Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightസ്വത്തുക്കൾ...

സ്വത്തുക്കൾ വീതംവെക്കാൻ അംബാനി ഫോർമുല; റിലയൻസിന്‍റെ​ ​പ്രവർത്തനം ഇനി ഇങ്ങനെ

text_fields
bookmark_border
സ്വത്തുക്കൾ വീതംവെക്കാൻ അംബാനി ഫോർമുല; റിലയൻസിന്‍റെ​ ​പ്രവർത്തനം ഇനി ഇങ്ങനെ
cancel

ന്യൂഡൽഹി: ഇന്ത്യയിലെ ഏറ്റവും വലിയ വ്യവസായികളിലൊരാളായ മുകേഷ്​ അംബാനി തന്‍റെ സ്വത്തുക്കൾ വീതംവെക്കുന്നത്​ സംബന്ധിച്ച്​ തീരുമാനമെടുത്തെന്ന്​ സൂചന​. വർഷങ്ങളായി ഇതിനായി വിവിധ വഴികൾ അംബാനി കുടുംബം പരിഗണിച്ചിരുന്നതായി വാർത്തകളുണ്ടായിരുന്നു. ഒടുവിൽ ഇക്കാര്യത്തിൽ തീരുമാനമായെന്നാണ്​ റിപ്പോർട്ട്​. തന്‍റെ 208 ബില്യൺ ഡോളർ മൂല്യമുള്ള സാമ്രാജ്യം വീതംവെക്കു​േമ്പാൾ തർക്കങ്ങൾ ഉടലെടുക്കാതിരിക്കാനുള്ള നീക്കങ്ങളാണ്​ 64കാരനായ അംബാനി നടത്തുന്നത്​.

വാൾമാർട്ടിന്‍റെ ഉടമസ്ഥരായ വാൾട്ടൺ ഫാമിലി സ്വത്ത്​ കൈമാറിയ രീതി തന്നെയാവും മുകേഷ്​ അംബാനിയും പിന്തുടരുക. മുഴുവൻ സ്വത്തുക്കളും ട്രസ്റ്റിന്‍റെ ഘടനയുള്ള സ്ഥാപനത്തിന്​ കീഴിലേക്ക്​ മാറ്റുകയാവും അംബാനി ചെയ്യുക. റിലയൻസ്​ ഇൻഡസ്​ട്രീസിന്‍റെ നിയന്ത്രണവും ഈ ട്രസ്റ്റിനാകും.

മുകേഷ്​ അംബാനിക്കും നിത അംബാനിക്കും മൂന്ന്​ മക്കൾക്കും സ്ഥാപനത്തിൽ ഓഹരി പങ്കാളിത്തമുണ്ടാവും. അംബാനിയുടെ വിശ്വസ്​തർ ഉപദേശകരായും ട്രസ്റ്റിൽ ഇടംപിടിക്കും. ഓയിൽ റിഫൈനറിൽ മുതൽ ഇ-കോമേഴ്​സ്​ വരെ വ്യാപിച്ച്​ കിടക്കുന്ന റിലയൻസിന്‍റെ ദൈനംദിന പ്രവർത്തനങ്ങൾ കൈകാര്യം ചെയ്യാൻ വിദഗ്​ധരുടെ സംഘവുമുണ്ടാകും.

നേരത്തെ 2005ൽ പിതാവ്​ ധീരുഭായി അംബാനി വളർത്തിയെടുത്ത 90,000 കോടി രൂപ ആസ്​തിയുള്ള റിലയൻസ്​ വ്യവസായ ശൃംഖലയുടെ വീതംവെച്ചപ്പോൾ വലിയ തർക്കം ഉടലെടുത്തിരുന്നു. തുടർന്ന്​ അമ്മ കോകില ബെന്നിന്‍റെ സാന്നിധ്യത്തിൽ നടത്തിയ ചർച്ചകൾക്കൊടുവിലാണ്​ തർക്കം അവസാനിപ്പിക്കാൻ സാധിച്ചത്​.

Show Full Article
TAGS:mukesh ambani 
News Summary - Mukesh Ambani looks to Walton family playbook on succession
Next Story