ഇതുവരെ 20,000ത്തോളം ജീവനക്കാർക്ക്​ കോവിഡ്​ സ്​ഥിരീകരിച്ചതായി 'ആമസോൺ'

സാൻഫ്രാൻസിസ്​കോ: ലോകമെമ്പാടുമുള്ള 20,000 ത്തോളം ജീവനക്കാർക്ക്​ കോവിഡ്​ സ്​ഥിരീകരിച്ചതായി ആഗോള ഇ കൊമേഴ്​സ്​ ഭീമൻമാരായ ആമസോൺ. കോവിഡ്​ വ്യാപനം രൂക്ഷമായ മാർച്ച്​ മുതൽ വിവിധ രാജ്യങ്ങളിലെ 19,800 ആ​മസോൺ ജീവനക്കാർക്കാണ്​ രോഗം സ്​ഥിരീകരിച്ചത്​.

13,70,000 ജീവനക്കാരാണ്​ ആ​മസോണിനുള്ളത്​. അമേരിക്കയിലെ ഹോൾസെയിൽ ഫുഡ്​ മാർക്കറ്റിലെ ജീവനക്കാരിൽ പ്രതീക്ഷിച്ചതിനേക്കാൾ കുറവ്​ രോഗബാധയാണ്​ സ്​ഥിരീകരിച്ചതെന്നും കമ്പനി വ്യക്തമാക്കുന്നു.

കോവിഡ്​ 19ൻെറ സാഹചര്യത്തിൽ കമ്പനി ഏർപ്പെടുത്തിയ കോവിഡ്​ മുൻകരുതലുകളെക്കുറിച്ച്​ ചില ജീവനക്കാർ വിമർശനം ഉന്നയിച്ചതിനാലും സഹപ്രവർത്തകർക്ക്​ രോഗം ബാധിച്ചത്​ സംബന്ധിച്ച ആശങ്ക പങ്കുവെച്ചതിനാലുമാണ്​​ കമ്പനി കണക്കുകൾ പുറത്തുവിട്ടത്​. ​ പ്രതിദിനം 650 നഗരങ്ങളിലായി 50,000 ത്തോളം പരിശോധനകളുടെ എണ്ണം ഉയർത്തിയതായും ആമസോൺ അറിയിച്ചു​.

മഹാമാരിയുടെ തുടക്കം മുതൽ എല്ലാ ജീവനക്കാർക്കും നിർദേശങ്ങൾ കൃത്യസമയത്ത്​ നൽകിയിരുന്നതായും ഒരു ഓഫിസിൽ സഹപ്രവർത്തകർക്ക്​ രോഗം സ്​ഥിരീകരിച്ചാൽ കൃത്യമായി അറിയിക്കുന്നുണ്ടെന്നും ആമസോൺ വ്യക്തമാക്കി.

അ​​മേരിക്കയിലെ ജനങ്ങൾക്ക്​ രോഗം ബാധിക്കുന്ന നിരക്ക്​ കമ്പനിയുടെ ജീവനക്കാരുമായി താരതമ്യം ചെയ്യു​േമ്പാൾ 33,000ത്തിൽ അധികം എത്തുമായിരുന്നുവെന്നും ആമസോൺ അറിയിച്ചു.