Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightറിലയൻസിന്​ വൻ...

റിലയൻസിന്​ വൻ തിരിച്ചടി; ഫ്യൂച്ചർ ഗ്രൂപ്പുമായുള്ള ഇടപാട്​ തടഞ്ഞ്​ സുപ്രീംകോടതി

text_fields
bookmark_border
റിലയൻസിന്​ വൻ തിരിച്ചടി; ഫ്യൂച്ചർ ഗ്രൂപ്പുമായുള്ള ഇടപാട്​ തടഞ്ഞ്​ സുപ്രീംകോടതി
cancel

ന്യൂഡൽഹി: മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഗ്രൂപ്പിന്​ കനത്ത തിരിച്ചടി നൽകി സുപ്രീംകോടതി തീരുമാനം. ഫ്യൂച്ചർ ഗ്രൂപ്പുമായുള്ള 3.4 ബില്യൺ ഡോളറിന്‍റെ ഇടപാട്​ സുപ്രീംകോടതി തടഞ്ഞു. ഇടപാടിൽ സിംഗപ്പൂർ തർക്കപരിഹാര കോടതി ഏർപ്പെടുത്തിയ സ്​റ്റേ നിലനിൽക്കുമെന്ന്​ സുപ്രീംകോടതി വ്യക്​തമാക്കി.

ഫ്യൂച്ചർ ഗ്രൂപ്പിന്‍റെ 3.4 ബില്യൺ ഡോളർ മൂല്യമുള്ള റീടെയിൽ ആസ്​തികൾ വാങ്ങാനായിരുന്നു റിലയൻസിന്‍റെ പദ്ധതി. ഇതിനെതിരെ ജെഫ്​ ബെസോസിന്‍റെ ഉടമസ്ഥതയിലുള്ള ആമസോണാണ്​ നിയമനടപടികളുമായി മുന്നോട്ട്​ പോയത്​. ആമസോണിന്​ കേസിൽ മുൻതൂക്കം നൽകുന്നതാണ്​ സുപ്രീംകോടതിയുടെ തീരുമാനം.

കഴിഞ്ഞ വർഷമാണ്​ ഫ്യൂച്ചർ ഗ്രൂപ്പിന്‍റെ റീടെയിൽ ബിസിനസ്​ ഏറ്റെടുക്കുകയാണെന്ന്​ റിലയൻസ്​ പ്രഖ്യാപിച്ചത്​. മൊത്തവ്യാപാരം, ലോജിസ്റ്റിക്​സ്​, വെയർഹൗസിങ്​ ഉൾപ്പടെയുള്ള ബിസിനസ്​ റിലയൻസ്​ ഏറ്റെടുത്തിരുന്നു. എന്നാൽ ഇതിന്​ മുമ്പ്​ ഫ്യൂച്ചർ ഗ്രൂപ്പിന്‍റെ ഭാഗമായ ഫ്യൂച്ചർ കൂപ്പൺസിലെ 49 ശതമാനം ഓഹരികൾ ആമസോൺ ഏറ്റെടുത്തിരുന്നു. 2019ലായിരുന്നു ആമസോണും ഫ്യൂച്ചർ ഗ്രൂപ്പും തമ്മിലുള്ള ഇടപാട്​ നടന്നത്​. ഇതുമായി ബന്ധപ്പെട്ട ഇടപാടിലെ കരാറിന്​ വിരുദ്ധമായാണ്​ ഓഹരികൾ റിലയൻസിന്​ വിൽക്കാൻ ഫ്യൂച്ചർ ഗ്രൂപ്പ്​ തീരുമാനിച്ചതെന്നായിരുന്നു ആമസോൺ ആരോപണം. ഇന്ത്യൻ റീടെയിൽ വിപണിയിൽ ഒന്നാമതെത്താൻ ആമസോണും റിലയൻസും തമ്മിൽ കടുത്ത പോരാട്ടമാണ്​ നടക്കുന്നത്​. ഈ മത്സരത്തിൽ ഒന്നാമതെത്താനാണ്​ റിലയൻസ്​ ഫ്യൂച്ചർ റീടെയിലിനെ ഏറ്റെടുക്കാൻ തീരുമാനിച്ചത്​.

Show Full Article
TAGS:mukesh ambani Reliance Industries 
News Summary - In Huge Battle With Reliance, Amazon's Big Win In Supreme Court Today
Next Story