Begin typing your search above and press return to search.
proflie-avatar
Login
exit_to_app
exit_to_app
Flipkart
cancel
Homechevron_rightBusinesschevron_rightCorporateschevron_rightവിദേശ വിനിമയ ചട്ട...

വിദേശ വിനിമയ ചട്ട ലംഘനം; ഫ്ലിപ്കാർട്ടിന്​ ഇ.ഡി 31,800 കോടി രൂപ വരെ പിഴ ചുമത്തിയേക്കും

text_fields
bookmark_border

ന്യൂഡൽഹി: വിദേശവിനിമയ ചട്ടങ്ങൾ ലംഘിച്ചതിന്​ ഇ കൊമേഴ്​സ്​ ഭീമൻമാരായ ഫ്ലിപ്കാർട്ടിന്​ എൻഫോഴ്​സ്​മെന്‍റ്​ ഡയറക്​ടറേറ്റ്​ (ഇ.ഡി) 31,800 കോടി രൂപ വരെ പിഴ ചുമത്താൻ സാധ്യത.

ഫോറിൻ എക്​സ്​ചേഞ്ച്​ മാനേജ്​മെന്‍റ്​ ആക്​ട്​ (ഫെമ) പ്രകാരം അന്വേഷണ ഏജൻസി ഫ്ലിപ്​കാർട്ടിനും കമ്പനി അധികൃതർക്കും ജൂലൈ ഒന്നിന്​ കാരണം കാണിക്കൽ നോട്ടീസ്​ അയച്ചിരുന്നു. ഫ്ലിപ്കാർട്ട്​ സ്​ഥാപകരായ സച്ചിൻ ബൻസാൽ, ബിന്നി ബൻസാൽ, വിവിധ വ്യക്തികൾ, സ്​ഥാപനങ്ങൾ എന്നിവക്കാണ്​ നോട്ടീസ്​.

10,600 കോടി രൂപയുടെ കാരണം കാണിക്കൽ നോട്ടീസാണ്​ ഫ്ലിപ്​കാർട്ടിന്​ അയച്ചിരുന്നത്​. നിയ​മപ്രകാരം 10,600 കോടി രൂപയുടെ 300 ശതമാനം പിഴ ഈടാക്കാനാണ്​ സാധ്യതയെന്ന്​ മുതിർന്ന ഉദ്യോഗസ്​ഥർ ഇന്ത്യ ടുഡെ ടി.വിയോട്​ പറഞ്ഞു. അവസാന ഘട്ടത്തിലാണ്​ ഫ്ലിപ്​കാർട്ടിന്​ പിഴ ചുമത്തേണ്ട തുക തീരുമാനിക്കുകയെന്നും അവർ കൂട്ടി​േച്ചർത്തു.

ഫ്ലിപ്​കാർട്ട്​ വിദേശ വിനിമയ ചട്ടങ്ങൾ ലംഘിച്ചതായി പ്രത്യക്ഷത്തിൽ കണ്ടെത്തിയതായി അധികൃതർ അറിയിച്ചു.

2009നും 2015നും ഇടയിൽ മൗറീഷ്യസ്​ ആസ്​ഥാനമായ സ്​ഥാപനത്തിൽനിന്ന്​ വിദേശ നിക്ഷേപം വഴി 10,600 കോടി രൂപ മൊത്ത വ്യാപാരത്തിനായി ലഭിച്ചുവെന്നാണ്​ കണ്ടെത്തൽ. ഇൗ പണം മൾട്ടി ബ്രാൻഡ്​ ബിസിനസിനായി ഉപയോഗിച്ചുവെന്നും ആരോപിക്കുന്നു.

അതേസമയം, ഫ്ലിപ്​കാർട്ട്​ ഇന്ത്യൻ നിയമങ്ങൾക്കും നടപടികൾക്കും അനുസൃതമായാണ്​ പ്രവർത്തിക്കുന്നത്​. വിദേശ നിക്ഷേപ നിയമങ്ങളും ബാധകമാകും. നോട്ടീസിൽ പറയുന്ന 2009-2015കാലഘട്ടത്തിലെ സംഭവവുമായി ബന്ധപ്പെട്ട്​ ഫ്ലിപ്​കാർട്ട്​ അന്വേഷണത്തിൽ സഹകരിക്കും -ഫ്ലിപ്കാർട്ട്​ പ്രസ്​താവനയിൽ അറിയിച്ചു​. 2018ൽ വാൾമാർട്ട്​ ഫ്ലിപ്​കാർട്ടിനെ ഏറ്റെടുത്തിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:FDIFlipkartEnforcement DirectorateforexForeign Exchange Management Act
News Summary - FDI violation ED may fine Flipkart up to Rs 31,800 crore
Next Story