Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightവോഡഫോൺ ഐഡിയയുടെ...

വോഡഫോൺ ഐഡിയയുടെ രക്ഷക്ക്​ എസ്​.ബി.ഐ എത്തുമോ ​?; വായ്​പക്കായി ബാങ്കുമായി ചർച്ച തുടങ്ങി

text_fields
bookmark_border
വോഡഫോൺ ഐഡിയയുടെ രക്ഷക്ക്​ എസ്​.ബി.ഐ എത്തുമോ ​?; വായ്​പക്കായി ബാങ്കുമായി ചർച്ച തുടങ്ങി
cancel

ന്യൂഡൽഹി: ടെലികോം മേഖലയിൽ കടുത്ത പ്രതിസന്ധി അഭിമുഖീകരിക്കുന്ന വോഡഫോൺ ഐഡിയയുടെ രക്ഷക്കായി എസ്​.ബി.ഐ എത്തുമെന്ന്​ റിപ്പോർട്ട്​. വായ്​പക്കായി കമ്പനി രാജ്യത്തെ ഏറ്റവും വലിയ ​പൊതുമേഖല ബാങ്കുമായി ചർച്ചകൾ തുടങ്ങിയെന്നാണ്​ വാർത്തകൾ. കമ്പനിയിലെ വലിയ ഓഹരി ഉടമകൾ എത്രത്തോളം പണം വോഡഫോൺ ഐഡിയക്കായി ഇനി മുടക്കുമെന്ന വിവരം എസ്​.ബി.ഐ ആരാഞ്ഞിട്ടുണ്ട്.

ഇതിനൊപ്പം കമ്പനിയുടെ വിശദമായ താരിഫ്​ പ്ലാൻ, ലാഭത്തിലേക്ക്​ എത്താനായി വോഡഫോൺ ഐഡിയ തയാറാക്കിയ പദ്ധതി എന്നിവയെ കുറിച്ചുള്ള വിവരങ്ങളും എസ്​.ബി.ഐ തേടിയിട്ടുണ്ട്​. ഈ വിവരങ്ങൾ എസ്​.ബി.ഐക്ക്​ നൽകാനുള്ള ശ്രമത്തിലാണ്​ കമ്പനിയെന്നാണ്​ റിപ്പോർട്ട്​. അതേസമയം, വായ്​പ നൽകുന്നത്​ സംബന്ധിച്ച്​ എസ്​.ബി.ഐയിൽനിന്ന്​ വോഡഫോൺ ഐഡിയക്ക്​ ഇതുവരെ ഉറപ്പൊന്നും ലഭിച്ചിട്ടില്ല.

2016ൽ മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ജിയോ എത്തിയതിന്​ ശേഷം കമ്പനി ലാഭത്തിലേക്ക്​ വന്നിട്ടില്ല. കഴിഞ്ഞ അഞ്ച്​ വർഷക്കാലയളവിനുള്ളിൽ നിരവധി ഉപയോക്​താക്കളേയും ​ നഷ്​ടപ്പെട്ടു. ഇതിനിടെ കഴിഞ്ഞ സെപ്​തംബറിൽ കേന്ദ്രസർക്കാർ നൽകിയ ചില ഇളവുകൾ വോഡഫോൺ ഐഡിയക്ക്​ ഗുണകരമായിരുന്നു. നിലവിൽ 1.9 ട്രില്യൺ രൂപയാണ്​ വോഡഫോൺ ഐഡിയയുടെ കടം.




Show Full Article
TAGS:SBI vodafone idea 
News Summary - Vodafone Idea is reportedly in talks with SBI for a loan lifeline
Next Story