Begin typing your search above and press return to search.
exit_to_app
exit_to_app
Homechevron_rightBusinesschevron_rightCorporateschevron_rightഡ്രോൺ ഉൽപാദനം...

ഡ്രോൺ ഉൽപാദനം തുടങ്ങാൻ അംബാനിയും അദാനിയും

text_fields
bookmark_border
ഡ്രോൺ ഉൽപാദനം തുടങ്ങാൻ അംബാനിയും അദാനിയും
cancel

ന്യൂഡൽഹി: രാജ്യത്തെ ഡ്രോൺ വ്യവസായത്തിലും ഒരു കൈ നോക്കാ​നൊരുങ്ങി പ്രമുഖ വ്യവസായികളായ മുകേഷ്​ അംബാനിയും ഗൗതം അദാനിയും. ഇന്ത്യയിൽ ഡ്രോൺ ഉൽപാദനത്തിനൊരുങ്ങുന്ന സ്ഥാപനങ്ങളിൽ ഇരുവരുടേയും കമ്പനികൾ ഉൾപ്പെട്ടിട്ടുണ്ടെന്നാണ്​ വിവരം. മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ജിയോയുടെ സഹസ്ഥാപനമായ അസ്​ട്രിയ എയ്​റോസ്​പേസാണ്​ ഡ്രോൺ നിർമ്മാണത്തിന്​ ഒരുങ്ങുന്നത്​. അദാനി ഡിഫൻസും ഇതിനുള്ള ഒരുക്കത്തിലാണ്​.

ഇതിന്​ പുറമേ ഐഡിയഫോർജ്​ ടെക്​നോളജി, ഡൈനാമാറ്റി ടെക്​നോളജീസ്​ എന്നീ സ്ഥാപനങ്ങൾക്കും ഡ്രോൺ നിർമ്മിക്കാൻ പദ്ധതിയുണ്ട്​. ഡ്രോൺ നിർമ്മാണത്തിന്​ കേന്ദ്രസർക്കാർ കൂടുതൽ ഇളവുകൾ അനുവദിച്ചതോടെയാണ്​ ഇവർ പുതിയ വ്യവസായത്തിലേക്ക്​ ചുവടുവെക്കുന്നത്​. ഡ്രോൺ നിർമ്മാണത്തിന്​ ആവശ്യമായ വസ്​തുക്കളിൽ 70 ശതമാനവും ഇന്ത്യയിൽ ലഭ്യമാണ്​. ഡ്രോണുകൾ രാജ്യത്ത്​ നിർമ്മിക്കുകയോ അല്ലെങ്കിൽ അസംബിൾ ചെയ്യുകയോ ചെയ്യും.

​ഡ്രോൺ നിർമാണമേഖലയിൽ അടുത്ത അഞ്ച്​ വർഷത്തിനുള്ളിൽ ഒരു ബില്യൺ ഡോളറി​െൻറ നിക്ഷേപമുണ്ടാവുമെന്നാണ്​ പ്രതീക്ഷയെന്ന്​ ഐഡിഫോർജ്​ സി.ഇ.ഒ അങ്കിത്​ മേത്ത പറഞ്ഞു. പ്രതിരോധം, അടിസ്ഥാനസൗകര്യ വികസനം, വിതരണം, ആരോഗ്യം, കാർഷികരംഗം തുടങ്ങി നിരവധി മേഖലകളിൽ ഡ്രോൺ വ്യാപകമായി ഉപയോഗിക്കുമെന്നാണ്​ വ്യവസായ സംഘടനയായ ഫിക്കിയുടെ പ്രതീക്ഷ. ഇത്​ മുതലാക്കാൻ ലക്ഷ്യമിട്ട്​ തന്നെയാണ്​ അംബാനിയും അദാനിയും കളത്തിലിറങ്ങുന്നത്​.

Show Full Article
TAGS:mukesh ambani Gautham Adani 
News Summary - Adani, RIL units keen to scale up drone production
Next Story