ആമസോൺ ഓഹരികൾ വിൽക്കാനൊരുങ്ങി ജെഫ്​ ബെസോസ്​

വാഷിങ്​ടൺ: 2.5 ബില്യൺ ഡോളർ മൂല്യം വരുന്ന ആമസോൺ ഓഹരികൾ വിൽക്കാനൊരുങ്ങി സ്ഥാപകൻ ജെഫ്​ ബെസോസ്​. 10 ബില്യൺ ഡോളറി​െൻറ ഓഹരികൾ 2020ൽ വിറ്റതിന്​ പിന്നാലെയാണ്​ ബെസോസി​െൻറ പുതിയ നീക്കം. 739,000 ഓഹരികളാവും വിൽക്കുകയെന്ന്​ ബെസോസ്​ യു.എസ്​ വിപണിയെ അറിയിച്ചു.

മുൻ നിശ്​ചയിച്ച പ്രകാരമാണ്​ ആമസോൺ ഓഹരികൾ ബെസോസ്​ വിൽക്കുന്നത്​. ആമസോണിലെ രണ്ട്​ മില്യൺ ഓഹരികൾ വിൽക്കാനാണ്​ ബെസോസി​െൻറ തീരുമാനം. കമ്പനിയിൽ ഏകദേശം 10 ശതമാനം ഓഹരിയാണ്​ ബെസോസിനുള്ളത്​. 193.5 ബില്യൺ ഡോളറാണ്​ ഓഹരികളുടെ ഏകദേശ മൂല്യം.

ബെസോസി​​െൻറ തന്നെ ഉടമസ്ഥതയിലുള്ള മറ്റൊരു കമ്പനിയായ ബ്ലു ഒർജിന്​ പണം കണ്ടെത്തുന്നതിന്​ വേണ്ടിയാണ്​ ഓഹരി വിൽപനയെന്നാണ്​ സൂചന. 15 വർഷങ്ങൾക്ക്​ മുമ്പ്​ 1997ലാണ്​ ആമസോൺ ഓഹരി വിപണിയിൽ ലിസ്​റ്റ്​ ചെയ്​തത്​. കോവിഡിനെ തുടർന്ന്​ ഓൺലൈൻ ഷോപ്പിങ്​ വർധിച്ചതോടെ കഴിഞ്ഞ വർഷം വൻ വർധനയാണ്​ ആമസോൺ ഓഹരികൾക്കുണ്ടായത്​.