ആ ബോളിവുഡ്​ സുന്ദരി ഇപ്പോൾ ഗൂഗ്​ളി​െൻറ ഇൻഡസ്​ട്രി ഹെഡ്​

മഹേഷ്​ ഭട്ട്​ സംവിധാനം ചെയ്​ത പാപാ കഹ്​തേ ഹേ എന്ന ബോളിവുഡ് സിനിമയിലെ ​'ഗർ സേ നികൽത്താ ഹേ... കുച്ച്​ ദുർ ചൽത്താ ഹേ' എന്ന ഗാനം തൊണ്ണൂറുകളിലെ സൂപ്പർഹിറ്റായിരുന്നു. ആ ഗാനരംഗത്ത്​ ചുവടുവെച്ച ഔറംഗാബാദുകാരിയെ ആരും പെ​ട്ടെന്ന്​ മറക്കാനിടയില്ല. ചിത്രത്തിൽ ജുഗൽ ഹൻസ്​രാജി​െൻറ നായികയായി അഭിനയിച്ച മയൂരി കാംഗോയെന്ന സുന്ദരി ചുരുങ്ങിയ ചിത്രങ്ങളിലൂടെ തന്നെ പ്രേക്ഷകമനസിൽ ഇടം നേടി. 1995ൽ പുറത്തിറങ്ങിയ 'നസീമി'ലൂടെ ബോളിവുഡിലേക്ക്​ ചുവടുവെച്ച മയൂരി പിന്നീട്​ നിരവധി സിനിമകളിൽ വേഷമിട്ടു. പിന്നീട്​ ബോളിവുഡിൽനിന്ന്​ പിൻമാറിയെങ്കിലും അവർ 2019ൽ പുതിയൊരു മേഖലയിലേക്ക്​ കടന്നിരുന്നു. ഗൂഗ്​ൾ ഇന്ത്യയുടെ ഇൻഡസ്​ട്രി ഹെഡായാണ്​ അവർ പുതിയ ദൗത്യം ആരംഭിച്ചത്​.

15ാം വയസിലാണ്​ മയൂരി ആദ്യ ചിത്രമായ നസീമിൽ അഭിനയിക്കുന്നത്​. പിന്നീട്​ പാപാ കഹ്​തേ ഹേ, ബേതാബി, ഹോഗി പ്യാർ കി ജീത്​, ബാദൽ, പാപ ദി ഗ്രേറ്റ്, ജങ്​​ തുടങ്ങി ഡസനിലധികം ചിത്രങ്ങളിൽ അഭ്രപാളിയിലെത്തി. അജയ്​ ദേവ്​ഗൻ, സണ്ണി ഡിയോൾ, അനുപം ഖേർ, അർഷാദ്​ വാർസി, ശക്​തി കപൂർ എന്നിവരോടൊപ്പം അഭിനയിച്ച മയൂരി നിരവധി സീരിയലുകളിലും വേഷമിട്ടിട്ടുണ്ട്​. തെലുഗു ചിത്രമായ വംശിയിലും കാമറക്ക്​ മുന്നിലെത്തി.

വിദേശ വ്യവസായിയായ ആദിത്യ ധില്ലനെ വിവാഹം കഴിച്ചതിനെ തുടർന്ന്​ 2003ലാണ്​ അവർ സിനിമ ജീവിതം അവസാനിപ്പിക്കുന്നത്​. തുടർന്ന്​ യു.എസിലെത്തിയ മയൂരി സിറ്റി യൂനിവേഴ്​സിറ്റി ഓഫ്​ ന്യൂയോർക്കിൽനിന്ന്​ മാർക്കറ്റിങ്​ ആൻഡ്​ ഫിനാൻസിൽ എം.ബി.എ നേടി. ന്യൂയോർക്ക്​ കേന്ദ്രമാക്കി പ്രവർത്തിക്കുന്ന ഡിജിറ്റൽ ഏജൻസിയായ 360ഐയിലായിരുന്നു അവരുടെ പുതിയ കരിയറിന്​ തുടക്കമായത്​. ഫ്രാൻസ്​ ആസ്​ഥാനമായ പ്രമുഖ ഡിജിറ്റൽ മീഡിയ കമ്പനിയായ പെർ​േഫാമിക്​സി​െൻറ മാനേജിങ്​ ഡയറക്​ടറായിരുന്നു. 2004 മുതൽ 2012 വരെ വിവിധ കമ്പനികളിൽ ജോലി ചെയ്​ത അവർ പിന്നീട്​ ഇന്ത്യയി​ൽ തിരിച്ചെത്തി. ഒടുവിൽ 2019ലാണ്​ ഗുഗ്​ൾ ഇന്ത്യയുടെ വ്യവസായ വിഭാഗത്തി​െൻറ ചുമതല ഏറ്റെടുക്കുന്നത്​.

വ്യവസായ ലോകത്തേക്ക്​ എത്തിയതോടെ താൻ പ്രധാനമായും അഭിമുഖീകരിച്ചിരുന്ന ചോദ്യം ബോളിവുഡിൽ നിന്ന്​ എങ്ങനെ ഇവിടെയെത്തി എന്നതാണെന്ന്​ മയൂരി ടൈംസ്​ ഓഫ്​ ഇന്ത്യക്ക്​ നൽകിയ അഭിമുഖത്തിൽ പറഞ്ഞിരുന്നു. 'അഭിനേതാക്കൾ ബുദ്ധിമാന്മാരല്ലെന്ന മുൻധാരണയോടെയാണ്​ പലരും ആ ചോദ്യം ചോദിച്ചത്​. എ​െൻറ പ്രൊഫഷനെ ഞാൻ ഗൗരവമായി കാണുന്നുവെന്ന്​ ആളുകളെ ബോധ്യപ്പെടുത്താൻ കഠിനമായി അധ്വാനിക്കേണ്ടി വന്നു. ബോളിവുഡിലേക്ക്​ വരുന്നതിന്​ മുമ്പ്​ നടിമാർ വിദ്യാഭ്യാസം പൂർത്തിയാക്കണമെന്നാണ്​ എനിക്ക്​ പറയാനുള്ളത്​. 10 വർഷം മാത്രമേ തിളങ്ങുന്ന കരിയർ നമുക്കൊപ്പമുണ്ടാവു. അതുകഴിഞ്ഞാൽ പുതിയ ​സാധ്യതകളുടെ ലോകം നാം തന്നെ കണ്ടെത്തണം.' -ഗൂഗ്​ളി​െൻറ തലപ്പത്തേക്ക്​ എത്തിയതിന്​ ശേഷമുള്ള മയൂരിയുടെ വാക്കുകൾ എല്ലാവർക്കും പ്രചോദനമാണ്​.