Begin typing your search above and press return to search.
proflie-avatar
Login
exit_to_app
exit_to_app
Homechevron_rightBusinesschevron_rightCorporateschevron_rightബാങ്കുകളോട് അദാനിക്ക്...

ബാങ്കുകളോട് അദാനിക്ക് നൽകിയ വായ്പകളുടെ വിവരം തേടി ആർ.ബി.ഐ

text_fields
bookmark_border
gautam adani 098976
cancel

ന്യൂഡൽഹി: രാജ്യത്തെ ബാങ്കുകളോട് അദാനിക്ക് നൽകിയ വായ്പകളുടെ വിവരം തേടി ആർ.ബി.ഐ. വാർത്ത ഏജൻസിയായ റോയിട്ടേഴ്സാണ് ഇതുസംബന്ധിച്ച റിപ്പോർട്ട് പുറത്തുവിട്ടത്. അദാനിക്ക് നൽകിയ വായ്പകളുടെ നിലവിലെ സ്ഥിതിയെന്താണെന്നും ആർ.ബി.ഐ ആരാഞ്ഞിട്ടുണ്ട്.

അതേസമയം, വാർത്തയോട് അദാനി ഗ്രൂപ്പോ ആർ.ബി.ഐയോ പ്രതികരിച്ചിട്ടില്ല. സി.എൽ.എസ്.എയുടെ റിപ്പോർട്ട് പ്രകാരം അദാനിയുടെ വായ്പയിൽ 40 ശതമാനമാണ് ഇന്ത്യൻ ബാങ്കുകൾ നൽകിയിരിക്കുന്നത്. ഇതിൽ 10 ശതമാനം സ്വകാര്യ ബാങ്കുകളും 30 ശതമാനം പൊതുമേഖല ബാങ്കുകളുമാണ് കൊടുത്തിരിക്കുന്നത്. ഏ​കദേശം രണ്ട് ലക്ഷം കോടിയുടെ കടം അദാനിക്കുണ്ടെന്നാണ് നിഗമനം. ക്രെഡിറ്റ് സൂസി അടക്കമുള്ള റേറ്റിങ് ഏജൻസികൾ അദാനിയുടെ ബാധ്യതകൾ സംബന്ധിച്ച് ഏ​കദേശ കണക്കുകൾ പുറത്തുവിട്ടിരുന്നു.

അദാനിയുടെ വായ്പയിൽ 7,000 കോടി നൽകിയത് പഞ്ചാബ് നാഷണൽ ബാങ്കായിരുന്നു. എന്നാൽ മറ്റ് പൊതുമേഖല ബാങ്കുകൾ നൽകിയ വായ്പയുടെ കണക്കുകൾ പുറത്ത് വന്നിട്ടില്ല. നേരത്തെ അദാനിയുടെ ഓഹരികൾക്ക് വൻ ഇടിവ് രേഖപ്പെടുത്തിയതോടെ ഇതുസംബന്ധിച്ച് സെബി അന്വേഷണം ആരംഭിച്ചിരുന്നു. സിറ്റി ഗ്രൂപ്പും ക്രെഡിറ്റ് സൂസിയും അദാനിയുടെ സെക്യൂരിറ്റികൾ സ്വീകരിക്കുന്നത് നിർത്തിയിരുന്നു.

ഓഹരി വിപണിയിൽ തിരിച്ചടിയേറ്റതോടെ ഫോളോ ഓൺ പബ്ലിക് ഓഫറിൽ നിന്ന് അദാനി ഗ്രൂപ്പ് പിൻവാങ്ങിയിരുന്നു. ഷോർട്ട് സെല്ലിങ് സ്ഥാപനമായ ഹിൻഡൻബർഗിന്റെ റിപ്പോർട്ട് പുറത്ത് വന്നതോടെയാണ് ഓഹരി വിപണിയിൽ അദാനിക്ക് തിരിച്ചടിയേറ്റത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Guatham adaniHindenburg Research
News Summary - RBI looking at banks' exposure to Adani group companies, seeks present status, say sources
Next Story