Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightമൂന്ന്​ ബില്യൺ ഡോളർ...

മൂന്ന്​ ബില്യൺ ഡോളർ സ്വരുപിക്കാനൊരുങ്ങി റിലയൻസ്​

text_fields
bookmark_border
മൂന്ന്​ ബില്യൺ ഡോളർ സ്വരുപിക്കാനൊരുങ്ങി റിലയൻസ്​
cancel

മുംബൈ: മൂന്ന്​ ബില്യൺ ഡോളർ സ്വരുപിക്കാനൊരുങ്ങി മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഇൻഡസ്​ട്രീസ്​. ബോണ്ട്​ വിൽപനയിലൂടെ പണം സ്വരൂപിക്കാനാണ്​ പദ്ധതി. വിദേശത്ത്​ നിന്ന്​ ഏറ്റവും കൂടുതൽ തുക സ്വരൂപിക്കാനാണ്​ റിലയൻസ്​ ഒരുങ്ങുന്നത്​.

നിലവിലുള്ള ബോണ്ടുകളേയും ലോണുകളേയും പുതുക്കുന്നതിനായാണ്​ റിലയൻസിന്‍റെ നടപടിയെന്നാണ്​ സൂചന. എട്ട്​ മുതൽ 10 വർഷം വരെ കാലാവധിയുള്ള റിലയൻസ്​ ബോണ്ടുകളുടെ കാലാവധി ഈ വർഷം അവസാനിക്കും. പല ​വായ്പകളുടേയും കാലാവധി അടുത്ത നാല്​ മാസത്തിനുള്ളിലും കഴിയും. ഇതോടെയാണ്​ വീണ്ടും പണം സ്വരൂപിക്കാനുള്ള നടപടികൾക്ക്​ റിലയൻസ്​ തുടക്കം കുറിക്കുന്നത്​.

10 മുതൽ 30 വർഷം കാലയളവിലായിരിക്കും റിലയൻസ്​ ബോണ്ടുകൾ വാങ്ങുക. ശനിയാഴ്ച ചേരുന്ന റിലയൻസിന്‍റെ ബോർഡ്​ യോഗം ഇതുസംബന്ധിച്ച അന്തിമ തീരുമാനമെടുക്കും. നിക്ഷേപകർ താൽപര്യം പ്രകടിപ്പിക്കു​കയാണെങ്കിൽ മൂന്ന്​ മില്യൺ​ ഡോളർ വരെ റിലയൻസ്​ സ്വരൂപിച്ചേക്കും. അതേസമയം, ഇതുമായി ബന്ധപ്പെട്ട വാർത്തകളോട്​ റിലയൻസ്​ ഇതുവരെ പ്രതികരിച്ചിട്ടില്ല.

Show Full Article
TAGS:Reliance Industries 
News Summary - RIL plans to raise up to $3 billion via overseas bonds
Next Story