Top
Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightറിലയൻസിന്​ തിരിച്ചടി;...

റിലയൻസിന്​ തിരിച്ചടി; ഫ്യൂച്ചർ ഗ്രൂപ്പുമായുള്ള ഇടപാട്​ ഡൽഹി ഹൈകോടതി തടഞ്ഞു

text_fields
bookmark_border
റിലയൻസിന്​ തിരിച്ചടി; ഫ്യൂച്ചർ ഗ്രൂപ്പുമായുള്ള ഇടപാട്​ ഡൽഹി ഹൈകോടതി തടഞ്ഞു
cancel

ന്യൂഡൽഹി: മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഇൻഡസ്​ട്രീസിന്‍റെ ഫ്യൂച്ചർ ഗ്രൂപ്പുമായുള്ള ഇടപാടിന്​ തിരിച്ചടി. ഫ്യൂച്ചർ ഗ്രൂപ്പ്​ ഓഹരികൾ റിലയൻസിന്​ വിൽക്കാനുള്ള ഇടപാട്​​ ഡൽഹി ഹൈകോടതി താൽക്കാലികമായി സ്​റ്റേ ചെയ്​തു. റീടെയിൽ വിപണിയിൽ റിലയൻസിന്​ മേധാവിത്വം നൽകുന്ന ഇടപാടിനെ എതിർത്ത് ആഗോള റീടെയിൽ ഭീമനായ​ ആമസോണാണ്​ കോടതിയെ സമീപിച്ചത്​.

റിലയൻസുമായുള്ള ഫ്യൂച്ചർ ഗ്രൂപ്പിന്‍റെ ഇടപാട്​ തങ്ങളുടെ കരാറിന്‍റെ ലംഘനമാണെന്നാണ്​ ആമസോണിന്‍റെ ആരോപണം. തുടർന്ന്​ ഇതിനെതിരെ ആമസോൺ ഹൈകോടതിയിൽ ഹരജി നൽകുകയായിരുന്നു. സിംഗപ്പൂർ തർക്ക പരിഹാര കോടതി ഉത്തരവിന്​ വിരുദ്ധമാണ്​ റിലയൻസ്​-ഫ്യൂച്ചർ ഗ്രൂപ്പ്​ ഇടപാടെന്നായിരുന്നു ആമസോൺ കോടതിയിൽ വാദിച്ചത്​.

പ്രാഥമിക പരിശോധനയിൽ സിംഗപ്പൂർ തർക്ക പരിഹാര ട്രിബ്യൂണൽ വിധിയുടെ ലംഘനം കണ്ടെത്താനായിട്ടുണ്ടെന്ന്​ കോടതി നിരീക്ഷിച്ചു. അതുകൊണ്ട്​ ഇടപാടുമായി മുന്നോട്ട്​ പോകരുതെന്നും​ റിലയൻസിനോട്​ നിർദേശിച്ചു .

Show Full Article
TAGS:Reliance Industry mukesh ambani 
News Summary - Reliance's $3.4 Billion Deal With Future Group Temporarily Halted
Next Story