Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightBusinesschevron_rightCorporateschevron_rightഇന്ത്യൻ വിമാന...

ഇന്ത്യൻ വിമാന കമ്പനിക്ക്​ വനിത സി.ഇ.ഒ; ചരിത്രത്തിൽ ഇതാദ്യം

text_fields
bookmark_border
ഇന്ത്യൻ വിമാന കമ്പനിക്ക്​ വനിത സി.ഇ.ഒ; ചരിത്രത്തിൽ ഇതാദ്യം
cancel

ന്യൂഡൽഹി: ചരിത്രത്തിലാദ്യമായി വനിത സി.ഇ.ഒയെ നിയമിച്ച്​ ഇന്ത്യൻ വിമാനകമ്പനി. എയർ ഇന്ത്യയുടെ സഹകമ്പനിയായ അലൈൻസ്​ എയറാണ്​ ഹർപ്രീത്​.എ.ഡി.സിങ്ങിനെ സി.ഇ.ഒയായി നിയമിച്ചത്​. ടൈംസ് ഓഫ്​ ഇന്ത്യയാണ്​ ഇതുമായി ബന്ധപ്പെട്ട വാർത്ത റിപ്പോർട്ട്​ ചെയ്​തത്​.

ഇനിയൊരു അറിയിപ്പുണ്ടാവുന്നത്​ വരെ ഹർപ്രീത്​ അലൈൻസ്​ എയറി​െൻറ സി.ഇ.ഒയായി തുടരുമെന്ന്​ എയർ ഇന്ത്യ സി.എം.ഡി രാജീവ്​ ബൻസാൽ പുറത്തിറക്കിയ ഉത്തരവിൽ വ്യക്​തമാക്കുന്നു. ഫ്ലൈറ്റ്​ സേഫ്​റ്റി വിഭാഗത്തിൽ എക്​സിക്യൂട്ടീവ്​ ഡയറക്​ടറാണ്​ ഹപ്രീത്​. സീനിയർ ക്യാപ്​റ്റൻ നിവേദിത ഭാസിന്​ ഫ്ലൈറ്റ്​ സേഫ്​റ്റി എക്​സിക്യൂട്ടീവ്​ ഡയറക്​ടറുടെ ചുമതല നൽകുമെന്നും എയർ ഇന്ത്യ അറിയിച്ചു.

1988ലാണ്​ എയർ ഇന്ത്യയുടെ പൈലറ്റായി ഹർപ്രീത്​ സിങ്​ എത്തുന്നത്​. പിന്നീട്​ ആരോഗ്യപരമായ കാരണങ്ങളാൽ വിമാനം പറഞ്ഞാൻ കഴിയാതിരുന്നപ്പോഴും വിമാനങ്ങളുടെ സുരക്ഷയുമായി ബന്ധപ്പെട്ട മേഖലയിൽ അവർ ​ശ്രദ്ധേയമായ സംഭാവനകൾ നൽകിയിരുന്നു. വനിത പൈലറ്റ്​ അസോസിയേഷ​െൻറ തലപ്പത്തും അവർ എത്തിയിട്ടുണ്ട്​. എയർ ഇന്ത്യയുടെ സ്വകാര്യവൽക്കരണം നടപ്പിലായാലും അലൈൻസ്​ എയറിനെ പൊതുമേഖലയിൽ തന്നെ നില നിർത്തുമെന്നാണ്​ ഇപ്പോൾ പുറത്ത്​ വരുന്ന വാർത്തകൾ.

Show Full Article
TAGS:air india alliance air Harpreet A De Singh 
Web Title - Indian airline appoints a female CEO for the first time
Next Story