ ഉൽപാദനം കുറച്ചിട്ടുണ്ടെങ്കിലും എണ്ണവിലയെ പിടിച്ച്​ നിർത്താൻ ഇതൊന്നും മതിയാവില്ലെന്നാണ്​ സൂചന. ഒപെകിൽ ഉൾപ്പെടാത്ത റഷ്യ ദീർഘകാലത്തേക്ക്​ ഇന്ധന ഉൽപാദനം വെട്ടിചുരുക്കാനാവില്ലെന്ന്​ വ്യക്​തമാക്കിയതും ഇതിനൊപ്പം ചേർത്ത്​ വായിക്കണം. ഉപഭോഗം കുറഞ്ഞതോടെ പല രാജ്യങ്ങളുടെയും സംഭരണശാലകളിൽ ആവശ്യത്തിനുള്ള എണ്ണ ഇപ്പോൾ തന്നെ സ്​റ്റോക്കുണ്ട്​. ഇതും ഇന്ധനവില ഇടിയാനുള്ള പ്രധാന കാരണങ്ങളിലൊന്നാണ്​.

പുതിയ റിപ്പോർട്ടുകളനുസരിച്ച്​ അസംസ്​കൃത എണ്ണവില അടുത്തകാലത്തൊന്നും വലിയൊരു വർധനവിലേക്ക്​ പോകാൻ സാധ്യതയില്ല. കുറഞ്ഞ നിരക്കിൽ തന്നെ ഇന്ത്യയിലെ കമ്പനികൾക്ക്​ എണ്ണ ലഭിക്കും. അതുകൊണ്ട്​ തുടർച്ചയായ 20 ദിവസങ്ങളിലായി ഉയർത്തിയ എണ്ണവില ആർജവമുണ്ടെങ്കിൽ രാജ്യ​ത്തെ എണ്ണ കമ്പനികൾക്ക്​ കുറക്കാം.

എന്നാൽ, എണ്ണ കമ്പനികൾ മാത്രം വിചാരിച്ചാൽ ഇന്ത്യയിൽ ഇന്ധനവില കുറക്കാൻ സാധിക്കില്ല. 2014 മേ​യി​ൽ ന​രേ​ന്ദ്ര മോ​ദി അ​ധി​കാ​ര​ത്തി​ലേ​റു​ന്ന കാ​ല​ത്ത് ക്രൂ​ഡ്​ ഓ​യി​ൽ ബാര​ലി​ന്​ അ​ന്താ​രാ​ഷ്​​ട്രവിപണിയി​ൽ 109.10 ഡോ​ള​റും രാ​ജ്യത​ല​സ്ഥാ​ന​ത്ത് ഒ​രു​ലി​റ്റ​ർ ​െപ​ട്രോ​ളി​​ന് 71.51രൂ​പ യും ​ഡീ​സ​ലി​ന്​ 57.28 രൂ​പ​യു​മാ​യി​രു​ന്നു വി​ല. ഇ​േ​പ്പാ​ൾ ആ​ഗോ​ള വിപണിയി​ൽ ക്രൂ​ഡ്​ ഓ​യി​ൽ ബാ​ര​ലി​ന്​ വി​ല 40 ഡോ​ള​ർ. ഇ​ന്ത്യ​യി​ൽ പെ​ട്രോ​ൾ വി​ല​യാ​ക​ട്ടെ, 79.76 രൂ​പ​യും.

അ​ന്താ​രാ​ഷ്​​ട്ര വി​പ​ണി മാ​ന​ദ​ണ്ഡ​മ​നു​സ​രി​ച്ച്​ ഒ​രു ​ലി​റ്റ​ർ പെ​ട്രോ​ളി​ന്​ 32 രൂ​പ​യാ​കേ​ണ്ട സ്​​ഥാ​ന​ത്താ​ണ് ഒാ​രോ പൗ​രനും ഇത്രയും തുക കൊ​ടു​ക്കേ​ണ്ടിവ​രു​ന്ന​ത്. കേന്ദ്ര-സംസ്ഥാന സർക്കാറുകൾ ചുമത്തുന്ന നികുതിയാണ്​ ഇന്ധനവില ഉയരുന്നതിനുള്ള പ്രധാനകാരണം. എണ്ണകമ്പനികൾ വില കുറക്കു​േമ്പാൾ നികുതികൾ കൂട്ടി അതിൻെറ ആനുകൂല്യം നൽകാതിരിക്കുന്ന സർക്കാർ നടപടി കൂടിയാവു​േമ്പാൾ എണ്ണവില വർധനവ്​ മൂലം ഓരോ ദിവസവും ജനങ്ങൾ ദുരിതത്തിലാവുകയാണ്​.

SHARE